Esra 3:7 - O Debleskro Drom 2021 (Sinte)

⁷ Un jon dan lowe kol murshen, kai budrenn i barrentsa un kol murshen, kai budrenn o kashtentsa. Ninna dan le chapen un pipen un djet kol murshen dran Sidon un Tirus, te nai anenn le Zedertikro kasht dran o Libanon pral o baro pani an ko foro Jafo. Kowa lauter kran le jaake har les lenge o Kirus, ko rai pral Persia penas.

O Debleskro Lab 2024 (Sinte-Manouche)

⁷ Oun yon dan love kol morshen, kay boudrenn i barrentsa oun kol morshen, kay boudrenn o kashtentsa. Ninna dan le rhapen oun pipen oun djet kol morshen dran Sidon oun Tirus, te nay anenn le Cedertikro kasht dran o Libanon pral o baro pani an ko foro Yafo. Kova lauter kran le yaake har les lenge o Cyrus, ko ray pral Persia penas.

Esra 3:7 ပူးပေါင်းရင်းမြစ်များ

2. Samuel 5:11

O baro rai pral o foro Tirus, o Hiram, bitchras murshen pash o Davideste, kai anan leske zedertikro kasht, ninna budepangren, kai haiwan mishto o kashteha un barrentsa te budrell. Kolla kran o Davideske i shukar baro kheer.

1. Rajengro liil 5:6

Un o Salomes his star-serja stanje i grajenge, kai tserdan leskre kurepangre wurdja, un deesh-te-dui serja mursha, kai klissan ap i graja.

2. Rajengro liil 12:10

Un o rashai Jojada las i mochton un kras i cheb dren, un mukas ko mochton pash o sasterno bob te tchiwell ap i tchatchi rig, kote kai i menshe dren wenna an o baro Debleskro kheer. Kol rashaja, kai kote jak dan, tchiwan ko tselo rup kote dren, hoi an o baro Debleskro kheer anlo wella.

2. Rajengro liil 12:13

ap kolende, kai tchiwenn i barra jek ap o wawar, un ap kolende, kai tchinenn i barra, ninna ap kolende, kai ginenn kasht un shukar dine barra dren un ko tselo wawar koowa, hoi hunte was ninna ginlo o khereske.

2. Familjakro liil 34:10

Un jon dan kol lowe kol murshenge an o wast, kai pral i budepangre tardo hi, kai ap o baro Debleskro kheer budrenna, te krenn le kowa pale newes, hoi ap o kheer paash djas.

Esra 3:6

O ersto kopo har anan le viechen, te wenn le chatchedo o baro Debleske, his ap o ersto diwes an o eftato tchon. An ko tsiro his i telstune barra o baro Debleskro khereske gomme gar tchiddo.

Ezekiel 27:17

I themma Juda un i Israel paran tuha un dan tut: latcho gib, hoi was dran o foro Minnit, ninna wawar jarro, gwin, djet un rukengro djet, hoi mishto sungell.

Jona 1:3

Un o Jona stas pre un kamas glan o baro Debleste an o foro Tarsis te nashell, un was tele an o foro Jafo. Un har lo i shiffo hatsas, hoi kamas pash o foro Tarsis te ulerell, das lo lowe koi, un stas dren, te nai ulerell lo lentsa pash o foro Tarsis, un te well lo glan o baro Debleskre jaka buder gar diklo.

Bičepangre 12:20

O Herodes was chojemen ap i menshende an i forja Tirus un Sidon. Kolla lan pengro chapen dran o Herodeskro them. Doleske bitchran le khetne murshen pash leste, te well lo pale latcho lenge. Kolla rakran koleha, kai das jak ap o Herodeskro kheer, leskro lab his Blasto, un penan leske, te kamenn le buder kek tchingepen, un mangan lestar, te penell job kowa o Herodeske.

Bičepangre 9:36

An o foro Joppe djiwas i patsli. Lakro lab his Tabita ap hebretikes un Dorkas ap grichtikes. Koja kras bud latcho koowa, un das bud lowe kol tchorwelende.

Bičepangre 9:38

O foro Joppe his pash o foro Lidda tchiddo. Un har i patsle shunan, kai o Petro an ko foro his, bitchran jon dui murshen pash leste, un mangan les, te well job jaake sik har djala pash lende.

Bičepangre 9:43

Un o Petro atchas bud diwessa an o foro Joppe pash ko mursheste, kai kharell Simon. Kowa his jek, kai budrell viechengre mortsi.