Esra 4:8 - O Debleskro Drom 2021 (Sinte)

⁸ Ninna o pralstuno Rehum un o Shimshai, kai haiwas lila te tchinell, kolla dui tchinan i fullo liil pral Jerusalem, un bitchran les pash o baro rajeste Artaxerxes. An ko liil his tardo:

O Debleskro Lab 2024 (Sinte-Manouche)

⁸ Ninna o pralstouno Rehoum oun o Shimshay, kay hayvas lila te činell, kolla douy činan i foullo liil pral Yerusalem, oun bičran les pash o baro rayeste Artaxerxes. An ko liil his tardo:

Esra 4:8 ပူးပေါင်းရင်းမြစ်များ

2. Samuel 20:25

O Shewa his o tchinepaskro, kai tchinas i lila. O Zadok un o Abjatar his rashaja.

2. Samuel 8:17

O Zadok, koleskro dad o Ahitub hi, un o Ahimelech, koleskro dad o Abjatar hi, his rashaja. O Seraja his kowa, kai tchinas i lila.

2. Rajengro liil 18:18

Kote mukan le o baro rajes te kharell. Un o Hiskija bitchras pash lende triin murshen: o pralstunes pral peskro kheer, o Eljakim, leskro dad hi o Hilkija, un o Shebna, kowa kai tchinell i lila, un o moskro Joach, koleskro dad o Asaf hi.

Esra 4:17

Koi bitchras lenge o rai pral o them Babilonia kau liil un mukas lenge te penell: Tuke Rehum, ko pralstuneske un tuke Shimshai, ko tchinepaskro, un tumenge wawarenge halauterenge an o foro Samaria un kol wawarenge halauterenge ap i wawar rig o panjestar Eufrat: Bacht tumentsa!

Esra 4:7

Un an ko tsiro, har o Artaxerxes o baro rai his, tchinan o Bishlam, o Mitredat, o Tabeel un lengre mala i tchilatcho liil o rajeske pral o them Persia. Ko liil his tchinlo an o aramtikro tchinepen un an o aramtikro rakepen.

Esra 4:9

Mer, o pralstuno Rehum un o tchinepaskro, o Shimshai, un kolla wawar halauter, i tchatchepangre mursha, i bare lurde, i tchinepangre, un i wawar pralstune, un i mursha dran Erech, dran Babilon, un dran Susa, kolla hi i Elamarja,