Gosewe laba 1:6 - O Debleskro Drom 2021 (Sinte)

⁶ Jon nai haiwenn gosewe laba, un rakepen, kai o tchatchepen dren khatedo hi, awa, laba, kai gosewe menshe penan, un sawe, kai hunte rodess, hoi jon kamenn te penell.

O Debleskro Lab 2024 (Sinte-Manouche)

⁶ Yon nay hayvenn goseve laba, oun rakepen, kay o čačepen dren khatedo hi, ava, laba, kay goseve menshe penan, oun save, kay hounte rodess, hoy yon kamenn te penell.

Gosewe laba 1:6 ပူးပေါင်းရင်းမြစ်များ

Debleskri gili 49:4

Miro mui rakrell gosewe laba, un dran miro dji well kowa, hoi mishto haiwom.

Debleskri gili 78:2

Me kamau te rakrap i gosewe labentsa pral i phure tsirja.

Gosewe laba 24:23

Ninna kolla hi laba, hoi i gosewe penan: Kowa hi gar mishto, te dikenn i tchatchepangre mursha jekes feteder an har o wawares.

Sikepaskro 12:11

I laba, hoi i gosewe rakrenna, hi har subja. Un kowa, hoi le penenn, djal dur an o mensheskro dji. Kowa, kai rakras len, hi har i bakrengro, kai dell garda ap peskre bakre.

Daniel 8:23

Ap ko tsiro, kai lengro rajengro tsiro tele naashedo hi, hadenn pen bud menshe pral o Debleste un krenn baro tchilatcho koowa. Palle stell i baro rai pre, koles hi i tchilatcho mui, un hi i baro chocheno.

4. Mose 12:8

Jaake har rakrell i mensho i wawareha, rakrau me leha, an laba, kai lo mishto haiwella un gar an parmisse. Un job dikell man, o baro Debles, har hom. Hoske his tumen kek traash, te rakrenn djungeles pral o Mose, koles miro tchatcho wast hi?”

Markus 4:11

Koi penas lo ap lende: O Dewel mukell tumen te haiwell, har kote djal, kai dell lo menshen pash peste gole, te djan le ap leskro drom. Kol wawar, kai win hi, ap kolende rakrau sawe labentsa, kai i khatedo tchatchepen dren hi,

Markus 4:34

Hako kopo, kai job lenge o Debleskro lab penas, rakras lo sawe labentsa, kai i khatedo tchatchepen dren hi. Job te his pengre malentsa kokres, palle penas lo lenge, hoi kol laba kamenn te sikrell.

Hebrearja 5:14

O mursheskro chapen hi kolenge, kai djiwenna pal o Debleskro lab un haiwenn bud un budeder, hoi latcho un tchilatcho hi.

2. Petro 3:16

Pral ko koowa tchinell lo an peskre tsele lila. Koi hi ninna laba dren tchinlo, hoi hi pharo te haiwell. Un kol menshe, kai haiwenn kowa gar, kolengro patsepen gar sorelo hi, kolla rissrenn kol laba trujel, jaake har jon ninna krenna kol wawar Debleskre labentsa, hoi tchinlo hi. Un jaake djan le nashedo.