Filiparja 2:2 - O Debleskro Drom 2021 (Sinte)

² Kowa lauter krell man bachtelo. Krenn man gomme bachtleder, te well tumen jek dji un jek djipen, un te kamell hakeno o wawares o djijestar! Rikrenn khetne un tchingrenn tumen gar!

O Debleskro Lab 2024 (Sinte-Manouche)

² Kova lauter krell man barhtelo. Krenn man gomme barhtleder, te vell t'men yek dji oun yek djipen, oun te kamell hakeno o vavares o djiyestar! Rikrenn khetne oun čingrenn t'men gar!

Filiparja 2:2 ပူးပေါင်းရင်းမြစ်များ

Debleskri gili 122:8

Kamau, te djal mishto mire phralenge un malenge. Doleske penau: “Mu well kek kurepen an o foro!”

Johanni 3:29

Koles, kai i pirni hi, ko hi ninna o pirno. Un o maal ko pirnestar, kai pashel tardo hi, un shunell o pirneskro gole, hi bachtelo pral kowa. Kai bacht hi man kanna.

Bičepangre 1:14

Kalen lauteren his jek dji un jek djipen un mangan o Debles an. Pash lende his ninna djuwja, un i Maria, o Jesuseskri dai, un o Jesuseskre phrala.

Bičepangre 2:1

Ap i biboldengro baro diwes, hoi kharella Fingsta his jon lauter an jek kheer khetne.

Bičepangre 2:46

Hako diwes wan le khetne an o Debleskro baro kheer. Jon chan o maro khetne an i khera. Un jon his bachtelo, te dan jon nai i phralen ninna te chal. Kowa kran le o djijestar.

Bičepangre 5:12

Un o Jesuseskre bitchepangre kran bud baro un sorelo koowa an o Debleskri soor ap i menshende. Un i tsele patsle his an o Salomeskri bari isema an o Debleskro baro kheer khetne.

Remarja 12:16

Awenn tumen jek dji un jek djipen! Ma krenn tumen bares! Awenn i mala kolendar, ap kolende i wawar tele dikenna! Ma penenn, te han kokres gosewo!

1. Korintarja 1:10

Mire phrala, me shunom, kai hi tchingepen mashkral tumende. Kowa penan mange kolla dran i familja koi djuwjatar Kloe. Kanna mangau tumen an o lab maro rajestar, o Jesus Kristestar: Ma tchingrenn tumen buder! Atchenn khetne un rikrenn khetne an kowa, hoi tumer krenna un patsenna!

2. Korintarja 13:11

Kanna, mire phrala, awenn bachteles, un awenn pale pale ap o tchatcho drom! Shunenn ap kol laba, hoi me tumenge penom. Rikrenn khetne un tchingrenn tumen gar! Un o Dewel, kai dell kamlepen un bacht an o dji, well tumentsa!

2. Korintarja 2:3

Doleske tchinom tumenge ko liil. Kamom gar, te rowap pral kolende, kai man bachteles hunte krans. Un me patsau soreles, te han tumer bachtele pral kowa, te nai krenna tumer man bachtelo.

2. Korintarja 7:7

Gar kokres, kai job was, kras men sorelo. Na-a, mer lam budeder soor, har shunam, hawe latche laba tumer leske penan. Job penas menge, te kamenn tumer man o tselo djijestar pale te dikell. Job penas ninna, har tumer rowan un lauter krenn, te wenn mange ap i rig. Har shunom kowa lauter, wom gomme bachtleder.

Filiparja 1:4

Un hako tsiro, kai mangau o Debles tumenge lauterenge, hom bachtelo pral tumende.

Filiparja 2:16

te rikrenn tumer ap o Debleskro latcho lab, hoi o djipen della. Te krenn tumer kowa lauter, palle hom me bachtelo ap ko diwes, kai o Jesus Kristo pale wella. Jaake his miri budi pash tumende gar tchitcheske.

Filiparja 2:20

Man hi kek wawar har job, koles sawo baro dji hi tumenge, un job kamell, te djal tumenge mishto.

Filiparja 4:2

Me mangau tumen, tumer phenja Evodia un Sinticha, tchingrenn buder gar khetne! Tumer han phenja an o patsepen ap maro rajeste, o Jesuseste.

Kolossarja 2:5

Ninna te hom gar pash tumende, han tumer an miro dji. Un me hom bachtelo, te shunau, kai han sorelo tardo an o patsepen ap o Jesus Kristeste.

2. Tessalonikarja 2:13

Mire phrala, mer hunte parkras men tumenge pash o Debleste hako tsiro. Maro rai Jesus kamell tumen o djijestar. Glan i rah tsiro, har o Dewel kras o bolepen un i phub, rodas lo tumen win, te djiwenn leha khetne an leskro railepen. Har patsan tumer leskro tchatcho lab, das lo peskro Ducho an tumende. Un kowa krell, te djiwenn tumer i djudjo djipen glan leste.

2. Timoteo 1:4

Me bistrau nai gar, har tu glan mande rowal, un dikau tut jaake glan mande. Doleske kamau me tut o tselo djijeha pale te dikell, te wap bachtelo.

Filemon 1:20

Awa, miro phraal! Kre man bachteles, un kre kowa, hoi me tutar mangom! Kre kowa maro rajeske, o Jesus Kristeske, ap koleste mer dui patsah. Jaake kreh tu miro dji soreles an leste!

2. Johanni 1:4

Me homs bachtelo, kai hatsom menshe tumendar, kai an o tchatchepen djiwenna, jaake har o Dewel, maro dad, kowa kamella.

3. Johanni 1:4

Pral kek wawar koowa hom jaake bachtelo, har te shunap, kai mire tchawe ap o tchatcho drom djana.