Esra 8:17 - O Debleskro Drom 2021 (Sinte)

¹⁷ un bitchrom len pash o Iddo, ko moskro an o foro Kasifja, kai i Levitarja djiwenn, te bitchrenn le menge budepangre o khereske maro Deblestar. Un me penom lenge, hoi te rakrenn le o Iddeha un leskre phralentsa, kai pash leste his an o foro Kasifja.

O Debleskro Lab 2024 (Sinte-Manouche)

¹⁷ oun bičrom len pash o Iddo, ko moskro an o foro Kasifya, kay i Levitarya djivenn, te bičrenn le menge boudepangre o khereske maro Deblestar. Oun me penom lenge, hoy te rakrenn le o Iddeha oun leskre phralentsa, kay pash leste his an o foro Kasifya.

Esra 8:17 ပူးပေါင်းရင်းမြစ်များ

2. Samuel 14:19

Penas lo: “Bitchras tut o Joab pash mande, te rakress kowa lauter mantsa?” Koi das li pale: “Tchatchepah, miro baro rai. Koi hi kek drom, te khatrap tchomone glan tute, miro rajeste! Awa, tiro budepaskro Joab penas mange, kai hunte krap kowa, un tchiwas kol tsele laba mange an o mui.

2. Samuel 14:3

Tu djas pash o baro rajeste dren, un rakress leha jaake har tuke penau.” Un o Joab tchiwas lake kol laba an o mui, hoi joi hunte penella.

1. Familjakro liil 9:2

Un mank kol erste menshe, kai pale wan, un pale an pengro them un pengre forja djiwan, his Israelitarja, rashaja, Levitarja un sawe, kai budran an o Debleskro kheer.

Esra 2:43

i familje, kolendar i mursha wan, kai budran an o Debleskro kheer: Ziha, Hasufa, Tabbaot,

Esra 2:58

I tsele budepangre, kai budran an o Debleskro kheer un kolla, kolengre phure o Salomeske budran, his khetne 392 (triin-sheel-te-enja-deesh-te-dui).

Esra 7:7

Un khetne leha djan wawar Israelitarja pral an Jerusalem, rashaja, Levitarja, gipangre, mursha kai denn jak ap i wudja, un budepangre, kai budran an o Debleskro kheer. Kolla halauter wan an Jerusalem an o eftato bersh, kai o Artaxerxes o rai pral o them Persia his.

Esra 8:16

Kote mukom i gosewe pralstune pengre familjendar pash mande te well: o Elijeser, o Arijel, o Shemaja, o Elnatan, o Jarib, o wawar Elnatan, o Natan, o Secharja un o Meshullam, un kol dui sikepangre, o Jojarib un o Elnatan,

2. Mose 4:15

Un pen tiro phraleske halauter, hoi job hunte rakrell! Un me, tumaro Dewel, tchiwau mire laba an tiro mui un leskro mui un sikrau tumen halauter, hoi hunte krenn.

Jeremia 1:9

Un o baro Dewel tchiwas peskro wast ap miro mui, un penas ap mande: Dik, me tchiwau mire laba an tiro mui.

Jeremia 15:19

Doleske penell o baro Dewel: Te rikreh tu tut ap mande, rikrau me man ap tute, un tu atcheh miro rakepaskro. Te rakreh tu, hoi mishto hi, un rakreh gar, hoi tchi-moldo hi, hal tu miro mui. Jon hunte wenn pash tute, tu djas gar pash lende!

4. Mose 18:6

Un me lom tumare phralen, i Levitarja, dran i wawar Israelitarja win, te dap len tumende, te wenn le mange koi, o baro Debleske, un krenn koi budi ap o Debleskro plachteno kheer.

5. Mose 18:18

I Debleskro rakepaskro har tu jek hal, kai well lendar, koles bitchrau me lenge. Un me kamau leske mire laba an leskro mui te tchiwell. Un job rakrell ap lende halauter, hoi me leske penau.

Tito 1:5

Me mukom tut an o them Kreta pale, te kress tu kowa, hoi me buder gar krom, un te rodess tu phureden win mashkral i patslende an hako foro, te rikrenn le i patslen ap o tchatcho drom. Te kreh tu kowa, ma biste, hoi me tuke penom!