Esra 4:7 - O Debleskro Drom 2021 (Sinte)

⁷ Un an ko tsiro, har o Artaxerxes o baro rai his, tchinan o Bishlam, o Mitredat, o Tabeel un lengre mala i tchilatcho liil o rajeske pral o them Persia. Ko liil his tchinlo an o aramtikro tchinepen un an o aramtikro rakepen.

O Debleskro Lab 2024 (Sinte-Manouche)

⁷ Oun an ko tsiro, har o Artaxerxes o baro ray his, činan o Bishlam, o Mitredat, o Tabeel oun lengre mala i čilačo liil o rayeske pral o them Persia. Ko liil his činlo an o aramtikro činepen oun an o aramtikro rakepen.

Esra 4:7 ပူးပေါင်းရင်းမြစ်များ

2. Rajengro liil 18:26

Kote penas o Eljakim, koleskro dad o Hilkija hi, un o Shebna un o Joach ap ko pralstuneste, kai pash lende bitchedo was: “Mo rai, rake mentsa aramtikes! Mer nai haiwah ko rakepen. Un ma rake mentsa hebretikes, te shunenn kowa i menshe gar, kai kate ap i massuri tarde hi.”

Esra 4:1

I wawar menshe an o them, kolla, kai kaman gar i bibolden dran i khera Juda un Benjamin, jon shunan, te krenn kolla, kai wan pale pale dran o them Babilonia, i newo kheer o baro Debleske, kai o Israeleskro Dewel hi.

Esra 4:17

Koi bitchras lenge o rai pral o them Babilonia kau liil un mukas lenge te penell: Tuke Rehum, ko pralstuneske un tuke Shimshai, ko tchinepaskro, un tumenge wawarenge halauterenge an o foro Samaria un kol wawarenge halauterenge ap i wawar rig o panjestar Eufrat: Bacht tumentsa!

Esra 4:8

Ninna o pralstuno Rehum un o Shimshai, kai haiwas lila te tchinell, kolla dui tchinan i fullo liil pral Jerusalem, un bitchran les pash o baro rajeste Artaxerxes. An ko liil his tardo:

Esra 4:9

Mer, o pralstuno Rehum un o tchinepaskro, o Shimshai, un kolla wawar halauter, i tchatchepangre mursha, i bare lurde, i tchinepangre, un i wawar pralstune, un i mursha dran Erech, dran Babilon, un dran Susa, kolla hi i Elamarja,

Esra 5:6

Kawa hi ko tele tchinlo liil, hoi was bitchedo ap o rajeste Darius. Kau liil mukas o Tattenai te tchinell khetne o mursheha Shetar-Bosnai un lengre malentsa, kol tchatchepangre an o them, kai ap i wawar rig o panjestar Eufrat his.

Esra 7:1

Pal kau koowa, an ko tsiro, kai o Artaxerxes o baro rai pral o them Persia his, djiwas an o them Babilonia i biboldo, koleskro lab Esra his. Leskro dad his o Seraja, koleskro dad o Asarja, koleskro dad o Hilkija,

Esra 8:36

Un jon anan ko liil, hoi o baro rai dran o them Babilonia len lentsa das, pash i pralstunende un i themeskre rajende wergel o panjestar Eufrat. Un kolla wan i Israelenge ap i rig, un dikan ninna, te well o Debleskro kheer pale pre-tchiddo.

Nehemia 2:1

Un an ko tsiro, har his o Artaxerxes an o biishto bersh o baro rai, an o tchon Nisan, homs glan leste tardo. Pash o chapen lom me i mool un dom lat o baro rajeste. Mange his ropaske. Glan kowa dikas lo kek tsireske, kai miro dji rowas.

Jesaja 36:11

Kote penas o Eljakim un o Shebna un o Joach ap ko pralstuneste, kai pash lende bitchedo was: “Mo rai, rake mentsa aramtikes! Mer nai haiwah ko rakepen. Un ma rake mentsa hebretikes, te shunenn kowa i menshe gar, kai kate ap i massuri tarde hi.”

Daniel 11:2

Un job penas dureder: Un kanna penau, hoi tchatchepah wella an ko tsiro hoi wella. Shun, triin bare raja stenn pre jek pal o wawar an o them Persia. Pal lende well i starto, kai well brawleder har i tsele wawar. Un ko brawlepen krell les soreles. Un te hi les palle bud penepaske, krell lo wawaren diwjo, te djan le khetne leha an o kurepen o grichtikro themeha.

Daniel 2:4

Kote rakran i durkepangre an aramtikes ap leste un penan: “Maro baro rai, te djiwess hako tsiro! Pen tiri suni ap mende, tire budepangre! Un mer kamah tuke te penell, hoi koi suni kamell te penell.”