Esra 4:2 - O Debleskro Drom 2021 (Sinte)

² Koi djan le pash o Serubbabel un pash i familjengre pralstunende un penan: “Mer kamah tumentsa o Debleske i kheer te krell. Mer mangah ninna tumaro Debles an, un maram leske viechen, jaake rah har o baro rai pral o them Assur, o Asarhaddon, men halauter kate an kau them mukas te anell.”

O Debleskro Lab 2024 (Sinte-Manouche)

² Koy djan le pash o Zorobabel oun pash i familyengre pralstunende oun penan: “Mer kamah t'mentsa o Debleske i kheer te krell. Mer mangah ninna t'maro Debles an, oun maram leske firhen, yaake rah har o baro ray pral o them Assour, o Asarhaddon, men halauter kate an kava them moukas te anell.”

Esra 4:2 ပူးပေါင်းရင်းမြစ်များ

1. Mose 10:11

Kotar djas job an o them Assur un kras i forja Ninive, Rechobot-Ir, Kelach

2. Rajengro liil 17:24

Har i Israelitarja dran o them Samaria krik anlo wan, mukas o baro rai pral o them Assur menshen dran wawar forja te well, te djiwenn le kote. Kolla wan dran i forja Babilon, Kuta, Awa, Hamat un Sefarwajim, un djiwan kanna an kol forja an o them Samaria. Un jaake lan le kau them dren.

2. Rajengro liil 17:41

Un kal menshe, kai wan dran wawar forja, mangan o baro Debles an, un mangan ninna pengre deblen an. Un ninna lengre tchawe un tchawengre tchawe krenn jaake har lengre phure kran bis ap kau diwes.

2. Rajengro liil 19:37

Un har lo an-mangas an o kheer leskro deblestar, o Nisroch, dan les leskre tchawe, o Adrammelech un o Sharezer, mulo o chareha. Un jon nashan penge krik an o them Ararat. Un leskro tchawo Asarhaddon was baro rai pal leste.

Esra 1:5

Kote kran le pen ap o drom, te tchiwenn le o baro Debleskro kheer pale pre an o foro Jerusalem. Kolla, kai djan, his i pralstune pengre familjendar dran Juda un Benjamin, ninna i rashaja un i Levitarja, halauter kolla, kolenge o Dewel o dji pre kras, te djan le kote.

Esra 2:2

Jon wan khetne kol murshentsa: O Serubbabel, o Jeshua, o Nehemja, o Seraja, o Reelaja, o Mordokai, o Bilshan, o Misperet, o Bigwai, o Rehum un o Baana. Kolla hi i laba kol familjendar, kai wan pale an Israel un kitse mursha an lende his:

Esra 3:12

Bud i phure rashajendar, i Levitarendar un i familjengre pralstunendar djinan, har o baro Debleskro phuro kheer win dikas. Kolla rowan soreles, har jon kanna dikan, har i telstune barra kau newo khereske tchiddo wan. Wawar dan gole i bachtjatar, jaake his, kai nai wan le dur shunlo.

Esra 3:2

Un o Jeshua, koleskro dad o Jozadak his, kras pes ap i budi khetne peskre phralentsa, kol rashajentsa, un o mursheha Serubbabel, koleskro dad o Shealtijel his, un leskre phralentsa. Un jon kran i newi sasterni chatchepaskri, te nai chatchrenn le viechen koi pre o Israeleskro Debleske, jaake har tchinlo hi an o liil o Debleskro murshestar, o Mosestar.

Nehemia 9:32

Maro Dewel, har baro hal tu, jaake sorelo, te daras mer tutar. Tu pandal tiro dji ap mende, un rikreh tiro lab, hoi dal tut sowel. Kanna mangah tut, ma biste koi tseli bibacht, hoi pral mende was, pral mare bare rajende un mare pralstunende, pral i rashajende un o Debleskre rakepangre, pral mare phurende un men lauterende, an ko tselo tsiro, har wan i bare raja dran o them Assur pral mende bis ap kau diwes.

Debleskri gili 73:8

Lenge hi tchi moldo. Jon rakrenn pral lauter tchilatches. Bare labentsa rikrenn le i menshen tele.

Jesaja 37:37

Un o Sanherib, ko baro rai pral o them Assur, mukas i plachtene khera tele te phagell, un djas peskre lurdentsa pale pale, un atchas an o foro Ninive.

Jesaja 37:38

Un har lo an-mangas an o kheer leskro deblestar, o Nisroch, dan les leskre tchawe, o Adrammelech un o Sharezer, mulo o chareha. Un jon nashan penge krik an o them Ararat. Un leskro tchawo Asarhaddon was baro rai pal leste.

Hosea 14:3

Lenn kal laba tumentsa, un awenn pale pash o baro Debleste, un penenn leske: Le mari tseli doosh mendar krik, un shun maro mangepen! Palle kamah tut te sharell mare tchipjentsa.

Galatarja 2:4

His wawar mursha koi. Jon kran, har te wans le patsle. Jon kaman te dikell, har kol patsle djiwenna, kai buder gar ap o Moseskre laba pandlo hi. Mer, kai ham buder gar pandlo ap kol laba, djiwah kanna pal o Jesuseskre laba. Un kol mursha, kai djiwenn gar pal o Jesuseskre laba, kaman, te was mer pale pandlo ap o Moseskre laba.

2. Timoteo 3:8

Glan rah tsiro shunan o Jannes un o Jambres gar ap o Moseste. Jaake shunenn kol menshe witar gar ap o tchatchepen. Jon hi nasselo an o shero, un lengro patsepen hi tchi moldo.