Ester 9:15 - O Debleskro Drom 2021 (Sinte)

¹⁵ Un i bibolde an o foro Susa wan ap o 14. (deesh-te-starto) diwes an o tchon Adar gomme jek kopo khetne, un dan an Susa 300 (triin-sheel) murshen mulo. Lengro koowa tchoran le penge gar.

O Debleskro Lab 2024 (Sinte-Manouche)

¹⁵ Oun i bibolde an o foro Susa van ap o 14. (deesh-te-starto) dives an o čon Adar gomme yek kopo khetne, oun dan an Susa 300 (triin-sheel) morshen moulo. Lengro koova čoran le penge gar.

Ester 9:15 ပူးပေါင်းရင်းမြစ်များ

Ester 8:11

Un an kol lila his tchinlo: O baro rajeske hi mishto, te wenn i bibolde khetne an hako foro, kai djiwenn le, te kurenn le pengro djipaske, un marenn kolen, kai ap lende djan, ninna lengre tchawen un djuwjen, jaake te atchell lendar kek djido. Un lauter, hoi kolenge his, nai lenn le penge, te well lengro.

Ester 9:12

Un o baro rai penas ap i rani Ester: “Kokres an miro sorelo kheer an Susa dan i bibolde pantch-sheel murshen mulo. Ninna i deesh tchawen o Hamanestar maran le. Putchau man, hoi kran le an mire wawar themma? Hoi mangeh tu budeder, te well tut dino? Un hoi kameh tu? Kowa well kerdo.”

Ester 9:13

I Ester penas: “Te hi miro rajeske mishto, palle muk i bibolden taissar an o foro Susa gomme jek kopo pal ko lab te krell, hoi kau diweske tchinlo his. Un kol deesh tchawe o Hamanestar wenn ap deesh bare kashta pre bladedo.”

Ester 9:14

Un o baro rai penas, te well kowa jaake kerdo. Un ko lab was tchinlo un prindjedo kerdo an o foro Susa. Un kol deesh mule tchawe o Hamanestar wan ap kashta pre pandlo.

Ester 9:16

Un ninna i tsele wawar bibolde, kai an i themma o baro rajestar djiwenn, wan penge khetne, un kuran pen pengro djipaske, te perenn le buder gar an i tchilatche wasta. Un jon dan 75.000 (efta-deesh-te-pantch-serja) murshen mulo. Lengro koowa tchoran le gar penge.

Ester 9:2

un wan khetne an pengre forja an i tsele themma, kai o Ahasveros baro rai hi, te djan le ap kolende pre, kai lengri bibacht kaman. Un kek nai atchas tardo glan lende. Un i bari daar glan lende peras ap i menshende an i tsele themma.

1. Tessalonikarja 5:22

Rikrenn tumen pale dran hako tchilatcho koowa!

Hebrearja 13:5

Ma nashenn i lowe palla! Kowa, hoi tut hi, kowa muk tuke doha te well! O Dewel penas: Me bistrau tut gar, un mukau tut kek tsireske!