Gosewe laba 10:28 - O Debleskro Drom 2021 (Sinte)

²⁸ Kowa, kai i latche pre dikenna, te well len, kowa well lenge dino; un jon wenn bachtelo. Kowa, kai i tchilatche pre dikenn, te well len, kowa well gar.

O Debleskro Lab 2024 (Sinte-Manouche)

²⁸ Kova, kay i lače pre dikenna, te vell len, kova vell lenge dino; oun yon venn barhtelo. Kova, kay i čilače pre dikenn, te vell len, kova vell gar.

Gosewe laba 10:28 ပူးပေါင်းရင်းမြစ်များ

Hiob 11:20

I tchilatche haiwenn gar, hoske lenge djungeles djal, un hatsenn gar win dran lengri bibacht. Lenge atchell tchi har te dikenn le ap ko diwes, kai merenn le.

Hiob 8:13

Jaake djal hakeneske, kai o Debles bistrella. Kowa, kai gar o Debleha djiwell, koleske atchell tchi, hoi dell les pale newi soor.

Debleskri gili 112:10

O tchilatcho dikell kowa un choirell pes. I choljatar dandrell lo i danda khetne. Job merell, un kowa, hoi kamas lo te krell, hi tchitcheske.

Debleskri gili 16:9

Doleske hi miro dji bachtelo, un halauter an mande stell i bachtjatar. Awa, me nai tchiwau man tele kek darjah.

Debleskri gili 68:4

Hi wawartchandes kolentsa, kai an o tchatchepen tardo hi: Jon wenn bachtelo, stenn un sanenn i bachtjatar glan o Debleste.

Gosewe laba 11:23

Kowa, hoi kolla kamenn, kai o tchatchepen krenn, anell lenge latchepen. Un kowa, hoi i tchilatche kamenn, anell lenge o Debleskri choli.

Gosewe laba 11:7

Ap ko diwes, kai merell o tchilatcho, merell ninna kowa, kai lo peskro dji pre tchiwas. Kowa, hoi leske bud moldo his, hi tchitcheske.

Gosewe laba 14:32

O tchilatcho well tele witsedo dran leskro tchilatchepen. Kowa, kai an o tchatchepen tardo hi, koleskro patsepen rikrell les ninna gomme an o merepen.

Gosewe laba 29:6

I tchilatcho taprell pes an peskro tchilatchepen. Kowa, kai an o tchatchepen tardo hi, djal bachteles peskro drom.

Remarja 12:12

Awenn bachtele un dikenn ap o latchepen, hoi ap tumende wella an ko tsiro, hoi wella! Te well tumaro djipen pharo, rikrenn win! Mangenn o Debles hako tsiro!

Remarja 15:13

Un o Dewel, kolestar o tselo latchepen wella, ap koleste dikah, lestar mangah, te wenn tumer tchalo i bachtjatar an o dji dran tumaro patsepen, jaake te djinenn tumer: Ko latchepen, hoi dell men o Dewel an o tsiro, hoi wella, kowa well tchatchepah. Un o Debleskro Ducho dell tumen i soor, te dikenn bud un budeder ap o Debleste.

Remarja 5:2

O Jesus Kristo anas men ap o Debleskro drom un kras menge o wudar pre, te djiwas o Debleha khetne. Jaake latcho his lo menge. Un mer djinah: O diwes wella, kai djiwah leha khetne an leskro railepen. Pral kowa ham bachtelo.

2. Tessalonikarja 2:16

O Dewel hi maro dad un kamell men o djijestar. Job hi menge latcho, un penell menge an o dji, te kras lo lauter menge mishto, un te lell lo men pash peste hako tsireske. Lestar mangah un maro rajestar, o Jesus Kristestar,