Ester 6:4 - O Debleskro Drom 2021 (Sinte)

⁴ Kote putchas o baro rai: “Koon hi win ap i glanstuni platsa?” Un kote his o Haman ap ko tsiro ap i glanstuni platsa glan o baro rajeskro kheer, te penell lo o baro rajeske, te mukell job o Mordekajes pre te bladell ap ko kasht, hoi lo koleske pre-tchiwas.

O Debleskro Lab 2024 (Sinte-Manouche)

⁴ Kote poučas o baro ray: “Koon hi vin ap i glanstouni platsa?” Oun kote his o Haman ap ko tsiro ap i glanstouni platsa glan o baro rayeskro kheer, te penell lo o baro rayeske, te moukell yob o Mordekayes pre te bladell ap ko kasht, hoy lo koleske pre-čivas.

Ester 6:4 ပူးပေါင်းရင်းမြစ်များ

Ester 4:11

“I tsele pralstune, kai o baro rajeske budrenn, ninna i menshe an hako them, koles o baro rai hi, kolla prindjrenn ko tchinlo lab, te well hako mursh un haki djuwel maredo, kai djal dren pash o baro rajeste un well ap i platsa an leskro kheer, un hi lestar gar kharedo. Kokres te lell o baro rai peskro sonakaskro raan un sikrell ap leste, atchell lo djido. Me wom trijanda diwessa buder gar pash o baro rajeste dren kharedo.”

Ester 5:1

Un ap o triinto diwes riwas i Ester rajengre ripja an un djas ap koi platsa, hoi hi dren an o baro rajeskro kheer, wergel koi bari isema, kai o baro rai hi. Un job his beshdo ap peskri raili beshepaskri wergel o wudar.

Ester 5:14

Kote penas leskri romni Seresh un leskre tsele mala ap leste: “Muk i kasht pre te tchiwell, hoi hi i paash-sheel (50) mussja bares! Un taissarlakro pen ap o baro rajeste, te mukell lo o Mordekajes ap ko kasht pre te bladell. Un palle dja leha bachteles pash o chapen.” Un kol laba his o Hamaneske latches, un job mukas sawo kasht pre te tchiwell.

Ester 6:3

Kote putchas o baro rai: “Hoi las o Mordekai koleske? Har was lo bares kerdo?” Un kol budepangre, kai leske koi hi, penan: “Leske was tchi kerdo.”

Ester 6:5

Un kol budepangre o baro rajestar penan ap leste: “O Haman hi ap i platsa tardo.” Un o baro rai penas: “Job well dren!”

Ester 7:9

Un jek o pralstunendar, o Harbona, penas: “Ake, kote pash o Hamaneskro kheer hi o kasht tardo, hoi hi i paash-sheel mussja baro, koles o Haman mukas pre te tchiwell o Mordekajeske. Kawa hi ko mursh, kai o baro rajeske penas, kai murshen glan his, te marenn le les.” Kote penas o baro rai: “Bladenn les koi pre!”

Hiob 5:13

Job taprell i gosewen an pengro goswepen. Un kowa, hoi kolla dui tchipjentsa mank pende win kran, kowa mukell lo gar te djal.

Debleskri gili 2:4

O Dewel, kai an o bolepen beshdo hi, sal pral lende un lengro dinelo rakepen.

Debleskri gili 33:19

un lell lengro djipen dran o merepen win. Ninna te well bari bok pral o them, merenn le gar.

Sikepaskro 9:10

Halauter, hoi tuke glan o wast well, te kress, kowa kre o tselo djijestar! Pash i mulende, kai tu ninna hunte djas, kote well buder tchi kerdo. Un kek krell peske kote i shero, hoi nai krell lo, har nai djinell lo tchomone, un har nai well lo gosewo.