Filiparja 2:8 - O Debleskro Drom 2021 (Sinte)

⁸ un shunas ap leste, un mukas, te wan i menshe rai pral leste, un maran les, un dan les ap o trushel.

O Debleskro Lab 2024 (Sinte-Manouche)

⁸ oun shounas ap leste, oun moukas, te van i menshe ray pral leste, oun maran les, oun dan les ap o troushel.

Filiparja 2:8 ပူးပေါင်းရင်းမြစ်များ

Johanni 10:18

Kek lell miro djipen mandar. Dran mande well kowa, kai dau miro djipen. Kowa hi an miro wast, te dap miro djipen. Un kowa hi an miro wast, te lap les pale. Jaake krau, hoi miro dad mange penas.”

Hebrearja 12:2

Te dikas ap o Jesus Kristeste! Kowa anas men ap o Debleskro drom, un djal glan mende, bis te wah pash leste. O Jesus Kristo meras ap o trushel. Ninna te his kowa i ladj leske, las lo kau merepen ap peste. Job djinas, pal kowa well i bari bacht ap leste. Un kanna hi lo beshdo ap o Debleskri tchatchi rig.

Remarja 5:19

O Adam shunas gar ap o Debleste. Doleske tchiwas o Dewel lauteren pale. O Jesus Kristo shunas ap o Debleste, un doleske kras o Dewel kol bud menshen tchatcho un erligo glan peste.

1. Petro 2:24

O tchilatchepen, hoi mer kram, las o Jesus Kristo ap peste, un hidjras les ap o trushel. Har job menge meras, hi kowa jaake, har te meram mer leha. Kanna hi o tchilatchepen an mende mulo. Un mer djiwah nai i latcho un tchatcho djipen. Kol duka, hoi o Jesus ap peste las, kran maro djipen sasto.

1. Petro 3:18

Ninna o Jesus Kristo las jek kopo duka ap peste, har job ap o trushel meras, un mari doosh ap peste las. Job his i latcho, un meras i tchilatchenge. Kowa kras lo, te anell lo len pash o Debleste. I menshe maran les. O Debleskro Ducho kras les djido.

2. Korintarja 8:9

Tumer djinenn, har latcho maro rai, o Jesus Kristo, ap tumende his. Job his brawelo, un was tumenge tchorwelo. Kowa was lo, te wenn tumer brawelo.

Mateo 26:39

Un job djas i kotar drom dureder, witsras pes ap i phub, un mangas o Debles: “Mo dad, te kameh tu, muk kek duka un merepen ap mande te well! Mangau tut: Ma kre, har me kamau! Kre jaake, har tu kameh!”

Bičepangre 8:33

Jon kran leha, har te wals lo tchi moldo un rakran gar o tchatchepen, har anan le les glan i tchatchepangre. Kek nai rakrell leskre tchawendar. Leskro djipen was kai phubjatar krik lino.

Tito 2:14

Job das peskro djipen an o merepen, te las lo mari tseli doosh ap peste, un te kras lo maro dji djudjo, te was mer leskre menshe, un te kamas i tseli sorjah latcho koowa te krell.

Galatarja 3:13

Mer nashte rikram kowa lauter gar. Un dran kowa wam tel o Debleskro praassepen. Un o Jesus Kristo las ko praassepen mendar krik, har job ap o trushel dino was, un jaake menge praassedo was. O Debleskro lab penella: Hakeno, koon ap o trushel dino wella, hi praassedo.

Johanni 14:31

Me krau, hoi miro dad mange penas, te dikenn i menshe ap kai phub, kai kamau les o djijestar. Stenn pre, te djas menge!”

Gosewe laba 15:33

Kolla, kai djiwenn o baro Debleha, dikenn dren, hoi lenge mishto hi, un wenn gosweder. Kolenge, kai krenn pen gar bares, well ko tsiro, kai sharenn len i wawar.

Johanni 15:10

Te krenn tumer kowa, hoi me tumenge penom, atchenn tumer an miro kamlepen jaake, har me kowa krau, hoi miro dad mange penas. Un me atchau an leskro kamlepen.

Mateo 26:42

Un palle djas lo i duito kopo kote, te mangell lo o Debles. Un job penas pale: “Mo dad, tu te kameh gar kol duka un o merepen mandar te lell, palle muk kowa te well, hoi tu kameh!”

Debleskri gili 22:16

Miri meen hi truk. Ninna miro tchip hi buder gar sapeno, un tu tchiwal man an o merepaskri tchik.

5. Mose 21:23

palle atchell ko mulo gar pral i rat ap ko kashteste. Na-a, job hunte well paskedo ap ko emligo diwes, te well ko them gar pale-tchiddo, hoi tumaro baro Dewel tumen dell. Pash leste hi kowa praassedo, kai hi pre-pandlo ap i kasht.

Mateo 17:2

Un glan lengre jaka las lo i bolepaskro railepen. Leskro mui was har o kham. Un leskro ripen was bijalo har i bari momeli.

Johanni 4:34

Penas o Jesus lenge: “Me djiwau kolestar, te krap, hoi o Dewel mandar kamella. Un leskri budi krau jaake rah, har job kamella. Doleske bitchras man lo ap i phub.

Louka 9:29

Un har job rakras o Debleha, dikas peskro mui wawartchandes win, un leskre koola wan railes bijalo.

Hebrearja 12:4

Me djinau, tumer kamenn gar, te well o tchilatchepen o rai pral tumende. Ninna te was tumenge pharo, te penenn ‘na-a’ ap o tchilatchepen, meran doleske gomme gar.