Esra 7:27 - O Debleskro Drom 2021 (Sinte)

²⁷ Sharedo well o baro Dewel, ko Dewel mare phurendar! Job hi kowa, kai tchiwas sau koowa an o rajeskro dji, te nai well o baro Debleskro kheer an o foro Jerusalem jaake railo un shukar!

O Debleskro Lab 2024 (Sinte-Manouche)

²⁷ Sharedo vell o baro Devel, ko Devel mare phourendar! Yob hi kova, kay čivas sau koova an o rayeskro dji, te nay vell o baro Debleskro kheer an o foro Yerusalem yaake raylo oun shoukar!

Esra 7:27 ပူးပေါင်းရင်းမြစ်များ

2. Familjakro liil 31:8

Un har o Hiskija un i pralstune koi djan, un dikan, har bud khetne was, sharan le o baro Debles un leskre menshen Israel.

Esra 6:22

Un jon lauter rikran kol bare diwessa, kai chan le efta diwessa maro, kai kek shutlo jarro dren hi. Halauterenge his i gipaskro tsiro. O baro Dewel das len bachtele djia un kras, te dikas o rai pral o them Assur kamles ap lende. Jaake wan lengre wasta soreles, te nai kran le o kheer o Israeleskro Debleske.

Nehemia 2:12

krom man rati pre, lom dui, triin murshen mantsa, un penom kek mensheske, hoi miro Dewel mange an o dji tchiwas, te krap me o foreske Jerusalem. Un his kek grai pash mande, har ko jek ap koleste me klissom.

Nehemia 2:8

Un muk ninna i liil te tchinell ap o Asaf, ko pralstuno pral o rajeskre wesha, te dell lo man kasht, te nai krap wudja o sorelo khereske, hoi pash o Debleskro kheer tardo hi, un ninna kasht, te tchiwap i massuri trul o foro pale pre, un kasht ko khereske, an koleste me palle djiwau.” Un o baro rai das kowa lauter. Miro Debleskro latcho wast his mantsa.

Nehemia 7:5

Un miro Dewel das man an o dji, te dom khetne gole i pralstunen un tchatchepangre murshen, un lauter, kai kote djiwan, te wenn lengre laba pre tchinlo, hakeno pash peskri familja. Un me hatsom o familjakro liil kolendar, kai i glanstune his, kai pale wan. An ko liil his tchinlo:

2. Mose 8:9

Un o baro Dewel kras jaake, har o Mose lestar mangas. Un i djambe meran an i khera un glan i khera un ap lengri hachetikri phub.

Gosewe laba 21:1

O baro rajeskro dji hi har i lengsto pani an o baro Debleskro wast, hoi mukell lo kote te nashell, kai job kamell.

Jesaja 60:13

Kutch kasht dran o shukar weesh ap i berge Libanon well pash tute anlo, te well miro kheer shukar kerdo. Un jaake sikrau, har railo kai platsa hi, kai tardo hom.

Louka 7:5

Job hi menge latches un kras menge i kheer, kai mangah o Debles an.”

2. Korintarja 8:16

Me parkrau man pash o Debleste, te das job maro phrales, o Tites, i baro dji tumenge.

Filiparja 4:10

Me homs o djijestar bachtelo, un parkrom man pash maro rajeste, o Jesuseste, har dikom, kai tumer bistran man gar, un bitchran man kowa, hoi man hunte well djipaske. Ninna te kaman tumer kowa i rah tsiro mange te krell, djas kowa gar.

Hebrearja 10:16

Ap ko tsiro, hoi wella, penell o Dewel, sikrau me i menshende i newo drom, har nai wenn le pash mande: Me tchiwau miro tchatchepen an lengre shere un tchinau mire laba an lengre djia.

Hebrearja 8:10

Ap ko tsiro, hoi wella, penell o Dewel, rakrau pale lentsa, un anau len ap o newo drom. Me tchiwau miro tchatchepen an lengre shere, un tchinau mire laba an lengre djia. Un me hom lengro Dewel, un jon hi mire menshe.

Jakobo 1:17

Lauter, hoi hi mishto un latcho, wella o Deblestar an o bolepen. Job kras o kham un o tchon un i bolepangre momlia. Kolla krenn, te well diwes un rat, un jon wenn jek tsiro diklo un i wawar tsiro gar diklo. O Dewel hi gar jaake. Job atchell, har job hi.

Debleskro tsiro 17:17

Kowa das len o Dewel an lengre djia, te krenn jon, hoi job kamella. Doleske rikrenn le lauter khetne, un denn pengri soor ko viecheste. Kowa djala lauter jaake rah, bis te was lauter jaake, har o Dewel penas.