Ester 8:16 - O Debleskro Drom 2021 (Sinte)

¹⁶ I biboldenge his o djipen pale shukar. Bacht un sapen was ap lende. Un jon wan hadedo un an-diklo.

O Debleskro Lab 2024 (Sinte-Manouche)

¹⁶ I biboldenge his o djipen pale shoukar. Barht oun sapen vas ap lende. Oun yon van hadedo oun an-diklo.

Ester 8:16 ပူးပေါင်းရင်းမြစ်များ

Ester 4:16

“Dja koi un de i tsele bibolden an o foro Susa khetne gole! Chan un pijenn triin diwessa tchi, gar ap o diwes, witar gar an i rati. Krenn kowa mange, te dikell o Dewel latches ap mande! Un me un kol djuwja, kai mange budrenn, mer kamah kowa ninna jaake te krell. Un pal kowa kamau pash o baro rajeste dren te djal, ninna te hi khatar o tchinlo lab. Un te denn le man mulo, palle denn le man mulo.”

Ester 9:17

Un kowa his ap o 13. (deesh-te-triinto) diwes an o tchon Adar. Un ap o 14. (deesh-te-starto) diwes kran jon tchi. Un kran lestar i diwes, kai wenn le khetne, chan un pijenn un hi bachtelo.

Debleskri gili 112:4

Ninna an i kali rat well i momeli kolenge, kai o tchatcho drom djan, kolenge, kai hi latcho un kamlo un djan pal o tchatchepen.

Debleskri gili 118:27

O baro Dewel hi kokres o Dewel. Kamles dikell lo ap mende. Awenn, lenn palmtikre patria an o wast, un djan khelepah glan o Debleskri chatchepaskri!

Debleskri gili 18:28

Tu weh ap i rig i tchorwelenge, un kol pre-phurden kreh tu tiknes.

Debleskri gili 30:12

Dran miro ropaskri gili kral tu mange i bachtjakro khelepen. Tu pandal mange ko gono tele, hoi miro ropaskro ripen his, un tchiwal bacht har i ripen ap mande.

Debleskri gili 97:11

I momeli djal pre koleske, kai an o tchatchepen tardo hi. Un bachtelo well kowa, kai o tchatcho drom djal.

Gosewe laba 11:10

Te djal i latchenge mishto, palle hi i menshe an o tselo foro bachtelo. I tchilatche, te merenn le, denn le an o foro gole i bachtjatar.

Gosewe laba 28:12

Te hi kolen penepaske, kai an o tchatchepen tardo hi, palle hi bachtelo tsiro. Te well i tchilatchen penepaske, palle khatrenn pen i menshe.

Jesaja 35:10

Kolen, kai job dran o pandepen win las, wenn pale khere, un wenn o gipah pash i berga Zion. Lengri bacht lell kek lendar. Lengre djia giwenn un bashrenn i bachtjatar. Un duk un ropen dell gar buder.