Filiparja 4:4 - O Debleskro Drom 2021 (Sinte)

⁴ Awenn bachtelo hako tsiro! Tumari bacht well o Jesusestar, maro rajestar. Awa, awenn bachtelo!

O Debleskro Lab 2024 (Sinte-Manouche)

⁴ Avenn barhtelo hako tsiro! T'mari barht vell o Yezousestar, maro rayestar. Ava, avenn barhtelo!

Filiparja 4:4 ပူးပေါင်းရင်းမြစ်များ

Debleskri gili 146:2

Jaake rah har me djiwau, kamau o baro Debles te sharell. Jaake rah har hom ap kai phub, kamau leske te bashrell.

Debleskri gili 33:1

Tumer, kai an o tchatchepen tardo han, denn gole i bachtjatar pral kowa, hoi o baro Dewel krell. Hi mishto, te sharenn les, tumer, kai tumaro tselo djijeha ap leste shunenn!

Habakuk 3:18

Miro dji hi bachtelo pral o baro Debleste, Miro dji giwell un djinell: Miro Dewel lell man win dran o merepen.

Mateo 5:12

Giwenn un denn gole i bachtjatar ap ko diwes! O Dewel dell tumen i baro brawlepen an o bolepen. Jaake har jon tumen palla lenna, jaake lan le o Debleskre rakepangren an o phuro tsiro ninna palla.

Bičepangre 16:25

Deesh-te-dujenge an i rat sharan o Paulo un o Silas o Debles, un giwan leske i gili. Un kol wawar stilde shunan kowa, har jon giwan.

Bičepangre 5:41

Koi djan jon penge i pralstunendar. Un jon his bachtelo, te hi le o Debleske jaake bud moldo, te rodas lo len win, te chan le dawa o Jesuseske.

Remarja 12:12

Awenn bachtele un dikenn ap o latchepen, hoi ap tumende wella an ko tsiro, hoi wella! Te well tumaro djipen pharo, rikrenn win! Mangenn o Debles hako tsiro!

2. Korintarja 6:10

Menge hi ropaske, un mer nai sanah. Mer ham tchorwelo, un krah i wawaren brawelo. Men hi tchi ap kai phub, un lauter hi menge.

Galatarja 1:8

Kowa, kai penell, te dell i wawar drom har ko drom, hoi mer tumende sikram, kowa te well praassedo o Deblestar, ninna te wams mer kowa, ninna te wals i bolepaskro dran o bolepen pash tumende un penals kowa.

Filiparja 2:18

Awenn tumer ninna bachtelo koi pral! Awa, awenn bachtelo mantsa!

Filiparja 3:1

Mire phrala, awenn bachtelo, kai tumer ap o rajeste, o Jesuseste, patsenn! Me wau gar khino, te tchinap tumenge pale te pale ko emligo koowa, te wenn tumer soreles an o dji.

1. Petro 4:13

Te wenn duka ap tumende, djinenn: sawe duka wan ninna ap o Jesus Kristeste. Doleske awenn bachtelo! Ap ko diwes, kai leskro railepen diklo wella, giwenna un bashrenna tumare djia i bachtjatar.