Esra 7:12 - O Debleskro Drom 2021 (Sinte)

¹² Me, o Artaxerxes, o rai pral i tsele raja, penau ap o Esra, ko rashai un sikepaskro i labendar ko Deblestar, kai an o bolepen hi. Bud bacht tuke!

O Debleskro Lab 2024 (Sinte-Manouche)

¹² Me, o Artaxerxes, o ray pral i tsele raya, penau ap o Esra, ko rashay oun sikepaskro i labendar ko Deblestar, kay an o bolepen hi. Boud barht touke!

Esra 7:12 ပူးပေါင်းရင်းမြစ်များ

1. Rajengro liil 20:1

Un o Ben-Hadad, ko baro rai pral o them Syria, tchiwas peskre tsele lurden khetne. Un 32 (trijanda-dui) wawar bare raja pengre lurdentsa his leha. Ninna his graja un kurepangre wurdja pash lende. Un lentsa halauterentsa djas job glan o foro Samaria. Un jon tchiwan pen trul o foro, un pandan o foro dren, te kurenn le pen o foreha.

Esra 1:2

Jaake rakrell o Kirus, ko rai pral o them Persia: O baro Dewel an o bolepen das man i tsele themma ap kai phub. Un job penas mange, te krap leske i kheer an o foro Jerusalem an o them Juda.

Esra 4:17

Koi bitchras lenge o rai pral o them Babilonia kau liil un mukas lenge te penell: Tuke Rehum, ko pralstuneske un tuke Shimshai, ko tchinepaskro, un tumenge wawarenge halauterenge an o foro Samaria un kol wawarenge halauterenge ap i wawar rig o panjestar Eufrat: Bacht tumentsa!

Esra 7:1

Pal kau koowa, an ko tsiro, kai o Artaxerxes o baro rai pral o them Persia his, djiwas an o them Babilonia i biboldo, koleskro lab Esra his. Leskro dad his o Seraja, koleskro dad o Asarja, koleskro dad o Hilkija,

Esra 7:11

Un o rai Artaxerxes mukas i liil te tchinell, te dell lo les o rashajeste, o Esra. Kowa his i sikepaskro un prindjras mishto o Debleskre laba un djinas, hoi o baro Dewel peskre menshendar, o Israel, kamell. An ko liil his kal laba tardo:

Esra 7:6

Kau mursh Esra djas win dran o them Babilonia, te djal lo an o foro Jerusalem. Job his i sikepaskro, un djinas kol laba mishto, hoi an o Moseskre lila tchinlo hi. Kol laba das o baro Dewel peskre menshende Israel. Un har o Esra gomme an Babilonia his, rikras o baro Dewel peskre wasta pral leste, un kras, te das o baro rai o Esraes halauter, hoi job lestar mangas.

Jesaja 10:8

Job penas: “Tchatchepah, mire tsele pralstune lurden hi jaake bud penepaske har bare raja.

Ezekiel 26:7

Kawa penell o baro Dewel, maro rai: Me mukau o Nebukadnezar, ko baro rai dran o them Babilonia, ko sorleder i tsele rajendar, pral tute, Tirus, te well fun kotar, kai norden hi. Un khetne leha wenn graja, wurdja o kurepaske, klissepangre un bud bud lurde.

Daniel 2:37

Tu miro baro rai, hal o bareder i tsele rajendar. O bolepaskro Dewel kras, te wal baro rai, das tut soor un kras tut bares.

Daniel 2:47

Un o baro rai penas ap o Daniel: “Tchatchepah tumaro Dewel hi o Dewel pral i tsele debla, un o rai pral i tsele bare raja ap kai phub. Job sikrell kowa, hoi khatedo his un kek djinas. Jaake nai penal tu menge, hoi koi suni kamas te penell.”

1. Timoteo 6:15

Job wella ap o tchatcho tsiro. Ko tsiro djinell o Dewel. Koles sharah mer! Job kokres hi o baro rai, un bareder un sorleder har lauter. Job hi ko baro rai pral i tsele rajende.

Debleskro tsiro 17:14

Un jon kurenn pen ko terno bakreha. Un o terno bakro hi sorleder har jon. Job hi o rai pral i tsele rajende, un o pralstuno pral i tsele pralstunende. Un pash leste hi kolla, kolen job gole das un win rodas, kolla, kai ap leste patsenna.”

Debleskro tsiro 19:16

Ap leskro ripen un ap leskri pralstuni heri hi i lab tchinlo, hoi kharella: o rai pral i rajende un o pralstuno pral i pralstunende.