Esra 7:6 - O Debleskro Drom 2021 (Sinte)

⁶ Kau mursh Esra djas win dran o them Babilonia, te djal lo an o foro Jerusalem. Job his i sikepaskro, un djinas kol laba mishto, hoi an o Moseskre lila tchinlo hi. Kol laba das o baro Dewel peskre menshende Israel. Un har o Esra gomme an Babilonia his, rikras o baro Dewel peskre wasta pral leste, un kras, te das o baro rai o Esraes halauter, hoi job lestar mangas.

O Debleskro Lab 2024 (Sinte-Manouche)

⁶ Kava morsh Esra djas vin dran o them Babilonia, te djal lo an o foro Yerusalem. Yob his i sikepaskro, oun djinas kol laba mishto, hoy an o Moseskre lila činlo hi. Kol laba das o baro Devel peskre menshende Israel. Oun har o Esra gomme an Babilonia his, rikras o baro Devel peskre vasta pral leste, oun kras, te das o baro ray o Esraes halauter, hoy yob lestar mangas.

Esra 7:6 ပူးပေါင်းရင်းမြစ်များ

1. Mose 32:28

Koi putchas lestar ko mursh: “Har khareh tu?” “Jakob”, penas job.

Esra 5:5

Un o Debleskre jaka his pral i phureder an o them Juda, un jon nai budran dureder, bis i liil pash o Darius bitchedo was un i liil lestar pale pale was.

Esra 6:22

Un jon lauter rikran kol bare diwessa, kai chan le efta diwessa maro, kai kek shutlo jarro dren hi. Halauterenge his i gipaskro tsiro. O baro Dewel das len bachtele djia un kras, te dikas o rai pral o them Assur kamles ap lende. Jaake wan lengre wasta soreles, te nai kran le o kheer o Israeleskro Debleske.

Esra 7:21

Me, o rai Artaxerxes, penom ap halauterende, kai an o them wergel o panjestar Jordan ap i khera garda denn, kai miro brawlepen dren hi: Halauter, hoi mangell tumendar o Esra, ko rashai un sikepaskro kol labendar o bolepaskro Deblestar, kowa denn les sik;

Esra 7:28

O Dewel kras, te dikas o rai un leskre gosewe un pralstune mursha latches ap mande. Un o baro Debleskro wast his pral mande un kras man soreles, un nai anom bud murshen khetne, kai his pralstune pral pengre familje, te djan le lauter mantsa pre an maro them.

Esra 7:5

koleskro dad o Abishua, koleskro dad o Pinhas, koleskro dad o Eleasar, koleskro dad o Aron, ko baro rashai.

Esra 7:9

Ap o ersto diwes an o ersto tchon kran le pen ap o drom, un ap o ersto diwes an o pantchto tchon wan le an o foro Jerusalem. O Debleskro kamlo wast his pral leste.

Esra 8:1

Kalla hi i pralstune pengre familjendar kol murshentsa, kai wan mantsa khetne dran o them Babilonia pre an o foro Jerusalem an ko tsiro har o Artaxerxes o baro rai his.

Esra 8:18

Un maro Debleskro kamlo wast his pral mende. Un jon anan menge i gosewo mursh dran i familja Machli, i Levitari. O Levi his i tchawo o Jakobestar. Kau mursh kharas Sherebja. Un pash leste his leskre tchawe un phrala. Khetne his le 18 (deesh-te-ochta) mursha.

Esra 8:22

Kamom gar o rajestar klissepangre te mangell, kai denn jak ap mende un kurenn pen menge, te wenn tchilatche menshe pral mende. Ladjom man te mangap kowa lestar. Glan i tikno tsiro penam leske: O wast maro Deblestar hi kamlepah pral kolende, kai les rodenn, un leskri soreli choli well pral kolende, kai kamenn lestar tchi te djinell.

