Esra 8:23 - O Debleskro Drom 2021 (Sinte)

²³ Doleske cham tchi un mangam halauter maro Deblestar, un job shunas ap maro mangepen.

O Debleskro Lab 2024 (Sinte-Manouche)

²³ Doleske rham či oun mangam halauter maro Deblestar, oun yob shounas ap maro mangepen.

Esra 8:23 ပူးပေါင်းရင်းမြစ်များ

1. Mose 25:21

Joi nai las kek tchawe. Un o Isaak mangas o baro Deblestar peskri romjake. Un o baro Dewel shunas ap o Isaak. Un i Rebekka, leskri romni, was an wawar koowa.

2. Rajengro liil 13:4

Palle mangas o Joahas o baro Debles i ropaskri goljah, un o baro Dewel shunas les. Job dikas, har o Israel tele rikedo was, un har o baro rai pral o them Syria lenge o djipen phares kras.

1. Familjakro liil 5:20

Un i lurde dran i khera Ruben un Gad un Manasse dikan ap o baro Debleste un dan gole ap leste, te well lo lenge ap i rig. Un job shunas ap lende, un das i Hagararja an lengre wasta un lauteren, kai pash lende his.

Esra 8:31

Ap o deesh-te-duito diwes an o ersto tchon kram men ap o drom un mukam ko pani Ahawa pal mende, te djas an o foro Jerusalem. Un maro Debleskro wast his pral mende un das men gar an i wasta kolendar, kai kaman maro merepen un kai men ap o drom palla lan.

Nehemia 9:1

Un ap o 24. (biish-te-starto) diwes an kau tchon wan i Israelitarja khetne, un jon chan tchi un riwan pen an gone un tchiwan tchik ap pengre sherja.

Ester 4:16

“Dja koi un de i tsele bibolden an o foro Susa khetne gole! Chan un pijenn triin diwessa tchi, gar ap o diwes, witar gar an i rati. Krenn kowa mange, te dikell o Dewel latches ap mande! Un me un kol djuwja, kai mange budrenn, mer kamah kowa ninna jaake te krell. Un pal kowa kamau pash o baro rajeste dren te djal, ninna te hi khatar o tchinlo lab. Un te denn le man mulo, palle denn le man mulo.”

Gosewe laba 3:5

Tchip tiro tselo dji ap o baro Debleste! Ma pats, kai djineh kokres, hoi mishto un tchatcho hi!

Jesaja 19:22

Un pal kowa, kai das o baro Dewel i Egiptarjen, krell lo len sasto. Un jon wenn pale pash leste. Un job mukell pes lendar te mangell un krell len sasto.

Jeremia 33:3

Khare man, palle kamau tuha te rakrell, un kamau tuke baro koowa te sikrell, hoi tu gar haiweh, un kolestar tchi djinal.

Daniel 9:3

Un me dikom pre pash o Debleste, miro rajeste, un rodom les un mangom les ropah, chom tchi un riwom man an i gono, un witsrom jagakri tchik pral mande.

Louka 2:37

Palle meras lakro rom. Un kanna his li ochta-deesh-te-star bersha phuro. Un joi his o tselo diwes un i tseli rati an o Debleskro baro kheer, te mangell li o Debles an. Un bud kope chas un pijas li tchi o Debleske.

Bičepangre 10:30

Koi penas o Kornelio: “Glan star diwessa, his trinenge, mangom o Debles an miro kheer an. Koi his ap jek kopo i mursh glan mande tardo. Koleskre koola his bijalo.

5. Mose 4:29

An kol themma rodenn tumer palle o baro Debles, kai tumaro Dewel hi. Te putchenn pal leste tumaro tselo djijeha un tumari tseli sorjah, hatsenn tumer les.