Filiparja 2:7 - O Debleskro Drom 2021 (Sinte)

⁷ Job das kowa lauter pre, un was i mensho, un djiwas har i menshe. Job was i budepaskro o Debleske,

O Debleskro Lab 2024 (Sinte-Manouche)

⁷ Yob das kova lauter pre, oun vas i mensho, oun djivas har i menshe. Yob vas i boudepaskro o Debleske,

Filiparja 2:7 ပူးပေါင်းရင်းမြစ်များ

Debleskri gili 22:6

Ap tute dan le gole, un tu lal len win. Ap tute dikan le, un tu mukal len gar kokres.

Jesaja 42:1

O baro Dewel penell: Ake, miro budepaskro; les hi miro wast. Me rikrau les, un rodom les mange win, un hom bachtelo pral leste. Miro ducho tchiwom ap leste, te anell lo miro tchatchepen pash i menshende an i tsele themma.

Jesaja 49:3

Un job penas ap mande: Miro budepaskro hal tu, Israel, ap tute sikrau miro railepen.

Jesaja 53:11

Job las jaake bud daar un duka ap peste, doleske dikell job ninna i momeli, un leskro dji well tchalo. Miro budepaskro hi tardo an o tchatchepen. Un dran kowa lauter, hoi ap leste was, nai tchiwell job ninna bud menshen an o tchatchepen. Un lengri doosh lell job ap peste.

Daniel 9:26

Un pal kol efta kope 62 (shob-deesh-te-dui) bersha well ko rai maredo, kai o Deblestar bitchedo was. Un kek his ap leskri rig tardo. Un palle wenna lurde jek rajestar, kai gomme wella, un denn o fores un o Debleskro kheer paash. Un jon djan tele har an i baro pani. Un jaake rah har i phub gomme koi hi, atchell kurepen un marepen. Kowa hi i wi-kerdo koowa.

Zakarie 3:8

Shun kanna, Jeshua, tu baro rashai: Tu un tire phrala, kai glan tute beshdo hi, tumer han i sikepen, hoi o baro Dewel kamell te krell an o tsiro, hoi wella: Me bitchrau miro budepaskres, kai kharell ‘newo ruk’.

Zakarie 9:9

Ab bachtelo, tu foro Zion! Denn gole i bachtjatar, tumer menshe an Jerusalem! Dikenn, tumaro baro rai wella pash tumende! Job anell o tchatchepen, un well ap tumari rig. Job krell pes gar bares, un klissell ap i burika, awa, ap i terni burika.

Mateo 12:18

O Dewel penella: Dik, kowa hi miro budepaskro, kai me mange win rodom. Koles kamau o djijestar. Pral leste hom bachtelo. Me tchiwau miro Ducho ap leste. Un job penell i tsele menshenge, hoi me lendar kamau.

Mateo 20:28

Ninna o Mensheskro Tchawo was gar ap i phub, te budrenn i menshen leske. Na-a. Job was ap i phub, te well lo lenge koi, un te merell lo budenge. Un jaake lell lo len dran o tchilatchepen un o merepen win.”

Markus 9:12

Koi penas lo ap lende: “Tchatchepah, o Elija well un anell o Debleskre menshen pale khetne. Hoske hi tchinlo pral o Menshengro Tchaweste, kai hunte wenn bud duka ap leste un kai i menshe rikrenn tchi lestar?

Louka 22:27

Koon kol dujendar hi bareder: Kowa, kai pash i chapaskri beshdo hi? Kowa, kai tchiwell o chapen ap i chapaskri? Tchatchepah, kowa, kai pash i chapaskri beshdo hi! Un me hom mashkral tumende har jek, kai tumenge budrella.

Johanni 1:14

Ko lab was i mensho, un djiwas pash mende. Un mer dikam leskro railepen un leskri soor, kai o Dewel peskro tchawes das. Kowa his pherdo latchepen un tchatchepen.

Remarja 1:3

Ko drom hi o Debleskro tchawo. Kowa was i mensho un was o Davideskre menshendar. Job was ninna o Deblestar. O Dewel sikras i bari sorjah, te hi lo leskro tchawo, har kras lo les i mulendar djido. Kowa hi o Jesus Kristo, maro rai.

Remarja 15:3

Ninna o Jesus Kristo dikas gar ap peste, te djal leske mishto. An o Debleskro lab hi tchinlo pral leste: O praassepen kol menshendar, kai o Debles praassan, peras ap leste.

Remarja 15:8

Un me penau tumenge: O Jesus Kristo was i biboldenge, te dikenn le, o Dewel rikrell ap peskro lab, hoi das job lengre phurende.

Remarja 8:3

O Moseskre laba nai dan ko djipen gar. I menshe nai kran kowa gar, hoi an o Moseskre lila tchinlo hi. Ko tchilatchepen, hoi an lende his, mukas len gar te krell, hoi o Dewel lendar kamas. Doleske penas o Dewel: “O tchilatchepen hunte merell.” Un job bitchras peskro tchawes, te well lo i mensho har mer, kai tchilatcho ham. Job las maro tchilatchepen ap peste un meras. Un jaake meras o tchilatchepen leha un nashras peskri soor pral mende.

2. Korintarja 13:4

Har job ap o trushel dino was, his job gar sorelo. Kanna djiwell job dran o Debleskri soor. Jaake har o Jesus Kristo ap o trushel gar sorelo his, ham mer witar gar sorelo. Un jaake har job djido was, ham mer leha ninna djido un sorelo dran o Debleskri soor. Kowa nai dikenn, te hom pash tumende!

2. Korintarja 8:9

Tumer djinenn, har latcho maro rai, o Jesus Kristo, ap tumende his. Job his brawelo, un was tumenge tchorwelo. Kowa was lo, te wenn tumer brawelo.

Galatarja 4:4

Har ko tchatcho tsiro was, bitchras o Dewel peskro tchawes. Kowa was i mensho, un pandlo ap o Moseskre laba.

Filiparja 2:6

Ninna te his lo o Dewel, mukas lo peskro railepen un peskri soor, hoi les an o bolepen his.

Hebrearja 12:2

Te dikas ap o Jesus Kristeste! Kowa anas men ap o Debleskro drom, un djal glan mende, bis te wah pash leste. O Jesus Kristo meras ap o trushel. Ninna te his kowa i ladj leske, las lo kau merepen ap peste. Job djinas, pal kowa well i bari bacht ap leste. Un kanna hi lo beshdo ap o Debleskri tchatchi rig.

Hebrearja 13:3

Ma bistrenn kolen, kai hi an o stilepen. Denn lende kowa, hoi len hunte well djipaske, jaake har te wans tumer kolla, kai stildo hi! Awenn ninna kolenge koi, kai wan palla lino un lan dawa. Awenn lenge jaake koi, har wans tumer kolla, kai wan palla lino un lan dawa.

Hebrearja 4:15

Job, maro baro rashai, haiwell men mishto, un djinella, te hi men kek soor pral o tchilatchepen. Les kamas o beng ninna o Debleskro dromestar tele te anell, jaake har kamell lo men o Debleskro dromestar tele te anell. Jek koowa his an o Jesuseskro djipen wawartchandes har pash mende: Kek tchilatchepen his an leste.