Esra 5:16 - O Debleskro Drom 2021 (Sinte)

¹⁶ Kote was o Sheshbazar un tchiwas i telstune barra pre o Debleskro khereske kate an Jerusalem. Jaake rah budrah ap o Debleskro kheer, un kowa hi gomme gar tseles kerdo.”

O Debleskro Lab 2024 (Sinte-Manouche)

¹⁶ Kote vas o Sheshbazar oun čivas i telstoune barra pre o Debleskro khereske kate an Yerusalem. Yaake rah boudrah ap o Debleskro kheer, oun kova hi gomme gar tseles kerdo.”

Esra 5:16 ပူးပေါင်းရင်းမြစ်များ

Esra 3:10

Un har tchiwan i budepangre i telstune barra pre o baro Debleskro khereske, his i rashaja koi tardo an pengre rashajengre ripja un phurdan an pengre phurdepangre. Un i Levitarja, kolengro phuro dad o Asaf his, kolen his pengre bashepangre, hoi kharenn Zimbale, ninna pashel, te nai sharenn le o baro Debles, jaake har o David, ko baro rai pral Israel kowa penas.

Esra 3:8

An o duito bersh har jon pale wan an o foro Jerusalem, un an o duito tchon, kran pen i Israelitarja ap i budi, te tchiwenn le o Debleskro kheer pale pre. O Serubbabel, koleskro dad o Shealtijel his, un o Jeshua, koleskro dad o Jozadak his, un lengre wawar phrala, kolla his i rashaja un i Levitarja, un halauter, kai wan dran pengro pandepen pale an o foro Jerusalem budran khetne ap o Debleskro kheer. Un jon rodan i Levitarjen win, kai biish bersh un phureder his, te denn le jak ap koi tseli budi an o baro Debleskro kheer.

Esra 5:14

Ninna kol sonakangre un rupene kotja, hoi tchoras o Nebukadnezar dran o Debleskro kheer an Jerusalem, un mukas len an peskro debleskro kheer te anell an o them Babilonia, kolen las o baro rai Kirus pale win, un das halauter ko mursheste Sheshbazar. Koles tchiwas lo pral o them Juda,

Esra 5:15

un penas ap leste: ‘Le kal tsele kotja tuha, un dja an o foro Jerusalem, un an len kote an o Debleskro kheer! Un o Debleskro kheer hunte well pre-tchiddo kote, kai lo tardo his.’

Esra 5:2

Kote kran pen ap i budi o Serubbabel, koleskro dad o Shealtijel his, un o Jeshua, koleskro dad o Jozadak his. Un jon budran dureder ap o Debleskro kheer an Jerusalem. Un lentsa khetne budran o Debleskre rakepangre un dan len soor.

Esra 6:15

Un koi tseli budi was kerdo ap o triinto diwes an o tchon Adar. Kowa his, har o Darius an o shobto bersh o baro rai his.

Haggai 2:18

Kau diwes hi o 24. (biish-te-starto) diwes an o enjato tchon. Kau diwes tchiwan tumer i telstune barra miro khereske jek ap o wawar. Kanna denn garda, har tumenge kau diwesseha djala!

Zakarie 4:10

Job penas: “Kolla hi kol dui wi-rodede mursha, kolen o rai pral i tseli phub o djeteha dren makas, te krenn le leskri budi.”

Zakarie 4:9

Un job putchas: “Djineh gar, hoi kolla hi?” Me penom: “Na-a, miro rai.”

Johanni 2:20

Penan jon: “An star-deesh-te-shob (46) bersha kran le o Debleskro baro kheer. Un tu kameh kowa te krell an triin diwessa?”