Esra 6:12 - O Debleskro Drom 2021 (Sinte)

¹² Un ko Dewel, kai o Jerusalem win rodas, te well lo kote an-mangedo, job mu te phagell hako baro rajes un hako them, kai rikrell pes gar ap kau lab, hoi penom, un hadell peskro wast, te phagell lo ko Debleskro kheer tele an Jerusalem. Me, o Darius, penom kau lab un mukom les pre te tchinell, te rikrell pes hakeno ap leste!

O Debleskro Lab 2024 (Sinte-Manouche)

¹² Oun ko Devel, kay o Yerusalem vin rodas, te vell lo kote an-mangedo, yob mou te phagell hako baro rayes oun hako them, kay rikrell pes gar ap kava lab, hoy penom, oun hadell peskro vast, te phagell lo ko Debleskro kheer tele an Yerusalem. Me, o Darius, penom kava lab oun moukom les pre te činell, te rikrell pes hakeno ap leste!

Esra 6:12 ပူးပေါင်းရင်းမြစ်များ

1. Rajengro liil 9:3

Un o baro Dewel penas leske: Me shunom, har man an-mangal, un har mandar mangal, te dikap latches ap tute. Jaake rodom kau kheer mange win, hoi tu kral, te djiwap kote hako tsiro. Me dau garda koi pre. Kote krau miro dji tumenge pre.

2. Familjakro liil 7:16

Me rodom kau kheer win, te well lo miro kheer, te wap kote an-mangedo hako tsiro. Un me dau garda koi pre. Kote krau miro dji tumenge pre an i tsele diwessa.

Esra 6:13

Kote kras o Tattenai, ko pralstuno pral o them ap i wawar rig o panjestar Eufrat, un o Shetar-Bosnai un kol mursha, kai pash lende his, pal hako lab, hoi lenge o rai Darius penas.

Esra 6:14

Un o phureder i biboldendar kran pengri budi ap o Debleskro kheer dureder. Un i budi djas mishto, jaake har penan kowa o Debleskre rakepangre, o Haggai un o Sacharja, koleskro dad o Iddo his. Un jon tchiwan o kheer pre, un kran halauter jaake har les lenge o Israeleskro Dewel penas un pal i laba, kai penan i raja pral o them Persia, o Kirus, o Darius un o Artaxerxes.

Esra 7:15

Tu aneh lenge rup un sonakai, hoi tut o baro rai un peskre gosewe mursha tuha denna, te dess kowa o Debleste pral o them Israel, koleskro kheer an Jerusalem hi.

Esra 7:17

Halauter kowa le un gin goswepah kol lowentsa gurma, bakre, terne bakre; koi pashel djob un mool o Debleske; te nai well kowa lauter chatchedo ap i chatchepaskri an o kheer tumaro Deblestar an Jerusalem.

Esra 7:26

Hakeno, kai dell gar jak ap o lab tiro Deblestar un rikrell pes gar ap o lab o rajestar, kowa lell peskri phagi: nai well, te well lo maredo, pale-tchiddo, hunte plaissrell lowe, oder well an o stilepen.

Ester 8:14

Un kol bitchepangre i lilentsa klissan sik win ap o rajeskre graja, jaake har o baro rai penas. Un ko tchinlo lab was ninna an o baro rajeskro kheer an o foro Susa ap i kasht dino, te well lo prindjedo.

Debleskri gili 5:10

Ap lengro lab nai dell jek tchi. An lende hi tchilatchepen. Lengro rakepen anell o merepen. Jon rakrenn dui tchipjentsa.

2. Mose 20:24

Hi mange doha, te krenn mange i chatchepaskri dran phub! Koi pre anenn mange kol marede bakren un grumjen, hoi chatchrenn tseles mange, ninna kolen, hoi mange marenn, te chan tumer lengro mass khetne glan mande. Kote, kai kamau, te mangenn man an, kote wau me pash tumende un dau tumen miri bacht un miri soor.

Sikepaskro 9:10

Halauter, hoi tuke glan o wast well, te kress, kowa kre o tselo djijestar! Pash i mulende, kai tu ninna hunte djas, kote well buder tchi kerdo. Un kek krell peske kote i shero, hoi nai krell lo, har nai djinell lo tchomone, un har nai well lo gosewo.

Jesaja 60:12

Kol themma, kolengre menshe kamenn gar tuke te budrell, wenn paash stakedo, un lengre menshe maredo, te atchell tchi lendar pral.

Obadja 1:10

Tu kral djungelo koowa ap tiro phraleste, o Jakobeste! Doleske well i ladj ap tute, un tu wess jaake khetne stakedo, te stess buder gar pre!

Bičepangre 9:5

Penas lo: “Rai, koon hal tu?” Kowa penas: “Me hom o Jesus, koles, kai tu palla leh.

5. Mose 12:11

Palle hi wawartchandes har kanna: Palle anenn kowa, hoi denn o baro Debleste, ap koi platsa, hoi job peske win rodas, te well lo kote an-mangedo. Kote anenn lauter, hoi me tumenge penau: kol viechen, hoi kamenn leske te marell, sawe, hoi wenn leske tseles chatchedo un sawe, hoi chan khetne. Kote anenn ninna o deshto kotar kolestar, hoi dren anan, un ko wawar koowa, hoi glan tchinlo hi, un kowa hoi denna jaake har tumen sowel dan.

5. Mose 12:5

Mangenn o baro Debles ap i platsa an, hoi job peske win rodell mashkral an o them Israel, te djiwell lo kote. Kote djan, te mangenn les an.

5. Mose 16:2

Djan ap koi platsa, hoi tumaro baro Dewel peske win rodell, te well job kote an-mangedo. Un kote marenn leske i viecho, nai well i bakro, i busni oder i grumni, hoi chan pash o chapen, hoi well Passa kharedo.