Esra 7:15 - O Debleskro Drom 2021 (Sinte)

¹⁵ Tu aneh lenge rup un sonakai, hoi tut o baro rai un peskre gosewe mursha tuha denna, te dess kowa o Debleste pral o them Israel, koleskro kheer an Jerusalem hi.

O Debleskro Lab 2024 (Sinte-Manouche)

¹⁵ Tou aneh lenge roup oun sonakay, hoy tout o baro ray oun peskre goseve morsha touha denna, te dess kova o Debleste pral o them Israel, koleskro kheer an Yerusalem hi.

Esra 7:15 ပူးပေါင်းရင်းမြစ်များ

1. Familjakro liil 29:6

Har shunan kol laba i pralstune pral i bare familjende un pral i deesh-te-dui khera o Jakobeskre tchawendar, ninna i pralstune pral i lurdende, kolla pral jek sero un kolla pral jek sheel, un kol pralstune pral ko tselo koowa, hoi o baro rajeske his,

2. Familjakro liil 2:6

Doleske mangau tut, bitche mange i murshes i latcho wasteha, kai haiwell shukar koowa te krell dran o sonakai, rup, lolo saster un wawar saster, lole thaba, blauete thaba un thaba, hoi hi lolo har jag. Ninna hunte haiwell lo te dell shukar koowa win tchurje dran kasht un wawar koowa. Kowa te krell lo khetne kol murshentsa, kai haiwenn pen mishto ap koi budi, un kai pash mande hi an o them Juda un an o foro Jerusalem, kolen miro dad, o David, mange das, te krenn le koi budi.

2. Familjakro liil 32:23

Bud menshe anan tchomone o baro Debleske an o foro Jerusalem un shukar un kutch koowa o baro rajeske an Juda, o Hiskija. Kau tsirestar his lo bares an-diklo kol menshendar an i tsele wawar themma.

2. Familjakro liil 6:2

Un me mukom tuke kau railo kheer te krell, te djiwess koi dren un nai atcheh hako tsireske.

2. Familjakro liil 6:6

Kanna rodom mange Jerusalem win, te wap kote an-mangedo. Un me rodom mange o Davides win, te well job o rai pral mire menshende Israel.’

Esra 1:6

Un halauter, kai trul lende trujel djiwan, kran lengre wasta soreles un dan len rup, sonakai, wawar latcho un kutch koowa un vieche, ninna wawar koowa, hoi jon len dran pengro kamlepen dan.

Esra 6:12

Un ko Dewel, kai o Jerusalem win rodas, te well lo kote an-mangedo, job mu te phagell hako baro rajes un hako them, kai rikrell pes gar ap kau lab, hoi penom, un hadell peskro wast, te phagell lo ko Debleskro kheer tele an Jerusalem. Me, o Darius, penom kau lab un mukom les pre te tchinell, te rikrell pes hakeno ap leste!

Esra 6:4

un well dran djudje dine barra jaake kerdo, te wenn triin barra jek ap o wawar tchiddo, un koi pral kasht, un palle pale triin barra jek ap o wawar, un koi pral kasht, un jaake dureder. Un i lowe koleske lautereske nai well dran o baro rajeskro kheer lino.

Esra 7:14

O baro rai un leskre efta gosewe mursha bitchrenn tut, te djas an o them Juda un an o foro Jerusalem, te dikess, har rikrenn pen i menshe kote ap tiro Debleskro lab, hoi an tiro wast hi.

Esra 8:25

Kolen dom ko tselo rup un ko tselo sonakai un kol tsele kutch kotja an o wast, hoi wan dino o Debleskre khereske, kowa lauter, hoi das o baro rai un leskre tchatchepangre un kol pralstune un i tsele Israelitarja, kitse kai le his, an o them Persia.

Debleskri gili 135:21

Sharedo well o baro Dewel ap i berga Zion! An o foro Jerusalem hi lo khere. Halleluja!

Debleskri gili 26:8

Me kamau o kheer, kai tu djiweh, miro tselo djijestar, un koi platsa, kai tiro railepen diklo wella.

Debleskri gili 72:10

I bare raja, kai djiwenn an o foro Tarsis un an i panjeskre themma, kolla anenn leske kutch koowa. Ninna i bare raja pral i forja Saba un Seba bitchrenn leske shukar koowa.

Debleskri gili 76:11

Te hadenn pen chojede menshe pral tute, maro Debleste, well diklo, har baro tu hal. Un kowa, hoi pral atchell lengri choljatar, hi tuke har i shukar ripen, hoi riweh.

Debleskri gili 76:2

An o them Juda prindjrell hakeno o Debles, an o tselo them Israel hi lo prindjedo.

Debleskri gili 9:11

Doleske rikrenn kolla ap tute, kai tiro lab prindjrenna. Koon tut, o baro Debles, rodella, koles mukeh tu gar kokres.