Esra 6:18 - O Debleskro Drom 2021 (Sinte)

¹⁸ Un jon tchiwan i rashajen un i Levitarjen an pengri budi dren an o Debleskro kheer an Jerusalem, un kran win, hawe rashaja hunte khetne budrenn, un hawe Levitarja hunte khetne budrenn. Lauter kran le jaake har tele tchinlo was an o Moseskre lila.

O Debleskro Lab 2024 (Sinte-Manouche)

¹⁸ Oun yon čivan i rashayen oun i Levitaryen an pengri boudi dren an o Debleskro kheer an Yerusalem, oun kran vin, have rashaya hounte khetne boudrenn, oun have Levitarya hounte khetne boudrenn. Lauter kran le yaake har tele činlo vas an o Moseskre lila.

Esra 6:18 ပူးပေါင်းရင်းမြစ်များ

1. Familjakro liil 24:1

Kolla hi i laba kol murshendar, kai his i pralstune pral i rashajende, kai hako kopo khetne budran an o baro Debleskro kheer. O Aroneskre tchawe his: o Nadab, o Abihu, o Eleasar un o Itamar.

1. Familjakro liil 24:24

dran i familja Usijel: o Micha; dran i familja Micha: o Shamir.

1. Familjakro liil 25:1

Un o David khetne i pralstunentsa pral i lurdende, rodas i gipangre un bashepangre win, te giwenn le Debleskre gilja, bashrenn ap dorjengre bashepangre, un denn ap sasterne patria. Kolla wan dran i khera Asaf, Heman un Jedutun.

2. Familjakro liil 35:10

Un jaake was halauter kerdo o chapaske Passa. Un i rashaja his ap pengre platse tardo, un i Levitarja his jaake khetne tardo, har le khetne budrenn, un har les o baro rai penas.

2. Familjakro liil 7:6

Un i rashaja kran pengri budi. Un i Levitarja his pashel tardo un bashran ap pengre dorjengre bashepangre, hoi kerdo his o baro Debleske. Kal bashepangre mukas o baro rai, o David glan i tsiro te krell, te sharenn le o baro Debles. Jon bashran un giwan koi Debleskri gili, hoi o David kras: “Leskro latchepen hi an hako tsiro menge koi.” Un i rashaja his ap i wawar rig tardo, un phurdan an i phurdepangre. Un i tsele Israelitarja his koi tardo.

4. Mose 3:6

“An kol menshen dran o kheer Levi kai! An len glan o rashajeste Aron, te wenn le leske koi.

4. Mose 3:9

Un tu aness kol Levitarjen pash o Aron un leskre tchawende. Kowa hi jaake, har te anans len i Israelitarja pash lende, te krans le kolengri budi.