Gosewe laba 10:25 - O Debleskro Drom 2021 (Sinte)

²⁵ Har i sorelo ducho pral i phub phurdas, his o tchilatcho buder gar koi. Kowa, kai an o tchatchepen tardo hi, atchell hako tsireske.

O Debleskro Lab 2024 (Sinte-Manouche)

²⁵ Har i zorelo dourho pral i phoub phourdas, his o čilačo bouder gar koy. Kova, kay an o čačepen tardo hi, ačell hako tsireske.

Gosewe laba 10:25 ပူးပေါင်းရင်းမြစ်များ

Hiob 17:9

Jek, kai an o tchatchepen tardo hi, mukell gar tele peskro dromestar. Un koon i djudjo djipen djiwell, well sorleder un sorleder.”

Hiob 20:8

Job djal krik har i suni, un well buder gar hatslo. Har kowa, hoi jek suni das, buder gar koi hi, jaake atchell tchi lestar.

Hiob 21:18

un phurdas les krik, har phurdell i ducho o phuss krik, un har hidjrell i sorelo phurdepen o tchik krik.

Debleskri gili 125:1

I gili te giwell ap o drom an Jerusalem. Kolla, hoi ap o baro Debleste patsenna, hi har i berga Zion, hoi soreles tardo hi, un atchell hake tsirenge.

Debleskri gili 15:5

Te patsas lo peskre lowe, lell lo gar budeder lowe pale. Ninna te denn le les shukar koowa, anell lo kek chochepen ap koleste, kai kek tchilatchepen kras. Koon jaake djiwella, kowa hi soreles tardo an peskro djipen.

Debleskri gili 58:10

Lenge djal har i subjengre burra: I baro ducho tserdell len dran i phub win. Jaake phurdell o Dewel len krik an peskri bari choli.

Debleskri gili 58:9

Jaake har i momeli tele chatchrell, un buder gar koi hi, un jaake har i ternepen, hoi mulo boldo well un o kham gar dikas, jaake te atchenn jon witar gar.

Gosewe laba 1:27

un well pral tumende har i sorelo baro ducho; te well i bibacht pral tumende har i phurdepen, hoi lauter khetne phagell; te well i pharo tsiro un bari daar pral tumende.

Gosewe laba 10:30

Kowa, kai an o tchatchepen tardo hi, atchell hako tsiro soreles tardo. I tchilatche atchenn gar an o them.

Gosewe laba 12:3

O tchilatchepen dell kekes i soor, te atchell lo soreles tardo. Kowa, kai an o tchatchepen hi, atchell soreles tardo har i ruk bare drabentsa.

Gosewe laba 12:7

I tchilatche wenn tele witsedo un hi gar buder koi. O kheer kolendar, kai an o tchatchepen tardo hi, atchell tardo.

Jesaja 40:24

Jon hi har djoba, hoi an i phub witsedo hi. Jaake sik har i drab lendar win djal, phurdell i ducho pral lende, te wenn le truk. Un i baro phurdepen phurdell len krik har phuss.

Mateo 16:18

Doleske penau tuke: Tiro lab hi kanna Petro. Kowa, hoi tu kate penal, hi har i sorelo bar, ap koleste tchiwau miro kheer. Un miro kheer hi kolla, kai patsenn ap mande. Un kek nashte lell len dran mire wasta win, ninna kek merepen.

Efesarja 2:20

I tsele Debleskre menshe hi har jek kheer, kerdo dran barra. Tumer han kol barra, hoi hi tardo ap i telstune barra. I telstune barra hi o Jesus Kristeskre bitchepangre un o Debleskre rakepangre. O Jesus Kristo hi ko sorelo bar, hoi rikrell o tselo kheer khetne. Un o kheer well baro un bareder, un well i shukar kheer, kai o Dewel djiwella.

1. Timoteo 6:19

Jon te krenn latcho koowa i wawarenge, hi kowa lengro brawlepen an o bolepen, hoi atchella. Jaake djiwenn le o djipen, hoi o Dewel kamella.

2. Timoteo 2:19

Ninna te hi sawe menshe koi, kai rakrenn chochepen, djinah mer: Kowa, hoi o Dewel kras, nashte krell kek paash. Kowa hi har i bar, hoi soreles tardo hi. Kek nai witsrell les trujel. Ap leste hi tchinlo: O rai prindjrella kolen, kai leskre hi. Un ninna hi tchinlo: Koon o rajes an-mangella, hunte mukell o tchilatcho drom.