Gosewe laba 10:26 - O Debleskro Drom 2021 (Sinte)

²⁶ Har shut i dandenge, un jagakro ducho i jakenge, jaake hi o tchi-moldo, kai kamell gar te budrell, kolenge, kai les ap i budi bitchran.

O Debleskro Lab 2024 (Sinte-Manouche)

²⁶ Har shout i dandenge, oun yagakro dourho i yakenge, yaake hi o či-moldo, kay kamell gar te boudrell, kolenge, kay les ap i boudi bičran.

Gosewe laba 10:26 ပူးပေါင်းရင်းမြစ်များ

Gosewe laba 25:13

I mursh o labestar hi koleske, kai les bitchras, har shila pani an ko tato tsiro, kai o djob dren anlo well, un dell les newi soor.

Gosewe laba 25:20

Te giweh gilja jekeske, koleskro dji rowella, palle hi kowa leske, har te randjell jek i baja win ap i shil diwes, un har te tchorell jek shut an i dukepen.

Gosewe laba 26:6

Kowa, kai i dinelo bitchepaskres bitchrell, kowa hi har jek, kai dell peske kokres i herja tele un chal dawa.

Gosewe laba 6:6

Tu tchi-moldo, kai kameh gar te budrell, tuke penau: Dja pash i kiri, dik hawi budi joi krell! Un ab gosewo!

Jesaja 65:5

Un jon penenn i wawarenge: Atch krik tuke, ma tape man an! Me taprom ko koowa miro deblestar an. Sawe menshe, penell o baro Dewel, nai dikau me gar glan i jaka. Miri choli pral lende hi har i jag, hoi o tselo diwes chatchell.

Mateo 25:26

Penas peskro rai ap leste: I tchilatcho budepaskro hal tu. Tu kral tiri budi gar mishto. Tu djinal, te lap mange o djob, hoi me gar an i phub tchiwom, un lap mange kote khetne, kai budrom gar.

Remarja 12:11

Ma awenn khino! Krenn tumari budi i tseli sorjah! Halauter, hoi tumer krenna, krenn o Jesuseske, maro rajeske!

Hebrearja 6:12

Ma awenn khino, te krenn o Debleskri budi! Awenn jaake har kolla, kai atchan soreles an o patsepen, un lan kowa, hoi o Dewel lenge penas.