Esra 5:6 - O Debleskro Drom 2021 (Sinte)

⁶ Kawa hi ko tele tchinlo liil, hoi was bitchedo ap o rajeste Darius. Kau liil mukas o Tattenai te tchinell khetne o mursheha Shetar-Bosnai un lengre malentsa, kol tchatchepangre an o them, kai ap i wawar rig o panjestar Eufrat his.

O Debleskro Lab 2024 (Sinte-Manouche)

⁶ Kava hi ko tele činlo liil, hoy vas bičedo ap o rayeste Darius. Kava liil moukas o Tattenay te činell khetne o morsheha Shetar-Bosnay oun lengre malentsa, kol čačepangre an o them, kay ap i vavar rig o panyestar Eufrat his.

Esra 5:6 ပူးပေါင်းရင်းမြစ်များ

Esra 4:11

Un kal laba his tardo an ko liil: Ap o baro rajeste Artaxerxes, i murshendar ap i wawar rig o panjestar Eufrat. Mer ham tire budepangre,

Esra 4:23

Un ko liil o baro rajestar Artaxerxes was drawedo glan o Rehum un ko tchinepaskro, o Shimshai, un glan kol tsele wawar murshende, kai pash lende his. Koi djan le sik an o foro Jerusalem pash i bibolde, un rikran len sorjah pengri budjatar pale, jaake te nai budran le buder gar dureder.

Esra 4:9

Mer, o pralstuno Rehum un o tchinepaskro, o Shimshai, un kolla wawar halauter, i tchatchepangre mursha, i bare lurde, i tchinepangre, un i wawar pralstune, un i mursha dran Erech, dran Babilon, un dran Susa, kolla hi i Elamarja,

Esra 5:3

An ko tsiro wan mursha pash lende: o Tattenai, ko his o pralstuno pral o them ap i wawar rig o panjestar Eufrat, un o Shetar-Bosnai un lengre mala un penan: “Koon penas tumenge, te tchiwenn kau kheer pale pre un te krenn kal massurja pale newo?”

Esra 5:7

Kalla hi i laba, hoi jon leske tchinan: O baro rajeske Darius bud bacht!

Esra 6:6

Ap o Tattenai, ko pralstuneste pral o them ap i wawar rig o panjestar Eufrat, un ap o Shetar-Bosnai, un tumare tsele malenge, kol tchatchepangre mursha, penau me: Rikrenn tumen pale kau kowestar!

Esra 8:36

Un jon anan ko liil, hoi o baro rai dran o them Babilonia len lentsa das, pash i pralstunende un i themeskre rajende wergel o panjestar Eufrat. Un kolla wan i Israelenge ap i rig, un dikan ninna, te well o Debleskro kheer pale pre-tchiddo.