Esra 5:5 - O Debleskro Drom 2021 (Sinte)

⁵ Un o Debleskre jaka his pral i phureder an o them Juda, un jon nai budran dureder, bis i liil pash o Darius bitchedo was un i liil lestar pale pale was.

O Debleskro Lab 2024 (Sinte-Manouche)

⁵ Oun o Debleskre yaka his pral i phoureder an o them Youda, oun yon nay boudran doureder, bis i liil pash o Darius bičedo vas oun i liil lestar pale pale vas.

Esra 5:5 ပူးပေါင်းရင်းမြစ်များ

2. Familjakro liil 16:9

O baro Debleskre jaka dikenn an i tsele themma, te dell lo soor kolenge, kai rikrenn pen pengro tselo djijeha ap leste. Tu rikral tut dineles an kau koowa. Doleske well fun kau tsiro kurepen pral tute.”

Esra 7:28

O Dewel kras, te dikas o rai un leskre gosewe un pralstune mursha latches ap mande. Un o baro Debleskro wast his pral mande un kras man soreles, un nai anom bud murshen khetne, kai his pralstune pral pengre familje, te djan le lauter mantsa pre an maro them.

Esra 7:6

Kau mursh Esra djas win dran o them Babilonia, te djal lo an o foro Jerusalem. Job his i sikepaskro, un djinas kol laba mishto, hoi an o Moseskre lila tchinlo hi. Kol laba das o baro Dewel peskre menshende Israel. Un har o Esra gomme an Babilonia his, rikras o baro Dewel peskre wasta pral leste, un kras, te das o baro rai o Esraes halauter, hoi job lestar mangas.

Esra 8:22

Kamom gar o rajestar klissepangre te mangell, kai denn jak ap mende un kurenn pen menge, te wenn tchilatche menshe pral mende. Ladjom man te mangap kowa lestar. Glan i tikno tsiro penam leske: O wast maro Deblestar hi kamlepah pral kolende, kai les rodenn, un leskri soreli choli well pral kolende, kai kamenn lestar tchi te djinell.

Debleskri gili 32:8

“Me kamau tute te sikrell hawo drom tu hunte djas, un penau tuke, har tu les djas, un dau jak ap tute,” penell o baro Dewel.

Debleskri gili 33:18

Kowa hi o baro Dewel, kai dell garda ap kolende, kai djiwenn leha, kolla, kai dikenn ap leste, te well lo lenge latcho,

Debleskri gili 34:15

Rikrenn tumen pale dran o tchilatchepen un krenn o latchepen! Tumari tseli sorjah krenn lauter, te well kek tchingepen mank tumende!

Debleskri gili 76:10

har o Dewel pre stas, te rakrell lo o tchatchepen win, un te well lo halauterenge ap i rig, kai tikno rikedo wan ap kai phub.

Filiparja 1:28

Ma darenn kolendar, kai kamenn gar o Jesus Kristes, un kai chan pen ap tumende! Te han sorelo an o patsepen tardo, sikrell kowa lende, te djan jon nashedo, un te lenn tumer o djipen an o bolepen, hoi wella o Deblestar.

1. Petro 3:12

O Dewel, maro rai, dikell latches ap koleste, kai djiwell pal o tchatchepen. Un te mangell job o Debles, shunell lo les. Ap kolende, kai djiwenn an o tchilatchepen, dikell o Dewel gar latches.