Gosewe laba 10:3 - O Debleskro Drom 2021 (Sinte)

³ O baro Dewel mukell i latches gar te bokell. Krik pestar tradell lo ko tchilatches, koles bok pral bud koowa hi.

O Debleskro Lab 2024 (Sinte-Manouche)

³ O baro Devel moukell i lačes gar te bokell. Krik pestar tradell lo ko čilačes, koles bok pral boud koova hi.

Gosewe laba 10:3 ပူးပေါင်းရင်းမြစ်များ

Hiob 15:23

Job djal kate te kote un rodell chapen, un hatsell tchi. Un job haiwas, te well i kalo diwes pral leste.

Hiob 20:28

Leskro tselo brawlepen an leskro kheer well krik lino – ap ko diwes, kai well o Debleskri choli pral i tchilatchende har diwje panja.

Hiob 5:20

Te hi bari bok an o them, mukell lo tut gar te merell. Un an o kurepen mukell lo tut gar i chareha te marell.

Debleskri gili 10:14

Tu dikal les. Tu deh jak ap kolende, kolenge le o djipen phares krenn, un djineh lengre duka, un leh lengro koowa an tiro wast. Awa, i tchorwele tchiwenn pengro djipen an tiro wast. Tu hal ap i rig kolendar, kolen kek dad buder hi.

Debleskri gili 112:10

O tchilatcho dikell kowa un choirell pes. I choljatar dandrell lo i danda khetne. Job merell, un kowa, hoi kamas lo te krell, hi tchitcheske.

Debleskri gili 33:19

un lell lengro djipen dran o merepen win. Ninna te well bari bok pral o them, merenn le gar.

Debleskri gili 37:19

An i tchilatcho tsiro mukell lo len gar, un an i boklo tsiro dell job len doha te chal.

Debleskri gili 37:25

Me homs terno un wom phuro. An ko tselo tsiro dikom me kekes kokres muklo, kai an o tchatchepen tardo hi; un kekes leskre tchawendar dikom, kai hunte mangas peske maro.

Debleskri gili 37:3

Dik ap o baro Debleste, te krell lo tuke latchepen! Un kre, hoi mishto hi! Atch an o them, un djib kolestar, hoi tire wastentsa budral!

Gosewe laba 13:25

Koles, kai an o tchatchepen tardo hi, hi doha chapaske. O per i tchilatchestar bokella.

Gosewe laba 14:32

O tchilatcho well tele witsedo dran leskro tchilatchepen. Kowa, kai an o tchatchepen tardo hi, koleskro patsepen rikrell les ninna gomme an o merepen.

Gosewe laba 28:25

Kowa, kai bokell pal i lowe, sawo anell tchingepen pre. Kowa, kai rikrell pes ap o baro Debleste, lell budeder har doha te chal.

Gosewe laba 28:9

Kowa, kai kamell tchi o Debleskro dromestar te djinell, un palle mangell lo tchomone o baro Deblestar, koleskro mangepen hi djungelo glan o Debleskre jaka.

Jesaja 33:16

sawe menshe djiwenn palle an o pralstunepen, an i berge hi lengro khatepen. Un len hi doha chapen un pipen.

Zefanja 1:18

Lengro rup un sonakai nai lell len gar win dran koi bibacht ap ko diwes, kai o baro Debleskri choli pral lende wella. Leskri bari choli well har i jag pral o tselo them un krell halauter paash. Sik well o merepen pral halauter, kai kote djiwenn.

Louka 12:31

Dikenn koi pre, te krenn o Debleskri budi! Un job dell tumen lauter, hoi tumen hunte well djipaske.