Esra 9:12 - O Debleskro Drom 2021 (Sinte)

¹² Doleske ma denn tumare tchen lengre tchawenge! Un lengre tchen ma lenn len tumare tchawenge! Ma awenn lengre mala! Un denn jak, te wenn le gar brawelo, an kek tsiro. Palle nai wenn tumer soreles an o them, un nai chan ko latchepen, hoi an ko them koi hi. Kowa nai denn palle tumare tchawen, te djiwenn le an hako tsiro an ko them.’

O Debleskro Lab 2024 (Sinte-Manouche)

¹² Doleske ma denn t'mare čen lengre čavenge! Oun lengre čen ma lenn len t'mare čavenge! Ma avenn lengre mala! Oun denn yak, te venn le gar bravelo, an kek tsiro. Palle nay venn t'mer zoreles an o them, oun nay rhan ko lačepen, hoy an ko them koy hi. Kova nay denn palle t'mare čaven, te djivenn le an hako tsiro an ko them.

Esra 9:12 ပူးပေါင်းရင်းမြစ်များ

1. Familjakro liil 28:8

Kanna penau tumenge glan i jaka i tsele Israelendar – jon hi o baro Debleskro kheer – un glan i kanda maro Deblestar: Rikrenn tumen ap i tsele laba tumaro baro Deblestar, un djiwenn koi pal! Palle nai atchenn tumer an kau latcho them, un nai denn les dureder ap tumare tchawende, kai pal tumende wenna, hake tsirenge.

2. Familjakro liil 19:2

Un kote was leske o dikepaskro, o Jehu an o drom. Koleskro dad his o Hanani. Un o Jehu penas ap o baro rajeste Josafat: “Hoske wal tu o tchilatcho mursheske ap i rig, un wal i maal kolestar, kai kamas o baro Deblestar tchi te djinell? Doleske well i choli o baro Deblestar pral tute.

Esra 9:2

Jon lan kolengre djuwjen penge un pengre mursh tchawenge ninna. Un jaake hi mank o Debleskre menshende sawe, kai gar lendar hi. I pralstune un i tchatchepangre mursha his i erste, kai kowa kran, un peran o Deblestar tele.”

2. Mose 23:32

Ma awenn lengre mala! Ma mangenn tchomone lengre deblendar!

Gosewe laba 13:22

Kowa, hoi i latcho mursh pale mukell, well dureder dino leskre tchawende un tchawengre tchawende. O brawlepen kolestar, kai an o tchilatchepen djiwas, lell kowa, kai an o tchatchepen tardo hi.

Gosewe laba 20:7

Kowa, kai an o tchatchepen tardo hi un o Debleskro drom gar mukell, bachtelo hi leskre tchawe, kai pal leste wenna.

Jesaja 1:19

Kamenn tumer ap mande te shunell? Palle nai chan tumer o tselo latchepen, hoi o them win anell.

5. Mose 23:6

Tumaro baro Dewel kamas gar ap o Bileam te shunell. Job kamas tumen o djijestar. Doleske kras lo, te rakras o Bileam i bacht pral tumende win, un kek bibacht.

5. Mose 23:7

Ma rodenn koi pal, te djal kol menshenge mishto an i themma Moab un Ammon, un te wenn le brawelo.

5. Mose 7:3

Ma romedinerenn kek lentsa! Tumare tchen denn gar lengre mursh tchawende! Un lengre tchen lenn gar tumare mursh tchawenge, te romedinerenn le len.