Esra 8:16 - O Debleskro Drom 2021 (Sinte)

¹⁶ Kote mukom i gosewe pralstune pengre familjendar pash mande te well: o Elijeser, o Arijel, o Shemaja, o Elnatan, o Jarib, o wawar Elnatan, o Natan, o Secharja un o Meshullam, un kol dui sikepangre, o Jojarib un o Elnatan,

O Debleskro Lab 2024 (Sinte-Manouche)

¹⁶ Kote moukom i goseve pralstoune pengre familyendar pash mande te vell: o Eliyeser, o Ariel, o Shemaya, o Elnatan, o Yarib, o vavar Elnatan, o Natan, o Zakarie oun o Meshoullam, oun kol douy sikepangre, o Yoyarib oun o Elnatan,

Esra 8:16 ပူးပေါင်းရင်းမြစ်များ

1. Rajengro liil 3:11

Un o Dewel penas ap leste: “Tu nai mangals mandar i lengsto djipen un brawlepen un o merepen kolendar, kai kurenn pen tuha. Kowa kral gar. Tu mangal mandar goswepen, te rakress o tchatchepen win pral i menshende.

1. Familjakro liil 12:32

Dran o paash kheer Manasse: 18.000 mursha, kolla wan o labeha win rodedo, te djan le koi, te krenn le o Davides o baro rai.

1. Familjakro liil 26:14

O wudar, hoi ap i glanstuni rig hi, koleske peran i barra ap o Meshelemja. O wudar, hoi ap i serwi rig hi, koleske peran i barra ap leskro tchawo, o Secharja. Kowa his i gosewo mursh, kai djinas, hoi te krell.

2. Familjakro liil 2:12

Kanna bitchrau tuke i murshes, koles i latcho wast hi, un peskri budi mishto haiwell. Leskro lab hi Huram-Abi.

Esra 10:21

Un an i familja Harim: o Maaseja, o Elija, o Shemaja, o Jehijel un o Usija;

Esra 10:39

o Shelemja, o Natan, o Adaja,

Esra 8:13

dran i familja Adonikam ninna i palstune, kai wan pale. Un jon kharan: Elifelet, Jehijel un o Shemaja, un khetne lentsa 60 mursha;

Esra 8:15

Un me anom len khetne pash ko lengsto pani, hoi an o foro Ahawa nashella. Un mer atcham kote triin diwessa. Un har lom kote i menshen an o jak, dikom rashajen mank lende. Me dikom kek Levitarjen.

Esra 8:17

un bitchrom len pash o Iddo, ko moskro an o foro Kasifja, kai i Levitarja djiwenn, te bitchrenn le menge budepangre o khereske maro Deblestar. Un me penom lenge, hoi te rakrenn le o Iddeha un leskre phralentsa, kai pash leste his an o foro Kasifja.

Esra 8:18

Un maro Debleskro kamlo wast his pral mende. Un jon anan menge i gosewo mursh dran i familja Machli, i Levitari. O Levi his i tchawo o Jakobestar. Kau mursh kharas Sherebja. Un pash leste his leskre tchawe un phrala. Khetne his le 18 (deesh-te-ochta) mursha.

Gosewe laba 2:6

O baro Dewel hi kowa, kai dell goswepen. Lestar well, te djinell un haiwell i mensho bud koowa.

Gosewe laba 20:5

Kowa, hoi i mensho peske glan lell, hi dur tele an peskro dji har pani an i brunna. I gosewo anell kowa nai pre.

Gosewe laba 28:2

Te hi bud tchilatchepen an o them, wenn ninna bud raja pre. Te well sawo mursh o rai, kai djinell bud un haiwell lauter mishto, palle hi o tchatchepen i rah tsiro an o them.

Daniel 2:21

Job hi o rai pral o tsiro, un dell hakeneste peskro tsiro; job lell i bare rajendar lengro them, un tchiwell wawar rajen dren; job dell i gosewen lengro goswepen un kolen, kai haiwenn tchomone, das job an o shero, te nai haiwenn le.

2. Timoteo 2:7

Muk an tiro shero trujel te djal, hoi penom tuke! Un o rai Jesus dell tut o goswepen, te haiwess kowa lauter.

1. Johanni 5:20

Mer djinah, kai o Debleskro tchawo ap kai phub was, te krell lo mare jaka pre, te prindjras o tchatcho Debles. Un jaake har mer ham khetne o Debleskro Tchaweha, o Jesus Kristeha, jaake ham khetne o tchatcho Debleha. O Jesus Kristo hi o tchatcho Dewel. Un job dell ko djipen, hoi gar pre-herella.