Ester 2:23 - O Debleskro Drom 2021 (Sinte)

²³ Un har dikan le palla, was win, te his kowa tchatcho. Un kol dui wan ap o kasht bladedo. Un o baro rai mukas kau koowa dren te tchinell an o bershengro liil o themestar.

O Debleskro Lab 2024 (Sinte-Manouche)

²³ Oun har dikan le palla, vas vin, te his kova čačo. Oun kol douy van ap o kasht bladedo. Oun o baro ray moukas kava koova dren te činell an o bershengro liil o themestar.

Ester 2:23 ပူးပေါင်းရင်းမြစ်များ

1. Mose 40:19

An triin diwessa mukell tut o baro rai dran o stilepen win un bladell tut ap i kasht. Un i tchirkle chan tiro mass tutar krik.”

1. Mose 40:22

Un o pralstunes pral o maro mukas job te bladell ap i kasht, jaake har o Josef lenge glan-wi penas.

Esra 4:15

Muk pal te dikell an i familjakre lila tire phurendar, palle hatseh un dikeh, kai kau foro pes pre hadas, un pral wawar rajende un themma doosh anas. Ninna an i phure tsirja hadan pen i menshe an kau foro pre. Doleske was kau foro ninna khetne maredo, un kek bar atchas ap o wawar.

Ester 10:2

Ko tselo baro railo koowa, hoi lo kras un leskri soor pral kol bud themma, kowa hi tchinlo an i familjakro liil kol bare rajendar pral o them Media un Persia. Kote hi ninna tchinlo, har o baro rai o Mordekajes hadas un bares kras,

Ester 5:14

Kote penas leskri romni Seresh un leskre tsele mala ap leste: “Muk i kasht pre te tchiwell, hoi hi i paash-sheel (50) mussja bares! Un taissarlakro pen ap o baro rajeste, te mukell lo o Mordekajes ap ko kasht pre te bladell. Un palle dja leha bachteles pash o chapen.” Un kol laba his o Hamaneske latches, un job mukas sawo kasht pre te tchiwell.

Ester 6:1

An koja rat nai sowas o baro rai gar, un mukas peske glan te drawerell dran o bershengro liil o themestar.

Ester 7:10

Jaake bladan le o Hamanes ap ko kasht pre, koles job o Mordekajeske mukas pre te tchiwell. Un i choli o baro rajestar djas pale.

Maleachi 3:16

Koi rakran kolla mank pende, kai djiwenn o baro Debleha. Un o baro Dewel das jak ap lengre laba un shunas, hoi le penenn, un mukas len an i liil dren te tchinell, te wenn le gar bistedo. An kau liil hi kolla dren tardo, kai djiwan leha, un hadan leskro lab.

Josua 8:29

Un o baro rajes o forestar Ai mukas lo ap i ruk pre te bladell. Bis ap i rat atchas job ap i ruk. Un har o kham tele djas, penas o Josua, te lenn le ko mules o rukestar tele. Un jon lan les tele un witsran les glan o foreskro baro wudar, un tchiwan bud barra ap leste pre, hoi gomme kau diwes koi hi.