Filiparja 3:9 - O Debleskro Drom 2021 (Sinte)

⁹ Leske kamau te djiwell. Har djiwom pal o Moseskre lila kras man kowa gar tchatcho glan o Debleste. Na-a, miro patsepen ap o Jesus Kristeste kras man tchatcho glan o Debleste. Koon patsell ap o Jesus Kristeste, koles tchiwell o Dewel an o tchatchepen.

O Debleskro Lab 2024 (Sinte-Manouche)

⁹ Leske kamau te djivell. Har djivom pal o Moseskre lila kras man kova gar čačo glan o Debleste. Na-a, miro patsepen ap o Yezous Kristeste kras man čačo glan o Debleste. Koon patsell ap o Yezous Kristeste, koles čivell o Devel an o čačepen.

Filiparja 3:9 ပူးပေါင်းရင်းမြစ်များ

1. Mose 7:23

Jaake was o tselo djipen ap i phub tassedo: i menshe, i vieche, i bare un i tikne, ninna i tchirkle. Halauter was tassedo. O Noah kokres atchas djido un kolla, kai djan khetne leha an o panjeskro kheer.

1. Rajengro liil 8:46

Tu djineh, kai kek mensho djudjo hi an peskro dji un an peskro djipen glan tute. Doleske nai well, kai mukenn tire menshe tiro drom, un tu choireh tut pral lende un mukeh len an o wast wawar menshendar te well, te anenn jon len pandles an pengro them – kowa nai well dur oder gar jaake dur.

2. Familjakro liil 32:25

Har o Hiskija sasto was, was lo pre-phurdo un das o baro Debleste ko latchepen gar pale, hoi kowa ap leste kras. Doleske was o baro Dewel chojedo pral leste un pral o them Juda un pral o foro Jerusalem.

2. Familjakro liil 32:31

An ko tsiro, kai bitchran i pralstune dran o them Babilonia bitchepangren pash o Hiskija, te putchenn le lestar, hoi an o them djas, har o Dewel sawo baro koowa kras, hoi kek wawar nai krella, kote mukas les o Dewel kokres, te dikell lo, hoi an leskro dji hi, un hoi krals lo.

Debleskri gili 14:3

Halauter rissran pen lestar krik, un djiwenn i djungelo djipen, jek har ko wawar. Kek hi koi, kai krell o latchepen, awa, kek!

Debleskri gili 143:2

De man, tiro budepaskres, kek phagi; glan tute hi kek mensho an o tchatchepen tardo.

Debleskri gili 19:12

Miro rai, me mukau tire laba ap miro dji te rakrell. Koon rikrell pes ap lende, koleske djal mishto.

Sikepaskro 7:20

Kek mensho hi jaake an o tchatchepen tardo, te krell lo kokres latcho koowa un anell kek doosh ap peste.

Jesaja 46:13

Me anau tumenge miro tchatchepen. Kowa hi gar dur tumendar krik. Sik lau tumen dran i bibacht win. An o foro Zion krau i menshen bachteles. un i Israelende sikrau miro railepen.

Jesaja 53:11

Job las jaake bud daar un duka ap peste, doleske dikell job ninna i momeli, un leskro dji well tchalo. Miro budepaskro hi tardo an o tchatchepen. Un dran kowa lauter, hoi ap leste was, nai tchiwell job ninna bud menshen an o tchatchepen. Un lengri doosh lell job ap peste.

Jesaja 53:6

Mer halauter hams har bakre, kai nashan pen. Hakeno djas ap peskro drom. O baro Dewel mukas ap leste mari tseli doosh te perell.

Jesaja 6:5

Un me penom: “Kanna hunte merap! Me hom i mursh, dran koleskro mui sawo rakepen djas, te nai wau me gar glan o Debleste. Un me djiwau mank menshende, dran kolengre muja ninna sawo rakepen djal. Un mire jakentsa dikom o baro rajes, les, o baro Debles, kai hi o rai pral o bolepen un i phub.”

Jeremia 23:6

An leskro tsiro well o Juda win lino dran i tchilatche wasta, un o Israel nai djiwell kek darjah. Un i menshe denn les o lab ‘o baro Dewel krell men tchatcho.’

Jeremia 33:16

An ko tsiro wenn i menshe an Juda win lino dran i tchilatche wasta, un kolla an Jerusalem nai djiwenn kek darjah. Un o foro well kharedo ‘o baro Dewel krell men tchatcho’.

Daniel 9:24

Efta kope efta-deesh (70) bersha hi ko tsiro, hoi o Dewel peske glan tchiwas, te well o tchilatchepen un i doosh krik lino tire menshendar un dran o Debleskro foro. Palle well i phagi krik lino un ko tchatchepen well, hoi hako tsiro atchella. Un kowa, hoi an o dikepen diklo was, well tchatcho, ninna kowa, hoi o Debleskre rakepangre glan-wi penan. Un o Debleskro kheer well pale newes o Debleste dino.