Esra 8:31

Ap o deesh-te-duito diwes an o ersto tchon kram men ap o drom un mukam ko pani Ahawa pal mende, te djas an o foro Jerusalem. Un maro Debleskro wast his pral mende un das men gar an i wasta kolendar, kai kaman maro merepen un kai men ap o drom palla lan.

Nehemia 12:26

Jon djiwan an ko tsiro, kai o Jojakim rashai his, koleskro dad o Jeshua his, koleskro dad o Jozadak his. An ko tsiro djiwas ninna o Nehemia, kai o themeskro rai his, un o Esra, ko rashai un sikepaskro, kai o Debleskre laba mishto djinas.

Nehemia 12:36

un leskre phrala: o Shemaja un o Asarel, un o Milalai, un o Gilalai, un o Maai, un o Netanel, un o Juda, un o Hanani. Len his sawe bashepangre, har o Debleskro mursh, o David, bashras. Un glan lende djas o Esra, ko sikepaskro, kai o Debleskre laba mishto djinas.

Nehemia 2:12

krom man rati pre, lom dui, triin murshen mantsa, un penom kek mensheske, hoi miro Dewel mange an o dji tchiwas, te krap me o foreske Jerusalem. Un his kek grai pash mande, har ko jek ap koleste me klissom.

Nehemia 2:18

Un me penom lenge ninna, har latches miro Dewel ap miri rig was, un hoi o baro rai Artaxerxes ap mande penas. Kote penan le: “Awenn, kras men ap i budi, te tchiwas lauter pale pre!” Un jon kran jek o wawareske i wasta soreles, te krenn le koi latchi budi.

Nehemia 2:8

Un muk ninna i liil te tchinell ap o Asaf, ko pralstuno pral o rajeskre wesha, te dell lo man kasht, te nai krap wudja o sorelo khereske, hoi pash o Debleskro kheer tardo hi, un ninna kasht, te tchiwap i massuri trul o foro pale pre, un kasht ko khereske, an koleste me palle djiwau.” Un o baro rai das kowa lauter. Miro Debleskro latcho wast his mantsa.

Nehemia 4:15

Jaake budram mer o tselo diwes jaake rah har o kham pre djas bis pash ko tsiro, kai i bolepangre momlia glan wan. Un o paash mendar das jak un rikras o witsepaskro tchuri an o wast.

Nehemia 8:1

Un har o eftato tchon was, un i Israelitarja pale an pengre forja his, wan i tsele menshe khetne har jek mursh ap i platsa glan o Panjeskro Wudar. Un jon penan ap o Esra, te anell job o Moseskro liil, kai dren tardo hi, hoi o baro Dewel penas, hoi i Israelitarja hunte krenn un rikrenn. O Esra his i sikepaskro, kai prindjras mishto o Debleskro lab.

Nehemia 8:13

Un ap o duito diwes wan i pralstune kol Israelengre familjendar un i rashaja un i Levitarja khetne pash o Esra, ko sikepaskro, kai o Debleskro lab mishto djinas, te sikrell lo len, hoi an o Moseskro liil tardo hi, te haiwenn le o Debleskro drom feteder.

Nehemia 8:4

Un o sikepaskro, o Esra, his tardo pre ap i kashteno mochton, hoi koleske kerdo was, te dikenn un nai shunenn les lauter. Un pash leste his tardo, ap i tchatchi rig: O Mattitja, un o Shema, un o Anaja, un o Urija, un o Hilkija, un o Maaseja. Un ap leskri serwi rig: O Pedaja, un o Mishael, un o Malkija, un o Hashum, un o Hashbaddana, un o Secharja, un o Meshullam.

Nehemia 8:9

Un i tsele menshe rowan, har shunan le kol laba, hoi an o Moseskro liil tardo his. Un o Nehemia, kowa his o moskro pral o foro Jerusalem, un o rashai Esra, kowa his o sikepaskro, un kol Levitarja, kai i menshenge penan, hoi o Debleskro lab kamell te penell, kolla penan ap lauterende: “Kau diwes hi i baro diwes o baro Debleske, kai tumaro Dewel hi. Doleske mukenn tumare djia gar phares te well! Un ma rowenn!”

