Ester 4:14 - O Debleskro Drom 2021 (Sinte)

¹⁴ Tu te peneh tchi kanna an kau tsiro, palle well i wawar, kai men bibolden win lell. Un tu un tiro dadeskro kheer wenn maredo. Un koon djinell, te wal tu gar rani sawo tsireske har kawa kanna hi?”

O Debleskro Lab 2024 (Sinte-Manouche)

¹⁴ Tou te peneh či kanna an kava tsiro, palle vell i vavar, kay men bibolden vin lell. Oun tou oun tiro dadeskro kheer venn maredo. Oun koon djinell, te val tou gar rani savo tsireske har kava kanna hi?”

Ester 4:14 ပူးပေါင်းရင်းမြစ်များ

1. Mose 22:14

O Abraham das koi platsa ko lab ‘O baro Dewel dikella’. Jaake well bis kai diwes penlo: ‘Ap koi berga, kai o baro Dewel dikella’.

2. Rajengro liil 13:5

Un o baro Dewel bitchras i Israelenge jekes, kai len win las dran i tchilatche wasta i menshendar dran o them Syria, te nai djiwenn i Israelitarja pale an pengre khera, jaake har glan ko tsiro his.

2. Rajengro liil 19:3

Un jon hunte penan leske: “Kawa penell o Hiskija: ‘Kau diwes hi i diwes pherdi traash, phagi un ladj. Hi jaake har penlo well: O ternepen kamell ap kai phub te well, un i dat hi kek soor, te anell li les win.

Esra 9:9

Mer hams pandle budepangre, un tu, maro Dewel, mukal men gar kokres an maro pandepen. Tu kral, te dikan i raja pral o them Persia latches ap mende, un dal men newi soor, te nai tchiwas mer tiro kheer pale pre, jaake te was dran kol paash dine un chatchede barra i newo kheer tuke. Kowa kral tu, te djiwas mer pale an o them Juda un an o foro Jerusalem kek trashah.

Nehemia 6:11

Me penom: “I mursh, har me hom, nashell gar krik. Patseh, te djoms an o Debleskro kheer, te atchap djido? Me djau gar dren!”

Ester 2:15

Ko tsiro was, te djal i Ester pash o baro rajeste. Lakro dad his o Abichajil un lakro kako o Mordekai, kai lat pash peste las, har well li leskri tchai. Un joi kamas tchi budeder peha te lell, har o Hegai, ko pralstuno pral i djuwjende, lake penas. Un an i jaka lauterendar, kai dikan lat, his li shukar.

Ester 2:17

Un o baro rai kamas lat budeder har i tsele wawar djuwjen. An leskre jaka his li shukeder un feteder har haki wawar terni tchai. Un job tchiwas ko shereskro sonakai ap lakro shero, hoi i rani hidjrell. Un kras latar i newi rani, jaake har i Wasti glan late his.

Ester 2:7

Un pash o Mordekai djiwas i terni tchai, i Hadassa, kai ninna Ester kharedo was. Joi his leskro kakeskri tchai, un lat his buder kek dad un kek dai. Un joi his i shukar un raili tchai. Un har lakro dad un lakri dai meras, las o Mordekai lat pash peste un was lake har lakro dad.

Ester 4:13

mukas lo lake pale te penell: “Ma pats, te nai weh tu tiro djipah krik, doleske, kai djiweh an o baro rajeskro kheer! Ma pats, te atchess tu kokres djido i tsele biboldendar!

Ester 4:15

Kote mukas i Ester ap o Mordekai te penell:

Hiob 9:18

Job mukell man gar jek kopo ducho te lell, na-a, job krell man pherdo ropen un duk.

Sikepaskro 3:7

Koi hi jek tsiro, kai krenn i menshe pengre koola paash, un jek wawar tsiro, kai siwenn le penge newe koola. Koi hi jek tsiro, kai rakrah gar, un i wawar tsiro, kai rakrah.

Jesaja 49:23

Un bare raja wenn tuke koi un lengre romja denn jak ap tire tikne tchawende. Un bare raja witsrenn pen glan tute ap i phub, un tchumrenn i tchik tire pirendar. Kote haiweh tu palle, te hom me o baro Dewel. Un kolla, kai dikenn ap mande, te wap ap lengri rig, dikenn gar tchitcheske ap mande.

Jesaja 54:17

Kek charo, hoi kerdo was, te dell lo tut mulo, nai dukrell tut. Un hako kopo, kai jek tchomone ap tute pre anell, nai sikreh tu, kai job chochras. Kowa krau kolenge, kai mange budrenn. Un me sikrau, te hi jon an o tchatchepen, penell o baro Dewel.

Jeremia 30:11

Me, o baro Dewel, hom pash tumende, te wap ap tumari rig. Kol natsjone, mank kolende tradom tumen, kolla hunte djan tele. Tumer djan gar tele. Tumende dau i phagi har tumenge mishto hi. Kek dawentsa nai mukau tumen gar. Wals gar mishto, te dap tumen kek phagi.

Jeremia 46:28

Doleske, ma traash, Jakob, miro budepaskro, penell o baro Dewel. Me hom pash tute. Kol tsele natsjone, kai me tut tradom, mukau gar te djiwell. Tut mukau te djiwell. Dawa hunte dap tut, har tuke mishto hi. Kek dawentsa nai mukau tut gar.

3. Mose 26:42

palle kamau koi sowel, hoi o Jakobeske dom, gar bistrell, witar gar koi sowel, hoi o Isaakeha dren djom, un koi sowel, hoi o Abrahameha krom. Un bistrau gar, te penom lenge, te dap o them lengre tchawenge, kai pal lende wenna.

Mateo 16:18

Doleske penau tuke: Tiro lab hi kanna Petro. Kowa, hoi tu kate penal, hi har i sorelo bar, ap koleste tchiwau miro kheer. Un miro kheer hi kolla, kai patsenn ap mande. Un kek nashte lell len dran mire wasta win, ninna kek merepen.

Mateo 24:22

Te krals o Dewel o tchilatcho tsiro gar tikneder, palle wals kek mensho dran o tchilatcho tsiro win. Kolen, kai o Dewel peske win rodas, kolenge krell lo o tchilatcho tsiro tikneder.

5. Mose 32:36

Tchatchepah o baro Dewel dell peskre menshende lengro tchatchepen. Te dikell lo, har leskre budepangre nashran pengri soor, khaitenn le les. Te dikell lo, har kek ap lengri rig hi, krell job peskro dji lenge pre.

Čačepangre 15:6

Un i Filistarja putchan: “Koon his kowa?” Un lenge was penlo: “O Simson, kowa kai i tchat o murshestar dran Timna las, un kowa peskri tchat lestar pale krik las, un lat leskro males das.” Kote djan i Filistarja pre, un chatchran lat un lakro dades.

1. Samuel 12:22

O baro Debleske his shukar, te wan tumer leskre menshe. Un job das peskro wast koi pre un mukell tumen gar.

1. Samuel 17:29

O David penas: “Hoi krom me? Nai putchau me gar?”