Esra 4:1 - O Debleskro Drom 2021 (Sinte)

¹ I wawar menshe an o them, kolla, kai kaman gar i bibolden dran i khera Juda un Benjamin, jon shunan, te krenn kolla, kai wan pale pale dran o them Babilonia, i newo kheer o baro Debleske, kai o Israeleskro Dewel hi.

O Debleskro Lab 2024 (Sinte-Manouche)

¹ I vavar menshe an o them, kolla, kay kaman gar i bibolden dran i khera Youda oun Benyamin, yon shounan, te krenn kolla, kay van pale pale dran o them Babilonia, i nevo kheer o baro Debleske, kay o Israeleskro Devel hi.

Esra 4:1 ပူးပေါင်းရင်းမြစ်များ

Esra 1:11

Kol tsele koola dran sonakai un rup his khetne 5.400 (pantch-serja-star-sheel). Halauter anas o Sheshbazar pral an o foro Jerusalem. Un pash leste his kol tsele menshe, kai wan krik anlo an o them Babilonia, un djan kanna leha pale an o foro Jerusalem.

Esra 10:16

Kolla wawar halauter, kai wan win dran o pandepen an o them Babilonia, rikran pen ap kowa, hoi le penan. Un o rashai Esra kharas dran haki bari familja lengro pralstunes peskro labeha. Un tchiwas kol pralstunen ap i rig, te dell lo kau koowa an lengre wasta. Un kolla beshan pen khetne ap o ersto diwes an o deshto tchon, te dikenn le, hoi kerdo hunte wals pash hako mursheste,

Esra 10:7

Un an o them Juda un an o foro Jerusalem was win kharedo halauterenge, kai pandle his an o them Babilonia: “Awenn khetne an o foro Jerusalem.

Esra 3:13

Un kek djinas, hoi sorleder hi, koi gole i bachtjatar oder ko sorelo ropen; i menshe dan jaake bares gole, te was kowa dur shunlo.

Esra 6:16

Un i Israelitarja, i rashaja, i Levitarja un kolla wawar, kai wan dran o pandepen pale pale, rikran kol bare diwessa i bachtele djijentsa, kai dan le o Debleskro newo kheer an leskre wasta.

Esra 7:9

Ap o ersto diwes an o ersto tchon kran le pen ap o drom, un ap o ersto diwes an o pantchto tchon wan le an o foro Jerusalem. O Debleskro kamlo wast his pral leste.

Daniel 5:13

Un o Daniel was glan o baro rajeste anlo. Un o baro rai putchas lestar: “Hal tu o Daniel, jek kolendar, kai o baro rai, miro dad, pandles dran o them Juda peha anas?

Daniel 9:25

Kanna dikess un haiwess: Har ko lab penlo was, te well o Jerusalem pale newes kerdo bis pash ko tsiro, kai well i rai o Deblestar bitchedo, djan efta kope efta bersha trujel. Un pal efta kope 62 (shob-deesh-te-dui) bersha hi lo pale newes kerdo peskre dromentsa un sorele kherentsa, ninna te hi kowa an i pharo tsiro bud kurepah.

1. Korintarja 16:9

Kate nai budrau me mishto o Debleske, ninna te hi kate bud menshe, kai krenn mange miri budi phares.