Esra 6:8 - O Debleskro Drom 2021 (Sinte)

⁸ Me mukau tumenge ninna te penell, hoi tumer lengre pralstunen hunte denn, te nai well o Debleskro kheer pale pre-tchiddo. Lenn dran o rajeskro brawlepen kol lowendar, hoi dren well pash tumende ap i wawar rig o panjestar Eufrat, un denn len jaake bud, hoi len hunte well, te hi len hako tsiro doha halauterestar.

O Debleskro Lab 2024 (Sinte-Manouche)

⁸ Me moukau t'menge ninna te penell, hoy t'mer lengre pralstunen hounte denn, te nay vell o Debleskro kheer pale pre-čiddo. Lenn dran o rayeskro bravlepen kol lovendar, hoy dren vell pash t'mende ap i vavar rig o panyestar Eufrat, oun denn len yaake boud, hoy len hounte vell, te hi len hako tsiro doha halauterestar.

Esra 6:8 ပူးပေါင်းရင်းမြစ်များ

Esra 4:16

Un kanna penah mer o baro rajeske, kai job buder tchi an peskro wast nai rikrella, hoi ap i wawar rig o panjestar Eufrat tchiddo hi, te well kau foro pale newes kerdo, un i massurja pale pre-tchiddo wenn.

Esra 4:23

Un ko liil o baro rajestar Artaxerxes was drawedo glan o Rehum un ko tchinepaskro, o Shimshai, un glan kol tsele wawar murshende, kai pash lende his. Koi djan le sik an o foro Jerusalem pash i bibolde, un rikran len sorjah pengri budjatar pale, jaake te nai budran le buder gar dureder.

Esra 5:5

Un o Debleskre jaka his pral i phureder an o them Juda, un jon nai budran dureder, bis i liil pash o Darius bitchedo was un i liil lestar pale pale was.

Esra 6:14

Un o phureder i biboldendar kran pengri budi ap o Debleskro kheer dureder. Un i budi djas mishto, jaake har penan kowa o Debleskre rakepangre, o Haggai un o Sacharja, koleskro dad o Iddo his. Un jon tchiwan o kheer pre, un kran halauter jaake har les lenge o Israeleskro Dewel penas un pal i laba, kai penan i raja pral o them Persia, o Kirus, o Darius un o Artaxerxes.

Esra 6:4

un well dran djudje dine barra jaake kerdo, te wenn triin barra jek ap o wawar tchiddo, un koi pral kasht, un palle pale triin barra jek ap o wawar, un koi pral kasht, un jaake dureder. Un i lowe koleske lautereske nai well dran o baro rajeskro kheer lino.

Esra 6:7

Mukenn o pralstunes i biboldendar un lengre phureden pengri budi te krell ap o Debleskro kheer, te nai tchiwenn le les kote pale pre, kai lo tardo his.

Esra 6:9

Denn len ninna hako diwes kol viechen, hoi len hunte well, te anenn le len o bolepaskro Debleske: terne gurma, bakre un terne bakre. Ninna djob, loon, mool un djet denn len jaake bud har penenn tumenge lengre rashaja an o foro Jerusalem. Denn jak, te well kowa lende jaake sik dino, te hunte mangenn le gar.

Esra 7:14

O baro rai un leskre efta gosewe mursha bitchrenn tut, te djas an o them Juda un an o foro Jerusalem, te dikess, har rikrenn pen i menshe kote ap tiro Debleskro lab, hoi an tiro wast hi.

Nehemia 11:23

O baro rai mukas lenge te penell koon lendar ap hawo diwes an o Debleskro kheer hunte giwell.

Nehemia 2:8

Un muk ninna i liil te tchinell ap o Asaf, ko pralstuno pral o rajeskre wesha, te dell lo man kasht, te nai krap wudja o sorelo khereske, hoi pash o Debleskro kheer tardo hi, un ninna kasht, te tchiwap i massuri trul o foro pale pre, un kasht ko khereske, an koleste me palle djiwau.” Un o baro rai das kowa lauter. Miro Debleskro latcho wast his mantsa.

Daniel 6:26

Palle mukas o baro rai Darius i liil te tchinell ap i menshende dran hako them un rakepen ap i phub: Bari bacht tumenge!

Haggai 2:8

Ko tselo rup, miro hi lo, ko tselo sonakai – halauter hi miro, penell o baro Dewel, ko rai pral o bolepen un i phub.