Esra 6:16 - O Debleskro Drom 2021 (Sinte)

¹⁶ Un i Israelitarja, i rashaja, i Levitarja un kolla wawar, kai wan dran o pandepen pale pale, rikran kol bare diwessa i bachtele djijentsa, kai dan le o Debleskro newo kheer an leskre wasta.

O Debleskro Lab 2024 (Sinte-Manouche)

¹⁶ Oun i Israelitarya, i rashaya, i Levitarya oun kolla vavar, kay van dran o pandepen pale pale, rikran kol bare divessa i barhtele djiyentsa, kay dan le o Debleskro nevo kheer an leskre vasta.

Esra 6:16 ပူးပေါင်းရင်းမြစ်များ

1. Rajengro liil 8:62

Un o baro rai un i tsele Israelitarja anan viechen o baro Debleske.

1. Rajengro liil 8:63

Un o Salomo mukas 22.000 (biish-te-dui-serja) grumjen un 120.000 (sheel-te-biish-serja) bakre te marell, te chan le len khetne glan o baro Debleste. Jaake dan le o kheer o baro Debleste, te well les leskro kheer. Kowa kras o rai Salomo khetne i tsele Israelitarja.

1. Familjakro liil 15:28

Jaake anan i tsele Israelitarja o mochton o baro Debleskre deesh labentsa pral an Jerusalem. Jon dan gole i bachtjatar, giwan un bashran ap phurdepangre, dorjengre bashepangre un wawar bashepangre.

1. Familjakro liil 9:2

Un mank kol erste menshe, kai pale wan, un pale an pengro them un pengre forja djiwan, his Israelitarja, rashaja, Levitarja un sawe, kai budran an o Debleskro kheer.

2. Familjakro liil 29:30

Un o Hiskija un i pralstune penan ap i Levitarja, te sharenn le o baro Debles kol giljentsa, hoi kras o David un o dikepaskro, o Asaf. Un jon giwan bachteles, un witsran pen ap i phub un mangan o baro Debles an.

2. Familjakro liil 30:23

Pal kol diwessa kran le win, te atchenn le wawar efta diwessa khetne. Un ninna an kal efta diwessa chan un pijan le un his bachteles khetne.

2. Familjakro liil 30:26

Jaake his bud bachtelo gipen un sapen an o foro Jerusalem. Jaake rah har o Davideskro tchawo, o Salomo, o baro rai pral Israel his, was sawo koowa buder gar diklo an o foro Jerusalem.

2. Familjakro liil 7:5

Un o baro rai Salomo mukas 22.000 (biish-te-dui-serja) grumjen un 120.000 (sheel-te-biish-serja) bakre te marell. Jaake dan le o kheer o baro Debleste, te well les leskro kheer. Kowa kras o baro rai Salomo khetne i tsele Israelitarja.

Esra 4:1

I wawar menshe an o them, kolla, kai kaman gar i bibolden dran i khera Juda un Benjamin, jon shunan, te krenn kolla, kai wan pale pale dran o them Babilonia, i newo kheer o baro Debleske, kai o Israeleskro Dewel hi.

Esra 6:22

Un jon lauter rikran kol bare diwessa, kai chan le efta diwessa maro, kai kek shutlo jarro dren hi. Halauterenge his i gipaskro tsiro. O baro Dewel das len bachtele djia un kras, te dikas o rai pral o them Assur kamles ap lende. Jaake wan lengre wasta soreles, te nai kran le o kheer o Israeleskro Debleske.

Nehemia 12:27

Un har i massuri trul o foro Jerusalem kerdo was, kran le i baro festo, un mukan i Levitarjen gole te dell dran lengre tsele gaba, te denn jon i massuri an o Debleskro wast un parkrenn pen pash leste bachtele djijentsa, un giwenn un bashrenn leske ap sasterne patria, hoi wenn khetne dino, un ap dorjengre bashepangre, hoi kharenna Harfe un Laute.

Nehemia 12:43

Un ap ko diwes anan le bud viechen o Debleske. Un jon giwan un khelan i bachtjatar. O Dewel kras, te wan lengre djia bachtelo un san. Un ninna i djuwja un i tchawe dan gole i bachtjatar. Un koi bari bachteli gole an o foro Jerusalem was shunlo fun dural.

Nehemia 8:10

Un job penas pale ap lende: “Djan koi un chan thullo chapen un pijenn gudlo pipen! Un bitchrenn kolestar ninna kolenge, kai kran pen kek chapen! Kau diwes hi i baro diwes o Debleske, maro rajeske. Mukenn tumenge o dji gar phares te well! Na-a, mukenn tumare djia giwenn o baro Debleske! Palle han sorelo.”

Debleskri gili 122:1

I gili o Davidestar te giwell ap o drom an Jerusalem. Miro dji giwas, har jon penan: Mer djah pash o baro Debleskro kheer.

Daniel 5:13

Un o Daniel was glan o baro rajeste anlo. Un o baro rai putchas lestar: “Hal tu o Daniel, jek kolendar, kai o baro rai, miro dad, pandles dran o them Juda peha anas?

Johanni 10:22

His wend. Un i bibolde an o foro Jerusalem kran i baro chapen, te bistrenn le gar ko diwes, har o Debleskro baro kheer newes kerdo was.

5. Mose 12:7

Un tumer un tumare familje chan i chapen kote glan tumaro baro Debleste, un awenn bachtelo pral halauter, hoi tumenge khetne anan, ap koleste tumaro baro Dewel peskri bacht tchiwas.

Filiparja 4:4

Awenn bachtelo hako tsiro! Tumari bacht well o Jesusestar, maro rajestar. Awa, awenn bachtelo!