Gosewe laba 10:7 - O Debleskro Drom 2021 (Sinte)

⁷ Latche menshe wenn gar bistedo. Kowa, hoi le kran, hi o Debleskro latchepen. I tchilatche wenn bistedo.

O Debleskro Lab 2024 (Sinte-Manouche)

⁷ Lače menshe venn gar bistedo. Kova, hoy le kran, hi o Debleskro lačepen. I čilače venn bistedo.

Gosewe laba 10:7 ပူးပေါင်းရင်းမြစ်များ

1. Rajengro liil 11:36

Leskro tchawes mukau jek kotar. Jaake hi an hako tsiro i tchawo o Davidestar o rai an o foro Jerusalem. Kau foro rodom me mange win, te djiwap kote.

2. Rajengro liil 19:34

“Me rikrau mire wasta pral kau foro, un me lau les win dran i tchilatche wasta. Kowa krau me mange kokres, un o Davideske, kai miro budepaskro his.”

2. Familjakro liil 24:16

Un doleske, kai lo bud latcho koowa kras i Israelenge, o Debleske un o Debleskro kheer, paskran le les an o Davideskro foro pash i bare rajende.

2. Familjakro liil 32:33

Un o Hiskija meras, un jon paskran les ap jek kol feteder platse an o mulengro kheer, kai i bare raja dran o Davideskro kheer paskedo his. Un i tsele menshe an o them Juda un an o foro Jerusalem, sharan les pash peskro paskepen. Un leskro tchawo, o Manasse, was o baro rai pal leste.

Hiob 18:17

Kek ap i tseli phub djinell gomme, koon job his. Pash hakeneste well lo bistedo.

Hiob 24:20

Sawes bistrell ninna leskri dai. I kirme chan pen tchales ap leste. Kekeske well lo buder an o shero. Jaake phagell o tchilatchepen khetne har kasht.

Hiob 27:23

Ko ducho hi har jek, kai dell i wasta pral leste khetne, un dell shol har te sals lo pral leste, kai lo ninna djal.

Debleskri gili 109:13

Kre, te merenn kolla win, kai pal leste wenna. Leskre tchawengre tchawen wenn kek tchawe buder, jaake te well lengro lab bistedo.

Debleskri gili 109:15

Muk kowa, hoi le kran, hako tsiro glan tire jaka te well! Kre, te well leskro lab bistedo an o tselo them!

Debleskri gili 112:6

Job atchell soreles tardo hako tsireske. Kowa, kai an o tchatchepen tardo hi, well an kek tsiro bistedo.

Debleskri gili 34:16

O baro Dewel dikell ap kolende, kai an o tchatchepen tardo hi. Un leskre kanda shunenn len, te denn le gole.

Debleskri gili 34:17

O baro Dewel hi gar kolentsa, kai o tchilatchepen krenna, un krell, te wenn le sik bistedo pal lengro merepen.

Debleskri gili 41:5

Me penom: “Baro Dewel, kre tiro dji mange pre! Me anom doosh ap mande. Kre man sasto!”

Gosewe laba 22:1

Te rakrenn le pral tute latcho koowa, hi kowa feteder har baro brawlepen. Te dikenn le latches ap tute, hi kowa feteder har rup un sonakai.

Sikepaskro 8:10

Un pale dikom, har tchilatche menshe shukar paskedo wan. Un kolla, kai o tchatcho koowa kran, hunte mukan o Debleskro kheer, un wan bistedo an o foro. Kowa hi ninna phares te haiwell.

Jesaja 14:22

O baro Dewel, ko rai pral o bolepen un i phub, penell: Me hadau man pre ap i menshende an o foro Babilon. Leskro lab well bistedo. Un kek lendar atchell djido, witar gar lengre tchawe un tchawengre tchawe.

Jeremia 17:13

Tu, baro Dewel, hal kowa, ap koleste i Israelitarja dikenn. Pral halauterende, kai mukan tut, well ladj. Un kolla, kai djan tutar krik, kolengre laba wenn bistedo har te wans le tchinlo an i tchik. Jon mukan tut, o baro Debles, kowa, kai hi har i quella, dran kolate djido pani well.

Markus 14:9

Tchatchepah, me penau tumenge: Ap i tseli phub, kai penenn le o latcho lab mandar i menshenge, koi well ninna penlo, hoi koi djuwel mange kras. Joi wella gar bistedo.”

Louka 1:48

Me hom gar moldo, te dikas o Dewel jaake latches ap mande. Un kanna sharenn man i tsele menshe. Un lengre tchawe penenna mandar, kai o Dewel man bachteles kras.