Filiparja 2:3 - O Debleskro Drom 2021 (Sinte)

³ Kek te krell tchomone, hoi leske kokres mishto hi, witar tchi, te well lo sharedo pash i menshende! Kek te krell, har te wals lo feteder har ko wawar! Na-a, ap hakeneste penau: Dik jaake ap o wawareste, har te wals lo bareder har tu!

O Debleskro Lab 2024 (Sinte-Manouche)

³ Kek te krell čomone, hoy leske kokres mishto hi, vitar či, te vell lo sharedo pash i menshende! Kek te krell, har te vals lo feteder har ko vavar! Na-a, ap hakeneste penau: Dik yaake ap o vavareste, har te vals lo bareder har tou!

Filiparja 2:3 ပူးပေါင်းရင်းမြစ်များ

Gosewe laba 13:10

Mank i pre-phurde hi hako tsiro tchingepen. Te hal gosewo, mukeh tuke tchomone te penell.

Louka 18:14

Un o Jesus penas: “Me penau tumenge: O Dewel dikas ap kaleste, un his leske latcho un gar ko wawareske. Kowa, kai pes bares krella, koles sharell o Dewel gar. Un kowa, kai pes gar bares krella, koles krell o Dewel bares.”

Remarja 12:10

Kamenn i phralen un i phenjen o tselo djijestar! Hakeno hunte rikrell o wawares bareder har pes kokres.

Remarja 13:13

Djiwas jaake djudjo, har djiwenn i menshe ap o diwes. Te djas gar kote, kai chan le pen nasselo un pijenn pen mato! Te kras gar wi-ladjedo koowa! Te tchingras gar, un dikas gar tchilatche jakentsa ap kowa, hoi o wawares hi!

Remarja 2:8

Ap kol wawarende well leskri choli. Lenge hi lo gar latches. Jon hi kolla, kai djiwan pal pengro shero un shunan gar ap o Debleskro tchatcho lab, un kran, hoi lengro tchilatcho dji lenge penas.

1. Korintarja 15:9

Me lom i patslen palla, te marap len. Doleske hom me o tikneder mashkral lende, kolen o Jesus bitchras, te penenn le i menshenge o latcho lab lestar. Un me hom gar moldo, te penenn jon, kai me jek lendar hom.

1. Korintarja 3:3

Tumer djiwenn jaake har te prindjrenn o Jesus Kristes gar. Te hi tchingepen mank tumende, un te silwerenna, palle djiwenna jaake har i menshe, kai prindjrenn o Jesus Kristes gar.

2. Korintarja 12:20

Me trashau, te wau pash tumende, dikau sawo koowa pash tumende, hoi kamau gar. Palle hom me witar gar jaake har tumer kamenna. Me trashau te dikau tchingepen mank tumende, ninna silwepen, choli, praassepen, djungelo rakepen pral o wawareste, pre-phurdepen, bipandlo djipen, un jek kamell feteder te well har ko wawar.

Galatarja 5:15

Te dandrenn tumer tumen har midjak djukle, denn jak, te chal jek kol wawares gar pre!

Galatarja 5:26

Mer rodas gar pal kowa, te was bareder un feteder har kol wawar. Mer tchingras gar un dikas gar tchilatche jakentsa ap kowa, hoi ko wawares hi!

Efesarja 4:2

Ma krenn tumen bares! Awenn latches jek ap o wawareste! Denn i wawaren gar jaake sik pre! Djiwenn khetne an o kamlepen!

Efesarja 5:21

O Jesus Kristo hi tumaro rai. Un tumer penenn Rai ap leste. Doleske hunte hadell pes kek tumendar pral o wawareste.

Filiparja 2:14

Lauter kowa, hoi tumer krenna, krenn les i bachtelo djijestar, un tchingrenn gar!

Kolossarja 3:12

Tumer han kanna o Debleskre menshe, kolen job peske win rodas. Job kamell tumen o djijestar. Doleske hunte well tumen i baro dji o wawareske, te well hakeno latcho ap o wawareste, te krell pes kek bareder har o wawar, te rakrell hakeno latches o wawareha, te dell kek o wawares sik pre,

Kolossarja 3:8

Kanna djiwenn tumer buder gar tumaro phuro djipen. Doleske tchiwenn i choli tumendar krik, ninna o tchilatchepen, o djungelo rakepen pral o wawareste, wi-ladjede laba! Ma chochenn tumen!

1. Timoteo 6:4

palle hi job pre-phurdo un haiwell tchi. Job kamell te tchingrell pes hako labeske. Kowa hi jaake har i nasslepen. Dran sawo koowa well, te silwerenn le, te tchingrenn pen le, te rakrenn le djungeles jek pral o wawareste, te dikell ko jek tchilatche jakentsa ap o wawareste.

1. Petro 3:8

Ap tumende lauterende penau: Rikrenn khetne! Hakenes te well i dji o wawareske! Tumer lauter han phrala un phenja. Awenn latches jek ap o wawareste! Ma krenn tumen bares!

1. Petro 5:5

Kol terne menshenge penau me: Krenn kowa, hoi kol phureder phrala tumenge penenna! Hakeneske penau: Kek te krell, har te well lo bareder har ko wawar! O Dewel hi gar ap i rig kolendar, kai krenn pen bares. Na-a, job hi latches kolenge, kai krenn pen gar bares.