Nehemia 9:13

Un ap i berga Sinai wal tu tele, un dran o bolepen rakral tu lentsa. Un tu penal lenge tchatchepaskre laba, hoi mishto hi, un sikral len tchatche dromma, un dal len latche laba, hoi penan lenge, hoi te krenn le.

Debleskri gili 109:27

Muk len te dikell, te kreh tu kowa, te well kowa lauter tutar.

Debleskri gili 147:19

O Jakobeskre menshen mukell lo peskro lab te shunell; un ap i Israelitarja penell lo, hoi lo lendar kamell, un dell len peskre tchatchepaskre laba.

Debleskri gili 45:1

I bijabeskri gili jekestar, kai hi dran i familja Korach. Koi gili hi o rajeske pral i gipangre, te giwell pash o bashepen ap i shob-dorjengri bashepaskri.

Debleskri gili 80:18

Rike tiro wast pral koleste, kai hi beshdo ap tiri tchatchi rig, pral ko mursheste, koles tu soreles kral.

Gosewe laba 3:6

Rike tut ap o baro Debleste, hoi tu ninna kreh! Un job krell tiro drom tchatcho glan tute.

Jesaja 50:2

Hoske wom me, un kek mensho his koi, dom gole, un kek das pes glan? Hi miri mussi gar lengsto doha, te nai lap tumen gar dran o pandepen win? Hi an mande kek soor, te nai lap gar jekes win dran o wawareskro wast? Dikenn, te tchingrau me ap o baro pani, palle well lo truk i darjatar, un lengste panja wenn har o mulo them. I matchen an lende hi buder gar doha pani, un merenn i trushatar un khandenn palle.

Jesaja 59:1

Dik, o baro Debleskri mussi hi lengsto doha, te nai lell lo tumen dran o tchilatchepen win! Un leskre kanda hi gar pandlo, te nai shunell lo gar.

Jeremia 8:8

Har nai penenn tumer: ‘Mer ham gosewo. Men hi o baro Debleskro lab pash mende.’ Chochepen hi kowa lauter, hoi kol sikepangre dran kowa krenna.

Mateo 13:52

“Tumer dikenn,” penas lo, “hako tchatchepaskro, koon djinell o phuro biboldengro tchatchepen, un ap mande patslo was, kowa haiwell kanna o newo un o phuro koowa pral o Debleste, un nai penell kowa i menshenge.”

Mateo 23:2

un penas: I biboldengre tchatchepangre un i Farisarja, kolen hi o Moseskro wast, te penenn le i menshenge o Debleskro lab.

Mateo 28:20

Penenn lenge, te rikrenn le ap lauter, hoi me tumenge penom! Tchatchepah, me hom pash tumende hako diwes jaake rah, har i phub koi hi.”

1. Korintarja 1:20

Hoi nai penah mer pral kol gosewe menshende? Un hoi nai penah pral kolende, kai hi tchinepangre un rakepangre ap kai phub? Jon prindjrenn o Debles gar. Doleske hi lengro goswepen an o Debleskre jaka dinlepen.

1. Korintarja 15:1

Mire phrala, ma bistrenn o latcho lab o Jesusestar, hoi me tumenge penom! Tumer lan ko lab pre, un tumer djiwenn pal kowa.

5. Mose 28:1

Kau diwes penau tumenge o baro Debleskre tsele laba, pal kolende hunte djiwenn. Shunenn ap tumaro baro Debleste, un krenn pal kal laba! Palle krell tumendar tumaro baro Dewel i natsjona, hoi budeder an-diklo hi har i tsele wawar natsjone ap i phub.

5. Mose 4:5

Dikenn, me sikrom tumende, hoi o baro Dewel tumendar kamella, leskre tsele tchatchepaskre laba, jaake har miro baro Dewel mange penas, te krenn tumer an o them, an kowa tumer wenna un les tumenge dren lenna.