Esra 5:12 - O Debleskro Drom 2021 (Sinte)

¹² Mare phure choiran o bolepaskro Debles; un palle das lo len an o wast o baro rajestar dran o them Babilonia. Kowa his o Nebukadnezar, ko Kaldeari. Job mukas kau kheer khetne te phagell, un anas i menshen, kai kate djiwan, an o them Babilonia.

O Debleskro Lab 2024 (Sinte-Manouche)

¹² Mare phoure rhoyran o bolepaskro Debles; oun palle das lo len an o vast o baro rayestar dran o them Babilonia. Kova his o Neboukadnezar, ko Kaldeari. Yob moukas kava kheer khetne te phagell, oun anas i menshen, kay kate djivan, an o them Babilonia.

Esra 5:12 ပူးပေါင်းရင်းမြစ်များ

2. Rajengro liil 24:2

Un o baro Dewel mukas bud lurden pral leste te well, kai trujel djan un randan an o them Juda. Kolla wan dran i themma Babilonia, Syria, Moab, un Ammon, un kran o them paash. Kowa was jaake, har o baro Dewel rakras ap peskre rakepangre, kai leske koi his, un har jon kowa i menshenge dureder penan.

2. Rajengro liil 25:1

Har o Zedekja an o enjato bersh baro rai his, was o baro rai pral o them Babilonia, o Nebukadnezar, peskre tsele lurdentsa pre glan o foro Jerusalem. Kowa his ap o deshto diwes an o deshto tchon. Un job tchiwas peskre lurden trul o tselo foro, un mukas tchik pre te witsrell trul o foro, te krell lo i drom, hoi djal pral ap o foreskri massuri.

2. Familjakro liil 36:20

Un kolen, kai gar o chareha maredo wan, anas lo pandles an o them Babilonia. Un jon hunte budran leske un leskre tchawenge, bis ko tsiro was, kai i Persarja i bare raja wan.

Debleskri gili 106:40

Kote choiras pes o baro Dewel ap peskre menshende, un nai dikas len buder gar glan peskre jaka.

Jesaja 47:6

Me homs chojedo pral mire menshende, un tchiwom len pale mandar, har te wans le buder gar mire, un dom len an tiro wast. Un tut his kek dji lenge. Ninna ap i phurende tchiwal tu tiro pharo wast un dal len phari budi.

Jeremia 5:29

Mukap me len kowa te krell un penap tchi koi pre, penell o baro Dewel. Dap me sawe menshen kek phagi?

Jeremia 51:59

Kal tsele laba, kai penenn, hawi bibacht pral o foro Babilon well, tchinas o Debleskro rakepaskro, o Jeremia, an i liil. Kau liil das lo i mursheste, kowa kharas Seraja. Leskro dad his o Nerija, koleskro dad his o Machseja. Kowa his an ko tsiro, har o Zedekja an o starto bersh baro rai pral o them Juda his, un an o foro Babilon djas. O Seraja djas leha. Un an leskro wast his, te dikell lo, kai lauter mishto djas ap o drom.

Jeremia 52:12

O baro rajes pral o them Babilonia, o Nebukadnezar, his i baro lurdo, koles bud penepaske his. Koleskro lab his Nebusaradan. Job his o pralstuno pral i lurdende. Har his o Nebukadnezar an o deesh-te-enjato bersh o baro rai pral o them Babilonia, koi was o Nebusaradan ap o deshto diwes an o pantchto tchon an o foro Jerusalem.

Daniel 9:5

Mer anam bari doosh ap mende, kram, hoi gar mishto hi, atcham gar tuha un mukam tiro drom. Mer djiwam gar pal tire laba un pal tiro tchatchepen.

5. Mose 31:17

Palle chatchell miri choli pre pral lende, un me mukau len, un wau lenge buder gar ap i rig. Bud djungelo pharo koowa pherdo duka un daar well pral lende. Un jon penenn palle ap ko diwes: ‘Kowa lauter well pral mende doleske, kai maro Dewel buder gar pash mende hi.’

5. Mose 32:30

Har nai las jek lurdo i sero (1.000) Israelitarjen palla? Har nai tradan dui lurde deesh-serja (10.000) Israelitarjen jaake, te nashan le penge i darjatar? Kowa was, har o baro Dewel, lengro rikepaskro, len an kolengre wasta das.

Čačepangre 2:14

Kote tapras o baro Debles i bari choli pral i Israelitarja. Un job das len an o wast kolendar, kai len wi-tchorenn. Un ninna mukas lo len an i wasta kol menshendar te perell, kai trul lende djiwenn un lenge o djipen phares kran. Jaake his i Israelitarja buder gar soreles doha, te denn le kolen pale, kai ap lende djan.

Čačepangre 4:2

Un o baro Dewel das len an o wast o baro rajestar Jabin. Kowa his o baro rai pral o them Kanaan un djiwas an o foro Hazor. Un leskro pralstuno lurdo kharas Sisera. Un kowa djiwas an o foro Haroshet-Gojim.

Čačepangre 6:1

Un i Israelitarja kran, hoi tchilatches hi glan o baro Debleskre jaka. Doleske das o baro Dewel len efta bersha an o wast kol menshendar, kai kharenna Midianarja.