Esra 7:1 - O Debleskro Drom 2021 (Sinte)

¹ Pal kau koowa, an ko tsiro, kai o Artaxerxes o baro rai pral o them Persia his, djiwas an o them Babilonia i biboldo, koleskro lab Esra his. Leskro dad his o Seraja, koleskro dad o Asarja, koleskro dad o Hilkija,

O Debleskro Lab 2024 (Sinte-Manouche)

¹ Pal kava koova, an ko tsiro, kay o Artaxerxes o baro ray pral o them Persia his, djivas an o them Babilonia i biboldo, koleskro lab Esra his. Leskro dad his o Seraya, koleskro dad o Asarya, koleskro dad o Hilkiya,

Esra 7:1 ပူးပေါင်းရင်းမြစ်များ

2. Rajengro liil 22:4

“Dja pral pash o baro rashajeste o Hilkija, te dikell lo palla, har bud kol lowe hi, hoi an o baro Debleskro kheer anlo was, hoi kol mursha, kai ap o wudar garda denna, i menshendar dren lan.

2. Rajengro liil 22:8

Har o Shafan kowa lauter o baro rashajeha Hilkija rakras, penas kowa ap leste: “Me hatsom i liil an o baro Debleskro kheer, kai menge o Debleskro drom siklo wella.” Un o Hilkija das ko liil o Shafaneste, un kowa draweras les.

2. Rajengro liil 25:18

Un o pralstuno lurdo las o pralstuno rashajes, o Seraja, pandlo, ninna ko rashajes Zefanja, kai was pal o Seraja, un ninna kol triin murshen, kai dan jak ap o wudar.

1. Familjakro liil 9:11

o Asarja, koleskro dad o Hilkija hi, koleskro dad o Meshullam hi, koleskro dad o Zadok hi, koleskro dad o Merajot hi, koleskro dad o Ahitub hi, ko pralstuno pral o Debleskro kheer,

2. Familjakro liil 34:15

Un o Hilkija penas ap o tchinepaskro, o Shafan: “Me hatsom i liil an o baro Debleskro kheer, kai menge o Debleskro drom siklo wella.” Un o Hilkija das ko liil o Shafaneste.

2. Familjakro liil 34:9

Un jon wan pash o pralstuno rashai, o Hilkija. Un lenge was kol tsele lowe dino, hoi an o Debleskro kheer anlo was, un hoi lan i Levitarja dren, kai ap o wudar garda dan, kol menshendar dran o them Manasse un Efrajim un kolendar, kai an Israel pral atchan, ninna kolendar dran o tselo them Juda un Benjamin, un kolendar, kai an o foro Jerusalem djiwan.

Esra 4:7

Un an ko tsiro, har o Artaxerxes o baro rai his, tchinan o Bishlam, o Mitredat, o Tabeel un lengre mala i tchilatcho liil o rajeske pral o them Persia. Ko liil his tchinlo an o aramtikro tchinepen un an o aramtikro rakepen.

Esra 6:14

Un o phureder i biboldendar kran pengri budi ap o Debleskro kheer dureder. Un i budi djas mishto, jaake har penan kowa o Debleskre rakepangre, o Haggai un o Sacharja, koleskro dad o Iddo his. Un jon tchiwan o kheer pre, un kran halauter jaake har les lenge o Israeleskro Dewel penas un pal i laba, kai penan i raja pral o them Persia, o Kirus, o Darius un o Artaxerxes.

Esra 7:10

O Esra tchiwas peskre djijeskre jaka ap o Debleskro drom, te haiwell lo les bud un budeder, un te djiwell lo pal o Debleskro lab, un te sikrell lo halauterenge an o them Israel, hoi o baro Dewel lendar kamell, un har nai djiwenn le pal leskro tchatchepen.

Esra 7:12

Me, o Artaxerxes, o rai pral i tsele raja, penau ap o Esra, ko rashai un sikepaskro i labendar ko Deblestar, kai an o bolepen hi. Bud bacht tuke!

Esra 7:2

koleskro dad o Shallum, koleskro dad o Zadok, koleskro dad o Ahitub,

Esra 7:21

Me, o rai Artaxerxes, penom ap halauterende, kai an o them wergel o panjestar Jordan ap i khera garda denn, kai miro brawlepen dren hi: Halauter, hoi mangell tumendar o Esra, ko rashai un sikepaskro kol labendar o bolepaskro Deblestar, kowa denn les sik;

Nehemia 11:11

o Seraja, koleskro dad o Hilkija his, koleskro dad o Meshullam his, koleskro dad o Zadok his, koleskro dad o Merajot his, koleskro dad o Ahitub his; job his o pralstuno pral o Debleskro kheer.

Nehemia 2:1

Un an ko tsiro, har his o Artaxerxes an o biishto bersh o baro rai, an o tchon Nisan, homs glan leste tardo. Pash o chapen lom me i mool un dom lat o baro rajeste. Mange his ropaske. Glan kowa dikas lo kek tsireske, kai miro dji rowas.

Nehemia 8:1

Un har o eftato tchon was, un i Israelitarja pale an pengre forja his, wan i tsele menshe khetne har jek mursh ap i platsa glan o Panjeskro Wudar. Un jon penan ap o Esra, te anell job o Moseskro liil, kai dren tardo hi, hoi o baro Dewel penas, hoi i Israelitarja hunte krenn un rikrenn. O Esra his i sikepaskro, kai prindjras mishto o Debleskro lab.