Esra 9:5 - O Debleskro Drom 2021 (Sinte)

⁵ Har kau tsiro was, lom man khetne, stom pre an miro paash gad un miri paash baja, perom ap mire tchanga un rikrom mire wasta pral pash miro baro Debleste,

O Debleskro Lab 2024 (Sinte-Manouche)

⁵ Har kava tsiro vas, lom man khetne, stom pre an miro paash gad oun miri paash baya, perom ap mire čanga oun rikrom mire vasta pral pash miro baro Debleste,

Esra 9:5 ပူးပေါင်းရင်းမြစ်များ

1. Rajengro liil 8:22

Un o Salomo djas glan koi chatchepaskri, kai o baro Debleske vieche chatchedo wenn. Un i tsele Israelitarja his ninna koi. Un job hadas peskre wasta pral an o bolepen,

1. Rajengro liil 8:38

koon palle peskro tselo djijeha tutar mangella, nai well jek, nai wenn budeder, nai well o tselo Israel, un an peskro djijeskri duk rikrell lo peskre wasta ap kai rig, kai kau kheer hi,

1. Rajengro liil 8:54

Un har o Salomo o baro Deblestar jaake mangas, his lo tchiddo ap peskre tchanga glan o Debleskri chatchepaskri un rikras peskre wasta an o bolepen. Har job halauter penas, hoi job kamas te penell, stas lo pre un las ninna peskre wasta pale tele.

2. Familjakro liil 6:13

Un o Salomo mukas peske tchomone te krell dran lolo saster, ap koleste job nai well tardo, un mashkral ap i glanstuni platsa te tchiwell. Kowa his dui-te-paash metarja lengsto un buchlo un jek-te-paash metarja baro. Koi pre his lo tardo un peras ap peskre tchanga tele glan i tsele Israelitarja un hadas peskre wasta pral an o bolepen,

Nehemia 1:4

Un har me kol laba shunom, beshom man koi un rowom an bari duk budeder diwessa. Un me chom tchi, un mangom o Debles an o bolepen,

Debleskri gili 141:2

Muk miro mangepen tuke jaake shukar te well, har chatchroms me tuke sungepaskro koowa. Dik ap mire pre-hadede wasta jaake har ap i viecho, hoi mukoms tuke rati te chatchrell.

Debleskri gili 143:6

Mire wasta hadau pre pash tute. Har i truk them trushella pal pani, jaake trushell miro dji pal tute.

Debleskri gili 95:6

Awenn, mangas les an! Te djas ap mare tchanga, un peras tele glan o baro Debleste! Job hi kowa, kai kras men.

2. Mose 9:29

O Mose penas leske: “Jaake sik har djom dran o foro win, kamau mire wasta pre te hadell ap o baro Debleste. Palle dell o bolepen buder kek gole, un kek barrengro brishin perell buder, te dikess un haiwess, te hi i phub o baro Debleske.

2. Mose 9:33

Palle djas o Mose win dran o Faraeskro kheer un dran o foro, un hadas peskre wasta pre ap o baro Debleste. Un o bolepen das buder kek gole. Un buder kek barrengro brishin peras tele. Un kek depen das buder ap i phub.

Jesaja 1:15

Un te hadenn tumer tumare wasta pre, te mangenn man an, palle tchakrau me mire jaka tele, te dikap tumen gar. Un ninna te mangenn mandar pale te pale, me shunau tumen gar: Tumare wasta hi pherdo rat.

Daniel 10:2

Triin tsele kurke rowom me, o Daniel, an ko tsiro.

Louka 22:41

Un o Jesus kokres djas i tikno kotar dureder, un witsras pes ap i tchanga,

Bičepangre 21:5

Pal efta diwessa djam mer dureder. Mentsa djan i phrala pengre romjentsa un i tchawentsa dran o foro win pash o pani. Un kote djam mer ap i tchanga un mangam o Debles an.

Efesarja 3:14

Doleske perau ap mire tchanga, un parkrau man pash o Debleste, maro dadeste.