Ester 7:10 - O Debleskro Drom 2021 (Sinte)

¹⁰ Jaake bladan le o Hamanes ap ko kasht pre, koles job o Mordekajeske mukas pre te tchiwell. Un i choli o baro rajestar djas pale.

O Debleskro Lab 2024 (Sinte-Manouche)

¹⁰ Yaake bladan le o Hamanes ap ko kasht pre, koles yob o Mordekayeske moukas pre te čivell. Oun i rholi o baro rayestar djas pale.

Ester 7:10 ပူးပေါင်းရင်းမြစ်များ

1. Mose 40:22

Un o pralstunes pral o maro mukas job te bladell ap i kasht, jaake har o Josef lenge glan-wi penas.

Ester 2:1

Un pal ko koowa, har djas i choli o baro rajestar Ahasveros pale, djas leske an o shero trujel, hoi i Wasti kras, un hoi lah kerdo was.

Ester 5:14

Kote penas leskri romni Seresh un leskre tsele mala ap leste: “Muk i kasht pre te tchiwell, hoi hi i paash-sheel (50) mussja bares! Un taissarlakro pen ap o baro rajeste, te mukell lo o Mordekajes ap ko kasht pre te bladell. Un palle dja leha bachteles pash o chapen.” Un kol laba his o Hamaneske latches, un job mukas sawo kasht pre te tchiwell.

Ester 7:7

Un o baro rai stas chojedo pre kotar, kai le mool khetne pijan. Un djas win an i baar pash peskro kheer. Un o Haman atchas pash i ranjate Ester, te mangell lo latar peskro djipen. Job dikas koi bibacht, hoi pral leste well, hoi o baro rai peske glan las.

Ester 7:8

Har was o baro rai dran i baar pale pale an koi isema, kai jon khetne mool pijan, dikas lo o Haman, kai glan i diwana tchiddo his, kai i rani hi. Koi das lo gole: “Kamell lo kanna pash mande an miro kheer i ranjake tchomone te krell?” Kol laba his gomme gar dran o baro rajeskro mui tseles win, koi tchakran i budepangre o Hamaneskro shero.

Ester 8:7

Kote penas o baro rai Ahasveros ap i rani Ester un ap o Mordekai, ko biboldo: “Djinenn, o Hamaneskro kheer dom i Esterate, te well lo lakro. Un les mukom ap ko kasht pre te bladell doleske, kai kamas lo i bibolden te marell.

Ester 9:14

Un o baro rai penas, te well kowa jaake kerdo. Un ko lab was tchinlo un prindjedo kerdo an o foro Susa. Un kol deesh mule tchawe o Hamanestar wan ap kashta pre pandlo.

Ester 9:25

An ko liil his ninna tardo, har i Ester pash o baro rajeste djas un har kowa an i liil penas, te well o Hamaneha ko tchilatcho koowa kerdo, hoi job kamas i biboldentsa te krell. Un jaake was o Haman un peskre tchawe ap i bare kashta pre bladedo.

Hiob 18:8

Leskre pire taprenn pen an i netsa, un job perell an i tchakedi gruba.

Hiob 20:8

Job djal krik har i suni, un well buder gar hatslo. Har kowa, hoi jek suni das, buder gar koi hi, jaake atchell tchi lestar.

Debleskri gili 37:15

Jon denn pen pengro chareha kokres an pengro dji tchurje, un lengre boge wenna phagedo.

Debleskri gili 7:16

Job hadas i cheb win, hoi djas dur tele, un peras palle kokres dren, – an koi cheb, hoi job i wawareske wi-hadas.

Debleskri gili 94:23

Job mukell lengro midjak koowa ap lende pale te perell, un dran lengro tchilatchepen marell lo len. Awa, maro baro Dewel marell len!

Gosewe laba 11:27

Kowa, kai kamell o tselo djijeha o latchepen te krell, ap koleste dikenn le latches. Kowa, kai o tchilatchepen rodell, ap koleste well kowa.

Gosewe laba 11:8

Kowa, kai an o tchatchepen tardo hi, well win lino dran i bibacht. Un pal leste well ko tchilatcho koi dren.

Gosewe laba 26:27

Kowa, kai i wawareske i gruba win hadas, kowa perell kokres dren. Un jek, kai witsrell i bar, ap koleste perell lo pale tele.

Jeremia 34:17

Doleske penell o baro Dewel: Tumer shunan gar ap mande un mukan tumare phralen un phenjen gar win te djal, kai ninna Israelitarja hi har tumer, doleske mukau me, o baro Dewel tumen te djal, te wenn maredo o chareha, merenn ap o djungelo nasslepen un i bokatar. Te dikenn i menshe an tsele themma ap i phub, hoi tumentsa djal, denn le i wasta pral o shero khetne.

Ezekiel 5:13

Te mukom miri tseli choli ap tumende win, un dom tumen pale, hoi kran, palle djal miri choli krik, un hom buder gar chojedo pral tumende. Un tumer djinenn, te homs me, o baro Dewel, kai das tumen trad o tselo djijeha.

Daniel 6:24

Kote stas o baro rajeskro dji i bachtjatar. Un job penas, te lenn le o Danieles win dran koi gruba. Un o Daniel was win lino, un kek dukepen was ap leste hatslo, doleske kai rikras job soreles ap peskro Debleste.

Daniel 6:25

Un o baro rai mukas kol murshen glan peste te anell, kai kowa ap o Daniel pre anan. Un job mukas len an i gruba te witsrell pash i lewe, len un lengre tchawen un romjen ninna. Un har jon gomme gar ap i phub tele wan, tapran i lewe len, un phagan lengre kokale.

Zakarie 6:8

Palle das o bolepaskro gole ap mande: “Kol graja, kai djan ap o serwo drom, hoi djal an o them Babilonia, kolla kran, hoi o baro Dewel kote kamas te krell.”

Čačepangre 15:7

Un o Simson penas ap lende: “Te krenn tumer sawo koowa, palle dau me gar palla, bis te dom tumen lauter pale.”