Gosewe laba 10:18 - O Debleskro Drom 2021 (Sinte)

¹⁸ Koles hi i chocheno mui, kai peskri choli ap i wawareste khatrell. Un kowa, kai chochepen pral i wawareste rakrell, hi i dinelo.

O Debleskro Lab 2024 (Sinte-Manouche)

¹⁸ Koles hi i rhorheno mouy, kay peskri rholi ap i vavareste khatrell. Oun kova, kay rhorhepen pral i vavareste rakrell, hi i dinelo.

Gosewe laba 10:18 ပူးပေါင်းရင်းမြစ်များ

2. Samuel 3:27

Har o Abner pale an o foro Hebron was, las o Joab les ap i rig pash o baro wudar, te rakrell job tchorchanes leha. Koi das o Joab les an o per tchurje, jaake te meras lo. Kowa kras lo doleske, kai o Abner leskro phrales, o Asahel, maras.

Debleskri gili 101:5

Koon rakrell tchorchanes djungelo koowa pal o dumo kolendar, kai trul leste hi, koles pandau leskro mui. Kamau koles gar, kai pre-phurdo hi, un ap wawar menshende tele dikell.

Debleskri gili 12:2

Baro Dewel, ab ap miri rig! Tire menshe hi buder gar bud. Awa, kolla, kai patsle hi mank i menshende, hi gar bud.

Debleskri gili 15:3

witar kek djunglepen pral jekeste penella. Kowa, kai peskro maleske kek tchilatchepen krella, un kolen gar praassella, kai pash leste djiwenna.

Debleskri gili 5:9

Baro Dewel, sike man o drom, hoi tchatcho hi glan tute! Kre mange o drom, hoi te djap! Muk kolen te dikell, kai mange tchilatchepen kamenna, kai hal tu ap miri rig!

Debleskri gili 50:20

Tu rakreh djungeles pral tire phralende. Pral tiri dakro tchaweste aneh tu chochepen pre.

Debleskri gili 55:21

O phukepaskro djal ap peskro maleste pre un rikrell gar peskri sowel, hoi das lo leste glan o Debleste.

2. Mose 23:1

Tu rakress kek koowa dureder, hoi tu shunal, un tu gar djineh, te hi kowa tchatcho! Ma choche i wawareske, kai anas doosh ap peste!

Jeremia 6:28

Jon djan lauter penge krik mandar, un rakrenn djungeles jek pral o wawareste. Djia dran saster hi len. Jon lauter djiwenn an o chochepen.

Jeremia 9:4

Jon lauter chochenn pengre malen. Un kek rakrell laba, hoi tchatcho hi. Jon penan pengre tchipja, te rakrenn le chochepen. Pale te pale krenn le tchilatchepen ap i wawarende,

3. Mose 19:16

Ma dja trujel un pen chochepen pral i wawarende! Te hunte peneh win glan i tchatchepangre, ma pen chochepen, te aness o wawares an o merepen. Me hom o baro Dewel.

1. Samuel 18:29

Koi daras o Saul o Davidestar gomme budeder, un peskro tselo djipen kamas lo leske tchilatchepen te krell.