Esra 8:18 - O Debleskro Drom 2021 (Sinte)

¹⁸ Un maro Debleskro kamlo wast his pral mende. Un jon anan menge i gosewo mursh dran i familja Machli, i Levitari. O Levi his i tchawo o Jakobestar. Kau mursh kharas Sherebja. Un pash leste his leskre tchawe un phrala. Khetne his le 18 (deesh-te-ochta) mursha.

O Debleskro Lab 2024 (Sinte-Manouche)

¹⁸ Oun maro Debleskro kamlo vast his pral mende. Oun yon anan menge i gosevo morsh dran i familya Mali, i Levitari. O Levi his i čavo o Yakobestar. Kava morsh kharas Sherebya. Oun pash leste his leskre čave oun phrala. Khetne his le 18 (deesh-te-orhta) morsha.

Esra 8:18 ပူးပေါင်းရင်းမြစ်များ

1. Familjakro liil 6:1

O Levi: Leskre tchawe his: o Gershon, o Kohat un o Merari.

1. Familjakro liil 6:19

koleskro dad his o Elkana, koleskro dad his o Jeroham, koleskro dad his o Eljel, koleskro dad his o Toah,

1. Familjakro liil 6:4

O Merari, leskre tchawe his: o Machli un o Mushi. Un kalla hi i menshe, kai wan pal o Levi pal lengre dadengre khera:

2. Familjakro liil 30:22

Un o Hiskija rakras kamles ap i tsele Levitarja, kai kran le pengri budi mishto glan o baro Debleste. Efta diwessa kran i Israelitarja ko festo. Un khetne chan le ko mass kol viechendar, hoi dan le o baro Debleste, un parkran pen pash leste, ko Dewel lengre phurendar.

Esra 7:28

O Dewel kras, te dikas o rai un leskre gosewe un pralstune mursha latches ap mande. Un o baro Debleskro wast his pral mande un kras man soreles, un nai anom bud murshen khetne, kai his pralstune pral pengre familje, te djan le lauter mantsa pre an maro them.

Esra 7:6

Kau mursh Esra djas win dran o them Babilonia, te djal lo an o foro Jerusalem. Job his i sikepaskro, un djinas kol laba mishto, hoi an o Moseskre lila tchinlo hi. Kol laba das o baro Dewel peskre menshende Israel. Un har o Esra gomme an Babilonia his, rikras o baro Dewel peskre wasta pral leste, un kras, te das o baro rai o Esraes halauter, hoi job lestar mangas.

Esra 7:9

Ap o ersto diwes an o ersto tchon kran le pen ap o drom, un ap o ersto diwes an o pantchto tchon wan le an o foro Jerusalem. O Debleskro kamlo wast his pral leste.

Esra 8:16

Kote mukom i gosewe pralstune pengre familjendar pash mande te well: o Elijeser, o Arijel, o Shemaja, o Elnatan, o Jarib, o wawar Elnatan, o Natan, o Secharja un o Meshullam, un kol dui sikepangre, o Jojarib un o Elnatan,

Esra 8:19

Koi pashel wan o Hashabja un o Jeshaja dran i familja Merari, un leskre phrala un lengre mursh tchawe, khetne 20 (biish) mursha.

Esra 8:22

Kamom gar o rajestar klissepangre te mangell, kai denn jak ap mende un kurenn pen menge, te wenn tchilatche menshe pral mende. Ladjom man te mangap kowa lestar. Glan i tikno tsiro penam leske: O wast maro Deblestar hi kamlepah pral kolende, kai les rodenn, un leskri soreli choli well pral kolende, kai kamenn lestar tchi te djinell.

Esra 8:24

Un me rodom mange 12 (deesh-te-dui) dran i pralstune rashajende win, koi pashel o Sherebja un o Hashabja un deesh wawar Levitarja.

Nehemia 10:12

Micha, Rehob, Hashabja

Nehemia 12:24

Un i pralstune pral i Levitarja his: o Hashabja, o Sherebja, o Jeshua, o Binnui, un o Kadmijel. Lengre phrala, o Mattanja, o Bakbukja, un o Obadja his tardo wergel lende, har giwan le o Debleske. Lentsa khetne giwan le sharepaskre gilja o Debleske jaake, har o Debleskro mursh, o David penas. Kol jek giwan glan un kol wawar giwan pal. Pash i bare wudja, kai i khera hi, kai o chapen dren hi, dan kolla mursha jak: o Meshullam, o Talmon un o Akkub.

Nehemia 2:8

Un muk ninna i liil te tchinell ap o Asaf, ko pralstuno pral o rajeskre wesha, te dell lo man kasht, te nai krap wudja o sorelo khereske, hoi pash o Debleskro kheer tardo hi, un ninna kasht, te tchiwap i massuri trul o foro pale pre, un kasht ko khereske, an koleste me palle djiwau.” Un o baro rai das kowa lauter. Miro Debleskro latcho wast his mantsa.

Nehemia 8:7

Palle stan le pale pre hakeno ap peskri platsa. Un i Levitarja penan i menshenge, hoi kol laba an o Moseskro liil kamenn te penell. Kol Levitarja his o Jeshua, un o Bani, un o Sherebja, un o Jamin, un o Akkub, un o Shabbetai, un o Hodija, un o Maaseja, un o Kelita, un o Asarja, un o Josabad, un o Hanan, un o Pelaja.

Gosewe laba 24:3

Tut hunte well goswepen, te tchiwess i kheer pre, un tu hunte haiwess mishto, hoi te kress, te atchell ko kheer soreles tardo.

Gosewe laba 3:6

Rike tut ap o baro Debleste, hoi tu ninna kreh! Un job krell tiro drom tchatcho glan tute.

Jeremia 3:15

Me kamau tumen sawe pralstunen te dell, kai denn garda ap tumende, har me kowa krau. Kolla sikrenn tumen tumaro drom goswepah, un haiwenn, hoi tumenge mishto hi.

Daniel 1:20

Un an hako koowa, hoi o baro rai lendar putchas, his jon deesh kope gosweder un haiwan budeder har i tsele durkepangre un drawepangre an i tsele themma, kai o Nebukadnezar baro rai his.

4. Mose 3:20

O Merari: leskre tchawe his o Machli un o Mushi. Kowa hi i menshe, kai wenna pal o Levi peskre familjentsa.

1. Korintarja 14:20

Mire phrala, ma awenn har tikne tchawe, kai gomme gar bud djinenna. Awenn gosewo har i phure! Pash tchilatcho koowa, awenn har tikne tchawe, hoi o tchilatchepen gar haiwenna!