Esra 3:9 - O Debleskro Drom 2021 (Sinte)

⁹ Un o Jeshua un leskre mursh tchawe un leskre phrala, o Kadmijel, o Binnui un o Hodawja his khetne koi tardo, te nai sikrenn le kol budepangren ap o Debleskro kheer, har koi budi hunte kerdo wella. Koi pashel his ninna kol Levitarja, kolengro phuro dad o Henadad his.

O Debleskro Lab 2024 (Sinte-Manouche)

⁹ Oun o Yeshoua oun leskre morsh čave oun leskre phrala, o Kadmiel, o Binnouy oun o Hodavya his khetne koy tardo, te nay sikrenn le kol boudepangren ap o Debleskro kheer, har koy boudi hounte kerdo vella. Koy pashel his ninna kol Levitarya, kolengro phouro dad o Henadad his.

Esra 3:9 ပူးပေါင်းရင်းမြစ်များ

1. Familjakro liil 23:4

Un kolendar las o David 24.000 (biish-te-star serja) mursha, te budrenn le ap o kheer o baro Debleske, un 6.000 (shob serja) mursha, te wenn le pralstune un tchatchepangre mursha.

2. Familjakro liil 34:12

Un kol mursha kran pengri budi an o tchatchepen. Un kolla hi i laba kol murshendar dran o kheer Levi, kai pral lende tardo his, te denn le jak ap i budepangre: o Jahat un o Obadja dran o kheer Merari, un o Secharja un o Meshullam dran o kheer Kohat. Un i Levitarja his halauter latche bashepangre.

Esra 2:40

dran i khera Jeshua, Kadmijel, Binnui un Hodawja: 74 (efta-deesh-te-star);

Esra 3:8

An o duito bersh har jon pale wan an o foro Jerusalem, un an o duito tchon, kran pen i Israelitarja ap i budi, te tchiwenn le o Debleskro kheer pale pre. O Serubbabel, koleskro dad o Shealtijel his, un o Jeshua, koleskro dad o Jozadak his, un lengre wawar phrala, kolla his i rashaja un i Levitarja, un halauter, kai wan dran pengro pandepen pale an o foro Jerusalem budran khetne ap o Debleskro kheer. Un jon rodan i Levitarjen win, kai biish bersh un phureder his, te denn le jak ap koi tseli budi an o baro Debleskro kheer.

Nehemia 3:24

o Binnui, koleskro dad o Henadad his. Job kras ko kotar an i massuri, pash o Asarjeskro kheer bis pash i bangi ekka un dureder bis pash i ekka;

Nehemia 7:43

I Levitarja: dran i khera Jeshua, Kadmijel, Binnui un Hodawja: 74 (efta-deesh-te-star);