Esra 5:14 - O Debleskro Drom 2021 (Sinte)

¹⁴ Ninna kol sonakangre un rupene kotja, hoi tchoras o Nebukadnezar dran o Debleskro kheer an Jerusalem, un mukas len an peskro debleskro kheer te anell an o them Babilonia, kolen las o baro rai Kirus pale win, un das halauter ko mursheste Sheshbazar. Koles tchiwas lo pral o them Juda,

O Debleskro Lab 2024 (Sinte-Manouche)

¹⁴ Ninna kol sonakangre oun roupene kotya, hoy čoras o Neboukadnezar dran o Debleskro kheer an Yerusalem, oun moukas len an peskro debleskro kheer te anell an o them Babilonia, kolen las o baro ray Cyrus pale vin, oun das halauter ko morsheste Sheshbazar. Koles čivas lo pral o them Youda,

Esra 5:14 ပူးပေါင်းရင်းမြစ်များ

2. Familjakro liil 36:18

Un o tselo koowa dran o Debleskro kheer, bare un tikne koola, ninna ko kutch koowa dran o baro Debleskro kheer un o brawlepen o baro rajestar un kol pralstunendar an o them, halauter mukas o Nebukadnezar an o foro Babilon te anell.

2. Familjakro liil 36:7

Ninna ko kutch kowestar dran o baro Debleskro kheer mukas o Nebukadnezar an o foro Babilon te anell, un tchiwas kowa kote an peskro debleskro kheer.

Esra 5:15

un penas ap leste: ‘Le kal tsele kotja tuha, un dja an o foro Jerusalem, un an len kote an o Debleskro kheer! Un o Debleskro kheer hunte well pre-tchiddo kote, kai lo tardo his.’

Esra 5:16

Kote was o Sheshbazar un tchiwas i telstune barra pre o Debleskro khereske kate an Jerusalem. Jaake rah budrah ap o Debleskro kheer, un kowa hi gomme gar tseles kerdo.”

Esra 6:5

Ninna hunte wenn pale pale dino kol tsele sonakangre un rupene kotja, hoi an o Debleskro kheer an Jerusalem tardo his, kolla kai mukas o Nebukadnezar krik te anell an o them Babilonia. Halauter hunte well pale anlo an o Debleskro kheer an Jerusalem, un kote pre-tchiddo, kai lo tardo his an o Debleskro kheer.

Esra 7:27

Sharedo well o baro Dewel, ko Dewel mare phurendar! Job hi kowa, kai tchiwas sau koowa an o rajeskro dji, te nai well o baro Debleskro kheer an o foro Jerusalem jaake railo un shukar!

Gosewe laba 21:1

O baro rajeskro dji hi har i lengsto pani an o baro Debleskro wast, hoi mukell lo kote te nashell, kai job kamell.

Jeremia 52:19

Ninna kowa, hoi dran sonakai un rup kerdo his, las ko pralstuno, o Nebusaradan, peha: khore, tchare, an kolende o sungepaskro koowa chatchedo well, bare tchare, pirja, momelengre, roja un tikne tchare.

Haggai 1:1

An o duito bersh, har o Darius o baro rai his, ap o ersto diwes an o shobto tchon, penas o baro Dewel laba ap peskro rakepaskro, o Haggai, te penell job kal laba dureder ap o Serubbabel, koleskro dad o Shealtijel his, un ap o Jeshua, koleskro dad o Jozadak his. O Serubbabel his o pralstuno pral o them Juda, un o Jeshua his o baro rashai.

Haggai 1:14

Un o baro Dewel tchiwas lenge an o dji, te budrenn le ap o baro Debleskro kheer. Un jaake was o Serubbabel, ko pralstuno pral o them Juda, koleskro dad o Shealtijel his, un o Jeshua, ko rashai, koleskro dad o Jozadak his, un kol tsele menshe, kai gar pandles krik anlo wan, te budrenn le ap o kheer o baro Deblestar, ko rajestar pral o bolepen un i phub.

Haggai 2:2

Pen ap o Serubbabel, ko pralstuneste pral o them Juda, koleskro dad o Shealtijel hi, un ap o baro rashajeste, o Jeshua, koleskro dad o Jozadak hi, un ap i tsele menshende, kai pral atchan an o them:

Haggai 2:21

Pen ap o Serubbabel, ko pralstuneste pral o them Juda: Me krau, te trissell o bolepen un i phub.

Bičepangre 13:12

Har ko pralstuno kowa dikas, was job patslo, un kras bare jaka pral kowa, hoi job pral o rai Jesuseste shunas.