Ester 9:25 - O Debleskro Drom 2021 (Sinte)

²⁵ An ko liil his ninna tardo, har i Ester pash o baro rajeste djas un har kowa an i liil penas, te well o Hamaneha ko tchilatcho koowa kerdo, hoi job kamas i biboldentsa te krell. Un jaake was o Haman un peskre tchawe ap i bare kashta pre bladedo.

O Debleskro Lab 2024 (Sinte-Manouche)

²⁵ An ko liil his ninna tardo, har i Ester pash o baro rayeste djas oun har kova an i liil penas, te vell o Hamaneha ko čilačo koova kerdo, hoy yob kamas i biboldentsa te krell. Oun yaake vas o Haman oun peskre čave ap i bare kashta pre bladedo.

Ester 9:25 ပူးပေါင်းရင်းမြစ်များ

1. Rajengro liil 8:32

palle shun an o bolepen, un kre o tchatchepen win pral tire budepangre. Kre te well o tchilatchepen, hoi jek kras, ap leskro shero. Un ko wawares, kai an o tchatchepen his, de les leskro tchatchepen, te well diklo, kek doosh hi ap leste.

Ester 3:6

An leskre jaka his kowa gar doha, te taprell lo peske o Mordekai kokres. Job kamas ninna leskre menshen te marell. Har shunas lo, kai o Mordekai i biboldo hi, rodas lo, har nai marell lo i tsele bibolden, kai djiwenn an kol themma, kai o Ahasveros o baro rai hi.

Ester 7:10

Jaake bladan le o Hamanes ap ko kasht pre, koles job o Mordekajeske mukas pre te tchiwell. Un i choli o baro rajestar djas pale.

Ester 7:4

Mer wam bikedo, me un mire menshe, te was mer maredo, jaake te atchell kek mendar djido. Te wams mer kokres bikedo, mursha un djuwja, te was ginle budepangre, kroms miro mui gar pre. Kowa wals gar phares doha, te wap koleha pash o baro rajeste.”

Ester 7:5

Kote putchas o baro rai Ahasveros i ranjatar Ester: “Koon hi kowa? Un kai hi lo, koles an o shero was, te krell lo sau koowa?”

Debleskri gili 140:8

Baro Dewel, miro rai, tu hal o sorelo ap miri rig. Tu rikreh tire wasta pral mande an o kurepaskro tsiro.

Debleskri gili 140:9

De kol tchilatchen gar, hoi jon kamenna! Kowa, hoi jon pen glan lan, muk gar te djal, te hadenn le pen gar!

Debleskri gili 141:10

Muk len lauteren kokres te perell an pengri netsa, hoi jon mange wi-tchiwan, un man muk te nashap mange!

Debleskri gili 7:16

Job hadas i cheb win, hoi djas dur tele, un peras palle kokres dren, – an koi cheb, hoi job i wawareske wi-hadas.

Debleskri gili 7:17

Koi bibacht, hoi kamas lo ap i wawareste te anell, was ap leskro shero pale. Ko tchilatcho koowa, hoi kamas lo i wawareske te krell, peras ap leste pale.

Debleskri gili 94:23

Job mukell lengro midjak koowa ap lende pale te perell, un dran lengro tchilatchepen marell lo len. Awa, maro baro Dewel marell len!

Gosewe laba 26:27

Kowa, kai i wawareske i gruba win hadas, kowa perell kokres dren. Un jek, kai witsrell i bar, ap koleste perell lo pale tele.

Gosewe laba 5:22

O tchilatcho koowa pandell koles, kai kowa krella. Leskri doosh hi har shelle, hoi les pandenn.

Jesaja 22:25

Ko saster phagell win un perell tele. Un ko tselo koowa, hoi o saster hidjras, phagell khetne. Kowa penell o baro Dewel.

Obadja 1:15

O diwes well sik, kai well miri choli pral i tsele themma ap kai phub, penell o baro Dewel. Jaake har tu kral, jaake well tuke kerdo. Kowa hoi tu kral, well ap tiro shero pale.

Mateo 21:44

Koon ap kau bar perella, kowa merella. Ap koneste kau bar perella, koles dell ko bar khetne.”

1. Samuel 25:39

Un har o David shunas, te meras o Nabal, penas lo: “Sharedo well o baro Dewel, kai i ladj, hoi o Nabal ap mande anas, ap leste pale anas. Un man, peskro budepaskres, rikras lo pale, te krap i tchilatcho koowa. Un ko tchilatcho koowa, hoi o Nabal kras, mukas o baro Dewel ap leskro shero pale te perell.” Un o David bitchras murshen pash i Abigajil, un mukas lake te penell, te kamell lo lat te romedinerell.