Esra 6:1 - O Debleskro Drom 2021 (Sinte)

¹ Kote mukas o rai Darius te penell, te wenn i familjakre lila rodedo an i khera, kai o brawlepen un i phure lila tchiddo hi an o them Babilonia.

O Debleskro Lab 2024 (Sinte-Manouche)

¹ Kote moukas o ray Darius te penell, te venn i familyakre lila rodedo an i khera, kay o bravlepen oun i phoure lila čiddo hi an o them Babilonia.

Esra 6:1 ပူးပေါင်းရင်းမြစ်များ

Esra 4:15

Muk pal te dikell an i familjakre lila tire phurendar, palle hatseh un dikeh, kai kau foro pes pre hadas, un pral wawar rajende un themma doosh anas. Ninna an i phure tsirja hadan pen i menshe an kau foro pre. Doleske was kau foro ninna khetne maredo, un kek bar atchas ap o wawar.

Esra 4:19

Un har me les penom, was pal diklo, un halauter hi tchatchepen, hoi tumer mange tchinan, kai hadas pes ko foro pale te pale an o phuro tsiro un anas tchingepen i tsele rajenge, un peras tele lengre rajentsa.

Esra 5:17

Un kanna, maro baro rai, te hi tuke mishto, palle muk an tiro kheer pal te dikell, kote kai tiro brawlepen un i phure familjakre lila hi, te hi tchatcho, kai mukas o baro rai Kirus te penell, te well o Debleskro kheer an o foro Jerusalem pale pre-tchiddo. Un ab jaake kamles un muk men te djinell, hoi tu pral kowa peneh.

Esra 6:22

Un jon lauter rikran kol bare diwessa, kai chan le efta diwessa maro, kai kek shutlo jarro dren hi. Halauterenge his i gipaskro tsiro. O baro Dewel das len bachtele djia un kras, te dikas o rai pral o them Assur kamles ap lende. Jaake wan lengre wasta soreles, te nai kran le o kheer o Israeleskro Debleske.

Esra 7:13

Un kanna well mandar penlo, kai halauter kolla, kai dran o them Israel an miro them wan, ninna lengre rashaja un Levitarja, jon te kamenn tuha te djal an o foro Jerusalem, palle nai djan le.

Hiob 29:16

O tchorweleske homs me har i dad, un lom koleskro koowa an o wast, kai i wi-themari his.

Debleskri gili 40:7

Kol viechen un ko chapen, hoi i menshe tuke anenna, kameh tu gar. Tu dal man kanda, te haiwap, hoi kameh: kek viechen, hoi i menshe tuke chatchrenna, witar kek, hoi marenn le, te less tu lengri doosh lendar krik.

Gosewe laba 25:2

O Dewel well sharedo koleske, hoi job khatedo rikrell. O baro rai well sharedo koleske, hoi job pre tchakrell.

Jeremia 36:29

Pral o Jojakim mukess te tchinell: Kawa penell o baro Dewel: Tu chatchral ko ersto liil un penal ap o Jeremia: Hoske mukal pre te tchinell, kai well i baro rai dran Babilonia, un krell kau them paash, un tradell i menshen un i viechen win?

Jeremia 36:32

Koi las o Jeremia i newo liil un das les o Baruches, ko tchinepaskres, koleskro dad o Nerija his. Un o Baruch tchinas kol tsele laba pre, hoi o Jeremia leske glan penas, kol laba, hoi an o ersto liil tardo his, hoi o Jojakim, ko baro rai pral Juda an i jag witsras. Un bud wawar laba, hoi jaake har kolla his, wan koi pashel tchinlo.

Ezekiel 2:9

Un me dikom i wast, hoi his win rikedo ap mande. Un an ko wast his i liil, hoi khetne lino his.

Ezekiel 3:1

Un job penas ap mande: Tu, mensho, cha kowa, hoi glan tute hi! Cha kau liil, un dja pash i menshende Israel, un rake ap lende!

Daniel 9:25

Kanna dikess un haiwess: Har ko lab penlo was, te well o Jerusalem pale newes kerdo bis pash ko tsiro, kai well i rai o Deblestar bitchedo, djan efta kope efta bersha trujel. Un pal efta kope 62 (shob-deesh-te-dui) bersha hi lo pale newes kerdo peskre dromentsa un sorele kherentsa, ninna te hi kowa an i pharo tsiro bud kurepah.

Debleskro tsiro 5:1

Un me dikom i liil an o tchatcho wast kolestar, kai ap o rajeskro beshepaskro beshdo hi. Ap ko liil his dren un win tchomone tchinlo. Un ko liil his khetne pandlo efta dorjentsa.