Mateo 9:13

Kowa hunte djinenn tumer: O Dewel penas: Me kamau gar, te marenn mange viechen. Na-a! Me kamau, te hi tumen i baro dji i wawarenge. Me wom gar, te dap kolen pash mande gole, kai djan ap o tchatcho drom. Na-a! Me wom, te dap kolen pash mande gole, kai hi ap o tchilatcho drom.”

Remarja 1:17

An kau lab sikrell o Dewel, koon glan leste tchatcho hi: Kolla, kai patsenna un denn pengro patsepen gar pre. Lengro tchatchepen well dran o patsepen. Jaake hi kowa tchinlo an o Debleskro lab: Kowa, kai patsella, kowa well tchatcho glan o Debleste un djiwella.

Remarja 10:10

Koon o tselo djijestar ap leste patsella, koles tchiwell o Dewel an o tchatchepen. Un koon i menshenge penella: O Jesus hi o rai, koleste dell o Dewel o djipen, hoi gar pre-herella.

Remarja 16:7

Penenn ninna latche laba mandar ap o Androniko un i Junia! Kolla hi ninna bibolde har me un his mantsa an o stilepen. Jon hi an-diklo mank kolende, kolen o Jesus Kristo win bitchras, te penenn le leskro lab. Kol dui wan glan mande ap leste patslo.

Remarja 5:21

O menshengro tchilatchepen his sorelo, un anas o merepen. O Debleskro latchepen hi sorleder. Kanna, kai ham tchatcho glan leste, dell lo men o djipen, hoi gar pre-herella. Kowa kras maro rai, o Jesus Kristo, menge.

Remarja 8:1

Jaake djal kek nashedo, kai djiwell o Jesus Kristeha khetne.

Remarja 8:3

O Moseskre laba nai dan ko djipen gar. I menshe nai kran kowa gar, hoi an o Moseskre lila tchinlo hi. Ko tchilatchepen, hoi an lende his, mukas len gar te krell, hoi o Dewel lendar kamas. Doleske penas o Dewel: “O tchilatchepen hunte merell.” Un job bitchras peskro tchawes, te well lo i mensho har mer, kai tchilatcho ham. Job las maro tchilatchepen ap peste un meras. Un jaake meras o tchilatchepen leha un nashras peskri soor pral mende.

1. Korintarja 1:30

O Dewel kras, te wan tumer ap o Jesus Kristeskro drom. Kanna djinah, hoi tchatchepah goswepen hi. O Jesus Kristo kras men tchatcho glan o Debleste. Job rodas men win, te was leske koi, un las mari doosh mendar krik.

2. Korintarja 5:17

Kanna djinah: Koon o Jesus Kristeha djiwella, kowa hi i newo mensho, un djiwell buder gar peskro phuro djipen. I newo koowa was an leskro djipen.

2. Korintarja 5:21

O Dewel tchiwas mari tseli doosh ap maro rajeste, o Jesus Kristeste, kai job kek tchilatchepen kras, te was mer tchatcho un erligo glan o Debleskre jaka.

5. Mose 27:26

“Praassedo well kowa, kai rikrell gar kal tsele tchatchepaskre laba.” Un i tsele menshe hunte penenn: Amen!

Filiparja 3:6

Miri tseli sorjah lom kolen palla, kai ap o Jesus Kristeste patsenna. Me krom kowa lauter, hoi an o Moseskre lila tchinlo hi, un kek nai anas i doosh ap mande.

2. Timoteo 1:9

Job las men dran o tchilatchepen win, un das men gole, te djiwas leha khetne. His gar dran maro latcho koowa, te das lo men gole. Na-a. Kowa his an leskro dji, te was lo menge latches. Har o bolepen un i phub gomme gar koi his, his an leskro dji, te bitchrell lo o Jesus Kristes menge ap i phub.

Tito 3:5

un anas men pash peste. Hams gar moldo, te kras job kowa. Ninna te kram gar latcho un tchatcho koowa, his o Debles i baro dji menge. Doleske thowas lo mari doosh mendar tele, un mer wam leskre tchawe. Kau newo djipen das men o Debleskro Ducho.

Hebrearja 6:18

Ko lab, hoi das o Dewel un das peskro wast pre, nai well an kek tsiro krik lino. O Dewel chochella gar. Un mer, kai wam pash leste, te lell lo men dran o tchilatchepen win, men hi kanna leskro sorelo lab, te dell lo men o djipen, hoi gar pre-herella, jaake har job penas.

Jakobo 3:2

Mer halauter krah bud kope, hoi gar mishto hi. Koon rakrell an kek tsiro tchilatcho koowa, kowa hi i latcho mensho, kai nai rikrell pes khetne.

2. Petro 1:1

Me, o Simon Petro, tchinau kau liil. Me budrau o Jesus Kristeske un hom leskro bitchepaskro. Me tchinau ap lauterende, kai lan ninna ko patsepen har mer. Ko kutch patsepen, kai tchiwas men an o tchatchepen glan o Debleste, das men maro Dewel un o Jesus Kristo, kai las men dran o tchilatchepen win.

1. Johanni 3:4

Hakeno, kai o tchilatchepen krella, djiwell gar pal o Debleskro tchatchepen. Un kowa, kai djiwell gar pal o Debleskro tchatchepen, anell doosh ap peste.