Esra 4:4 - O Debleskro Drom 2021 (Sinte)

⁴ Kote kran kol wawar menshe, kai djiwan ninna an o them, i biboldenge o djipen phares. Un jon kaman len daar te krell, te budrenn le buder gar dureder ap o Debleskro kheer.

O Debleskro Lab 2024 (Sinte-Manouche)

⁴ Kote kran kol vavar menshe, kay djivan ninna an o them, i biboldenge o djipen phares. Oun yon kaman len daar te krell, te boudrenn le bouder gar doureder ap o Debleskro kheer.

Esra 4:4 ပူးပေါင်းရင်းမြစ်များ

2. Samuel 4:1

Har shunas o Sauleskro tchawo, o Ish-Boshet, kai o Abner an o foro Hebron maredo was, peras leskro dji an peskre cholopja, un ap o tselo Israel was traash.

Esra 3:3

Un ninna te hi len daar i wawar menshendar an o them, tchiwan le i sasterni chatchepaskri pre ap peskri phuri platsa, un anan kote viechen o baro Debleske, un chatchran len koi pre. Kowa kran le taissarlake un ratsjake.

Esra 4:5

Un jon dan kolende lowe, kai budran o baro rajeske, te rikrenn jon kowa pre, hoi i bibolde penge glan lan. Kowa kran le jaake rah, har o Kirus o baro rai pral o them Persia his, un gomme an ko tsiro, kai o Darius o baro rai pral o them Persia his.

Nehemia 4:11

kai ap i massuri budran. Un kolla kai i tchik krik hidjrenn, budran jaake: Koi jek wasteha budran le, un an o wawar wast rikran le pengro witsepaskro tchuri.

Nehemia 4:2

Un jon tchiwan pen khetne, te djan le ap o foro Jerusalem, un te krenn le i menshen kote jaake diwjo, te djinell kek buder, hoi te krell lo.

Nehemia 6:9

Jon lauter kaman menge daar te krell, te budras gar dureder, te well i massuri gar kerdo. Doleske krom mire wasta sorleder.

Jeremia 38:4

Kote rakran kol pralstune o baro rajeha un penan: Muk kau murshes, o Jeremia te marell; jaake har job rakrella, lell lo i soor kol lurdendar krik, kai kate pash mende pral atchan an kau foro. Un jaake djal ninna i tsele menshenge an kau foro. Kau mursh rodell gar, hoi i menshenge mishto hi. Na-a, job anell len an i bibacht.

Daniel 10:13

Un o bolepaskro, kai rai hi pral o them Persia tchiwas pes mange an o drom 21 (biish-te-jek) diwessa. Un jek kol glanstunendar mank i bolepangre, o Michael, was ap miri rig, har homs kote pash i rajende pral o them Persia.

Daniel 10:20

Kote penas lo mange: “Haiwal tu, hoske me pash tute wom? Me kamau tute te sikrell, hoi an ko liil tchinlo hi, kai o Debleskro tchatchepen dren tardo hi. Pal kowa hunte kurap man o bolepaskreha, kai hi o rai pral o them Persia, un palle koleha, kai hi o rai pral o grichtikro them. Un kek hi koi, kai well ap miri rig an o kurepen lentsa, kokres o bolepaskro Michael, kai tumare menshenge koi hi.