Gosewe laba 10:16 - O Debleskro Drom 2021 (Sinte)

¹⁶ I budi kolestar, kai an o tchatchepen tardo hi, anell leske doha djipaske. I chocheno kras peskro brawlepah tchilatcho koowa.

O Debleskro Lab 2024 (Sinte-Manouche)

¹⁶ I boudi kolestar, kay an o čačepen tardo hi, anell leske doha djipaske. I rhorheno kras peskro bravlepah čilačo koova.

Gosewe laba 10:16 ပူးပေါင်းရင်းမြစ်များ

Gosewe laba 11:30

Kowa, hoi i latcho un tchatcho mensho krell, hi har i ruk, hoi o djipen dell. Ko mensho, kai gosewo hi, tserdell wawar menshen ap peskri rig.

Gosewe laba 21:21

Kowa, kai o tchatchepen un o latchepen palla nashell, kowa hatseh o djipen un well an-diklo.

Mateo 15:19

Dran o mensheskro dji well o tchilatcho koowa, hoi an leskro shero trujel djal. Dran leskro dji well, te dell lo i wawares mulo. Te chochell i mursh peskri romjat, well kowa dran leskro dji. Te chochell i djuwel peskro romes, well kowa dran lakro dji. Dran o dji wella o wi-ladjedo koowa, o tchorepen, o chochepen, un o praassepen.

Johanni 6:27

Ma djiwenn o chapaske, hoi paash djala! Djiwenn jaake, te lenn ko djipen, hoi gar pre-herella! O Mensheskro Tchawo kokres nai dell tumen kowa. Jaake sikras o Dewel, kai kowa leskro tchawo hi.”

Remarja 6:23

Kowa, kai krell o tchilatchepen, lell peskri phagi. Koi phagi hi o merepen. Kowa, kai patsell ap o Jesus Kristeste, maro rajeste, koles dell o Dewel tchitcheske o djipen, hoi gar pre-herella.

1. Korintarja 15:58

Doleske, mire kamle phrala, atchenn soreles an o patsepen! Ma mukenn tumen kekestar o Debleskro dromestar tele te anell! Awenn hako tsiro o Debleske koi, un budrenn leske mishto! Tumer djinenna: Kai budi, hoi leske krenna, hi gar tchitcheske.

2. Timoteo 3:13

Kol tchilatche menshe un kol chochene, kai krenn jaake, har te wans le patslo, kolentsa well djungleder un djungleder. Jon peran o Debleskro dromestar tele, un tserdenn ninna wawaren o Debleskro dromestar tele.

Hebrearja 6:10

O Dewel hi latcho un tchatcho, un bistrell gar tumaro kamlepen ap leste, har budran i patslenge, un krenn kowa gomme kanna dureder.