Esra 6:10 - O Debleskro Drom 2021 (Sinte)

¹⁰ Palle nai chatchrenn le kol viechen jaake o bolepaskro Debleske, te dikell lo latches ap lende, un jon nai mangenn lestar latchepen mange, miro djipen un koleske mire tchawendar.

O Debleskro Lab 2024 (Sinte-Manouche)

¹⁰ Palle nay rhačrenn le kol firhen yaake o bolepaskro Debleske, te dikell lo lačes ap lende, oun yon nay mangenn lestar lačepen mange, miro djipen oun koleske mire čavendar.

Esra 6:10 ပူးပေါင်းရင်းမြစ်များ

1. Mose 8:21

Un o baro Dewel sungas ko latcho sungepen un penas ap peste: “Me dau man sowel, te anau buder gar hawi bari bibacht pral i phub doleske, hoi i menshe krenna. Djinau, o mensheskro dji hi tchilatcho fun tiknes pre. Me kamau buder gar o tselo djipen ap i phub te marell, jaake har krom.

Esra 1:2

Jaake rakrell o Kirus, ko rai pral o them Persia: O baro Dewel an o bolepen das man i tsele themma ap kai phub. Un job penas mange, te krap leske i kheer an o foro Jerusalem an o them Juda.

Esra 6:9

Denn len ninna hako diwes kol viechen, hoi len hunte well, te anenn le len o bolepaskro Debleske: terne gurma, bakre un terne bakre. Ninna djob, loon, mool un djet denn len jaake bud har penenn tumenge lengre rashaja an o foro Jerusalem. Denn jak, te well kowa lende jaake sik dino, te hunte mangenn le gar.

Esra 7:23

Halauter, hoi o bolepaskro Dewel penas, te well an leskro kheer, kowa hunte well leste jaake dino, har lo penas, te well leskri choli gar pral o rajeste, leskre tchawende un leskro them.

2. Mose 12:32

Lenn tumare bakre un busja un tumare grumja, jaake har tumer kaman! Un djan un mangenn tumaro baro Debles, te well lo mange latches.”

Jeremia 29:7

Rodenn koi pal, te djal mishto o foreske, kai mukom tumen te anell. Un mangenn ko foreske mandar latchepen! Te djal o foreske mishto, djal tumenge ninna mishto.

Daniel 2:46

Kote mukas pes o baro rai Nebukadnezar ap i phub te perell, glan o Daniel, un penas, te chatchrenn le leske chapen un sungepaskro koowa.

3. Mose 1:9

I buke un i herja hunte wan thodo. Kowa krell ko mursh, kai anas ko vieches. Un o rashai mukell halauter ap i chatchepaskri pre te chatchrell. Jaake hunte well i viecho anlo glan o Debleste, hoi well leske tseles chatchedo. Un o latcho sungepen, hoi well win, sungell mishto o baro Debleske.

Efesarja 5:2

un djiwenn an o kamlepen, jaake har o Jesus Kristo peskro kamlepen mende sikras, har job menge meras. Un jaake das lo peskro djipen o Debleske. Un o Dewel dikas latches ap leste.